Ahebro 3:16 - Mbeti ti Nzapa - Tënë so amu fini

¹⁶ Azo so ama ando go ti Nzapa si ala sara ngangu li so ayeke azo wa? Ala yeke azo so kue Moïse amu ala na kodro ti Ezipte si asigigi na ala.

Ahebro 3:16 ပူးပေါင်းရင်းမြစ်များ

Abia (Psaumes) 78:17

Me ala ngba ti sara siokpari ti ke lo, ala ngba ti sara ngangu li na Nzapa so ayeke na yayu kâ na ndö ti aye kue.

Abia (Psaumes) 78:40

Lege mingi, ala sara ngangu li na lo na benyama, ala so be ti lo na ndo so ngu ayeke daa pepe.

Jérémie 32:29

Azo ti Babilone angba ti tiri bira ti mu gbata ni; fade ala yeke li na ya ni, ala yeke bi wâ daa; ala yeke gbi ada so azo ayeke zö dukani na li ni na *Baal titene ala gi na yanga ti mbi. Azo ni ayeke tuku samba ti mu na *sandaga na anzapa nde na ya ti ada ni.

Jérémie 44:3

Ye ni asi, ngbanga ti so azo ni azia ngonzo na be ti mbi na lege ti sioni so ala sara. Biani, ala gue ti zö dukani na anzapa nde si ala voro anzapa ni, anzapa so ala hinga ala kozoni pepe. Ataa ala, azo ti Juda, ataa akotara ti ala ahinga nga anzapa ni so pepe.

Jérémie 44:8

Ala ye ti zia ngonzo na be ti mbi na lege ti asarango ye ti ala? Biani, ala mu asandaga na anzapa nde na kodro ti Ezipte so ala ga aduti daa so! Ala ye ti hunzi kue titene ala ga tapande ndali ti azo so ayeke deba amba ti ala na ye ti kamene ndali ti amara kue ti dunia?

Wungo ti azo 14:11

*KOTA GBIA atene na Moïse: “Azo so ayeke ngba ti ke mbi ngbii asi lawa? Ala yeke ke ti zia be ti ala na ndö ti mbi ngbii asi lawa, ataa aye ti kpene so kue mbi sara na popo ti ala?

Wungo ti azo 14:2

Ala kasa Moïse na Aaron, atene: “Tongana e kui lani na kodro ti Ezipte, ka ayeke nzoni! Tongana e kui na ya ti benyama so, ka ayeke nzoni!

Wungo ti azo 14:24

Me ti Kaleb, zo ti kua ti mbi, mbeni yingo nde ayeke na lo, lo sara ye alingbi na tënë ti yanga ti mbi, nilaa mbi yeke sara titene lo li na ya ti kodro so lani lo gue, lo *bembe ndo daa; fade *ahale ti lo ayeke mu ni titene aga ti ala.

Wungo ti azo 14:30

Mbi deba yanga ti mbi lani ti mu na ala kodro ni titene ala duti daa. Mbi deba yanga ti mbi awe, fade ala yeke li na ya ti kodro ni pepe, gi Kaleb, molenge ti Yefune na Josué, molenge ti Nune.

Wungo ti azo 14:38

Na popo ti azo so ague lani abembe ndo so, gi Josué, molenge ti Nune na Kaleb, molenge ti Yefune laa angba na fini.

Wungo ti azo 14:4

Ala tene na popo ti ala, atene: “Ala ga, e soro mbeni makonzi, e kiri na Ezipte!”

Wungo ti azo 26:65

Mbeni zo oko angba pepe, ngbanga ti so KOTA GBIA atene lani na ala, atene: “Fade ala kue ayeke kui na ya ti benyama.” Nilaa mbeni zo oko angba pepe, gi Kaleb, molenge ti Yefune, na Josué, molenge ti Nune.

Ndia ti fani use ni 1:38

Me Josué, molenge ti Nune, lo so lo yeke sara kua na gbe ti mo, lo laa lo yeke si ande na sese ni. Ayeke nzoni mo mu ngangu na be ti lo; lo laa lo yeke mu sese ni na azo ti Israel titene aga ti ala.”

Jude 1:5

Ataa so ala hinga ni kue awe, mbi ye ti dabe ti ala daa: ando, Kota Gbia amu azo ti Israel na kodro ti Ezipte, lo sigigi na ala si lo soo ala; me na pekoni, lo sara si azo so ake tënë ti lo akui.