Ahebro 2:18 - Mbeti ti Nzapa - Tënë so amu fini

¹⁸ Biani, lo lingbi ti mu maboko na azo so aye ti tarango be asi na ala, ngbanga ti so lo nga, lo baa pasi si aye ti tarango be asi ando na lo.

Ahebro 2:18 ပူးပေါင်းရင်းမြစ်များ

Nzoni Tënë so Luc asu na mbeti 22:28

Ti ala, ala yeke azo so angba lakue na tere ti mbi na ya ti pasi ti mbi.

Nzoni Tënë so Luc asu na mbeti 22:53

Lakue mbi yeke na popo ti ala na ya ti kota da ti Nzapa, me ala gbu mbi pepe. Biani, so ayeke ngbonga ti ala si ayeke nga ngbonga ti komandema ti vukongo ndo.”

Jean 10:29

Babâ ti mbi so amu ala na mbi, lo yeke kota ahon ye kue; zo oko ayeke na ngangu ti gboto ala na maboko ti Babâ pepe.

1 Korente 10:13

Aye ti tarango be so kue asi na ala ayeke aye so ayeke si na azo kue. Nzapa ayeke sara ye alingbi na tënë ti yanga ti lo: lo lingbi ti zia ala titene aye ti tarango be ahon ngangu ti ala pepe. Me tongana ye ti tarango be asi, fade Nzapa ayeke mu na ala ngangu titene ala kanga be ti ala daa, lo yeke mu nga na ala lege ti sigingo na ya ni.

Filipe 3:21

Lo laa lo yeke mu tere ti e so ayeke tere ti pasi ti sara ni alingbi na tere ti lo ti gonda. Lo yeke sara tongaso na lege ti ngangu so lo yeke na ni ti sara si aye kue aduti na gbe ti komandema ti lo.

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

Ahebro 5:2

Na lege ti sarango ye ti lo, ambeni ye mingi atia kota wayango-sandaga ni. Nilaa lo lingbi ti baa mawa ti azo so agirisa lege nga na ala so ahinga atene, sioni ye laa ala sara pepe.

2 Pierre 2:9

so ti tene, *Kota Gbia alingbi ti zi azo so amu tere ti ala kue na lo na ya ti ye ti tarango be si lo yeke bata azo ti kirikiri ti fâ ngbanga na li ti ala na lango ti fango ngbanga.

Jude 1:24

Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.

Aye so Nzapa afa 3:10

Mo bata tënë ti mbi, mo zia lege ni oko pepe. Ndani laa mbi nga, mbi yeke bata mo na ngoi ti aye ti tarango be so ayeke si ande na azo ti sese kue.