Ahebro 2:16 - Mbeti ti Nzapa - Tënë so amu fini

¹⁶ Biani, Jésus aga ti mu maboko na a-ange pepe, me lo ga ti mu maboko na *ahale ti Abraham.

Ahebro 2:16 ပူးပေါင်းရင်းမြစ်များ

Tongo nda ti aye 22:18

A yeke sara tufa na ndö ti azo ti amara ti ndö ti sese kue na lege ti ahale ti mo, ngbanga ti so mo ma yanga ti mbi.”

Rome 2:25

Taa-tënë, tongana mo fâ *ganza si mo yeke sara ye alingbi na Ndia, fango ganza ni ayeke sara nzoni na mo; me tongana mo fâ ganza si mo sara ye alingbi na Ndia pepe, mo yeke tongana zo so afâ ganza pepe.

Galasii 3:16

Legeoko nga, Nzapa amu azendo na Abraham na *hale ti lo. Mbeti ti Nzapa atene tënë ti “ahale ti lo” pepe; a tene tënë ti azo mingi pepe, gi tënë ti zo oko: “na hale ti mo”, so ti tene Christ.

Galasii 3:29

Tongana ala yeke azo ti Christ, andaa ala yeke *ahale ti Abraham, ala yeke wara ande ye so Nzapa amu zendo ni.

Ahebro 12:10

Ti ababâ ti e ti sese so, ala yeke pika ka e tongana ti so ala baa nzoni na le ti ala; pikango e ni ayeke gi ndali ti kete ngoi. Me ti Nzapa, lo yeke pika e ndali ti nzoni ti e, ti mu na e lege ti duti nde si e ga nzoni kue tongana lo.

Ahebro 2:15

Azo so lani mbeto ti kuâ ayeke sara ala si ala ga tongana angbaa na gigi ti ala kue, na lege ti kuâ ti lo, lo zi ala awe.

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

Ahebro 6:16

Tongana azo ayeke deba yanga ti ala, ala yeke deba na iri ti mbeni zo so ayeke kota ahon ala. Dengo ba ni ayeke sara si ala luti na ndö ti mbeni ye ti mbirimbiri, tongaso si dengo kite ahunzi na popo ti ala.

1 Pierre 1:20

Nzapa asoro Christ kozoni si dunia abaa gigi. Na ngoi ti ndani, lo fa Christ na le ti azo kue ndali ti nzoni ti ala, a-ita.