Ahebro 2:2 - Mbeti ti Nzapa - Tënë so amu fini

² Tënë so Nzapa afa ando na lege ti *a-ange, aga taa-tënë. Azo so kue ake tënë ni, wala ala so aye ti ma ni pepe, Nzapa afâ ngbanga na li ti ala alingbi mbirimbiri na ye so ala sara.

Ahebro 2:2 ပူးပေါင်းရင်းမြစ်များ

Abia (Psaumes) 68:17

Ngbanga ti nyen si mo hoto so li ti mo ayeke mingi mingi so, mo zia be na hoto so Nzapa asoro titene lo duti na ndö ni so? Biani, fade KOTA GBIA ayeke duti na ndö ni kpu na kpu.

Wungo ti azo 11:33

Me gi so azo ni angba ti te kasa ti andeke ni, ngonzo ti KOTA GBIA alondo na tere ti ala si lo bi mbeni kobela ti bubango kodro na tere ti ala.

Wungo ti azo 21:6

Tongaso KOTA GBIA atokua angbo so ngu ti yanga ti ala ayeke fâ zo fango si angbo ni ade ala. Azo ti Israel akui gbani gbani.

Wungo ti azo 25:9

Andaa azo so akui na kobela ti bubango kodro ni, wungo ti ala ayeke saki baleuse na osio.

Awatokua 7:53

Ataa so ala wara ando *Ndia ti Nzapa na lege ti *a-ange, ala sara ye alingbi na Ndia ni pepe!”

Galasii 3:19

Tongaso, kua ti Ndia ayeke nyen? Nzapa azia Ndia na tere ti mbuki ni titene e hinga ye so ake Ndia. Nzapa amu Ndia ti ku na gango ti hale ti Abraham, lo so Nzapa amu zendo ti mungo ye ni na lo. *A-ange laa amu Ndia ni aga na ni na azo si mbeni zo ayeke walekengo-songo.

Ndia ti fani use ni 17:12

Tongana mbeni zo na ya ti baba ti lo, ake ti ma tënë ti wayango-sandaga so aluti kâ na dawa ti KOTA GBIA Nzapa ti ala, wala wafango-ngbanga ni, fade a yeke fâ zo ni. Lege so fade ala yeke zi sioni ye na sese ti Israel laa.

Ndia ti fani use ni 17:2

Mbeni ye tongaso alingbi ti si: na ya ti mbeni gbata so fade KOTA GBIA Nzapa ti ala ayeke mu na ala, mbeni koli wala mbeni wali asara ye so anzere na le ti KOTA GBIA Nzapa ti ala pepe. Zo ni abuba ya ti *mbuki ti ala na KOTA GBIA,

Ndia ti fani use ni 17:5

ala yeke sigigi na zo ni, ataa lo yeke koli wala wali, na yanga ti gbagba ti gbata ni; ala yeke bo lo na têne si lo kui.

Ndia ti fani use ni 27:26

‘Deba aga na ndö ti zo so ayeke baa atënë ti ndia ti Nzapa tongana senge ye si lo yeke sara ye alingbi na ni pepe!’ Fade azo kue ayeke kiri tënë, atene: ‘Amen!’ ”

Ndia ti fani use ni 32:2

Ayeke nzoni atënë so mbi yeke fa asua tongana ngu-Nzapa, ayeke nzoni atënë ti mbi ni atuku tongana ngu ti pere na ndö ti pere.

Ahebro 1:1

Ando, Nzapa atene tënë fani mingi na akotara ti e na lege nde nde; lo zia tënë ni na yanga ti awayanga-Nzapa si ala tene.

Ahebro 10:28

Ando, zo so ake ti sara ye alingbi na *Ndia ti Moïse, tongana azo use wala ota abaa lo si atene tënë ni, azo ayeke mu zo ni ti fâ lo; mbeni zo ti baa mawa ti lo ayeke daa pepe.

Ahebro 10:35

Tongaso, be ti ala so ala zia na ndö ti Nzapa, ala girisa ni pepe, fade ala yeke wara kota ye na peko ni.

Ahebro 11:26

Moïse atene na be ti lo atene, titene azo abaa ni tongana buba zo, tongana ti so ala sara na *Mesii, so ayeke kota ye mingi ahon amosoro ti kodro ti Ezipte. Moïse asara tongaso ndali ti so le ti lo angba na ndö ti futa so lo yeke wara ande.

Ahebro 11:6

Andaa, tongana zo ayeke na mabe pepe, lo lingbi ti ga nzoni na le ti Nzapa pepe, ngbanga ti so zo so aga nduru na Nzapa, alingbi lo hinga so, Nzapa ayeke daa biani si lo yeke mu anzoni ye na azo so ayeke gi lo.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

2 Pierre 1:19

Na ndö ni kue, tënë so awayanga-Nzapa atene so ayeke taa kpengbango tënë; tënë ni ayeke tongana lamba so ayeke za na ya ti vukongo ndo. So ayeke na legeni titene le ti ala angba na ndö ni ngbii ndo ahan si tongoro ti ndaperere aza na be ti ala.

Jude 1:5

Ataa so ala hinga ni kue awe, mbi ye ti dabe ti ala daa: ando, Kota Gbia amu azo ti Israel na kodro ti Ezipte, lo sigigi na ala si lo soo ala; me na pekoni, lo sara si azo so ake tënë ti lo akui.