Ahebro 3:11 - Mbeti ti Nzapa - Tënë so amu fini

¹¹ Na ya ti ngonzo ti mbi, mbi deba yanga, mbi tene: kodro so mbi leke titene ala wu tere ti ala daa so, fade ala yeke li na ya ni oko pepe!”

Ahebro 3:11 ပူးပေါင်းရင်းမြစ်များ

Abia (Psaumes) 106:26

Tongaso lo yo maboko ti lo na nduzu, lo deba na ala, lo tene: ni yeke sara si ala kui na ya ti benyama,

Abia (Psaumes) 95:11

Tongaso na ya ti ngonzo ti mbi, mbi deba yanga, mbi tene: ‘Kodro so mbi leke titene ala wu tere ti ala daa, fade ala yeke li na ya ni oko pepe.’ ”

Wungo ti azo 14:25

– Ti fadeso, azo ti mara ti Amalek na azo ti Kanaan ayeke lango na popo-hoto so. – Kekereke ala, azo ti Israel, ala yeke kiri na benyama, ala mu lege so ague na mbage ti kota ngu-ingo ti Asosongo.”

Wungo ti azo 14:35

Mbi KOTA GBIA, mbi tene tënë awe. Fade mbi yeke sara gi tongaso na bongbi ti asioni zo so asara ngangu li na mbi so; ala yeke kui kue na ya ti benyama so, mbeni zo oko ayeke ngba pepe.’ ”

Ndia ti fani use ni 2:14

Ti londo na Kades-Barnea ngbii ti si na lango so e fâ ngu ti Zered, e sara ngu baleota na miombe na lege. Na ngoi ni so, andaa azo so kue ngu ti ala alingbi ti sara bira na ndembe so e londo na Kades-Barnea, ala kue akui, alingbi na dengo ba so KOTA GBIA ade ando na ala.

Ahebro 4:3

Ti e so e ma na be na Nzoni Tënë ni, e yeke li na ndo ti wungo tere ni. Nzapa atene ando, atene: “Na ya ti ngonzo ti mbi, mbi deba yanga, mbi tene: kodro so mbi leke titene ala wu tere ti ala daa so, fade ala yeke li na ya ni oko pepe!” Andaa, Nzapa atene tënë so na peko ti so lo hunzi kua ti lo kue awe, ngbene ye so dunia abaa gigi.

Ahebro 4:5

Gi na ya ti oko Mbeti ti Nzapa so, a kiri atene: “Kodro so mbi leke titene ala wu tere ti ala daa so, fade ala yeke li na ya ni oko pepe.”

Ahebro 4:9

So aye ti tene, mbeni lango ti wungo tere angba ndali ti azo ti Nzapa, tongana ti lango mbarambara ni.