Ahebro 3:17 - Mbeti ti Nzapa - Tënë so amu fini

¹⁷ Be ti lo aso na ya ti ngu baleosio na azo wa? Be ti lo aso na azo so asara siokpari si ala kui na ya ti benyama.

Ahebro 3:17 ပူးပေါင်းရင်းမြစ်များ

Abia (Psaumes) 95:10

Na ya ti ngu baleosio, azo ti ngoi ni so asara ye so aso be ti mbi, nilaa mbi tene: ‘Li ti azo so ague kirikiri awe, lege so mbi ye ala mu, ala hinga ni pepe.’

Jérémie 9:22

Tënë so KOTA GBIA atene ayeke so: “Ayeke nzoni zo ti ndara agonda tere ti lo pepe ndali ti ndara so lo yeke na ni! Ayeke nzoni zo ti ngangu agonda tere ti lo pepe ndali ti ngangu so lo yeke na ni! Ayeke nzoni zo ti mosoro agonda tere ti lo pepe ndali ti mosoro so lo yeke na ni!

Wungo ti azo 14:22

Azo so abaa gonda ti mbi kue, ala baa aye ti kpene so mbi sara na Ezipte nga na ya ti benyama. Ala tara be ti mbi fani baleoko, ala ma yanga ti mbi pepe.

Wungo ti azo 14:28

Ala tene na azo ti Israel, atene: ‘Na iri ti mbi KOTA GBIA so mbi yeke na fini, mbi deba yanga ti mbi awe. Fade mbi yeke sara ye na ala alingbi na atënë ti ala so ala tene na mê ti mbi so. So tënë ti yanga ti mbi, KOTA GBIA laa.

Wungo ti azo 14:29

Fade ala yeke kui na ya ti benyama so. Ala so kue ngu ti ala alingbi baleuse na ala so ngu ti ala ahon baleuse si a diko wungo ti ala, ala so akasa mbi, ala yeke kui kue.

Wungo ti azo 14:37

Ala so atene sioni tënë ti kodro ni so, ala kui gi kuâ ti ngangu na dawa ti KOTA GBIA.

Jude 1:5

Ataa so ala hinga ni kue awe, mbi ye ti dabe ti ala daa: ando, Kota Gbia amu azo ti Israel na kodro ti Ezipte, lo sigigi na ala si lo soo ala; me na pekoni, lo sara si azo so ake tënë ti lo akui.