Ahebro 2:15 - Mbeti ti Nzapa - Tënë so amu fini

¹⁵ Azo so lani mbeto ti kuâ ayeke sara ala si ala ga tongana angbaa na gigi ti ala kue, na lege ti kuâ ti lo, lo zi ala awe.

Ahebro 2:15 ပူးပေါင်းရင်းမြစ်များ

Mbeti ti Job 18:11

Mbage na mbage kue, kota mbeto agbu lo; mbeto ni ayeke mu peko ti lo na ndo so kue lo yeke gue daa.

Mbeti ti Job 18:14

A yeke gboto lo na da ti lo so lo yeke duti daa kpoo so, a yeke gue na lo na gbia ti ndo ti akuâ.

Mbeti ti Job 24:17

Ti azo so kue, ala baa ndaperere tongana ndo so avuko pitipiti; me vukongo ndo aga ye ti tere ti ala si ala yeke sara mbeto ni oko pepe.

Abia (Psaumes) 33:19

titene lo soo ala na kuâ si lo bata ala na fini na lango ti kota nzara.

Abia (Psaumes) 55:4

ndali ti so wato ti mbi adekongo na li ti mbi, azo ti sioni ayeke sara ngangu na mbi; ala sara si aye ti sioni aga na ndö ti mbi gbani gbani; na lege ti ngonzo, ala yeke sara pasi na mbi.

Abia (Psaumes) 56:13

Nzapa, zendo so mbi mu na mo so, mbi ye ti sara ye alingbi na ni; mbi yeke ya na mo *sandaga ti mungo singila.

Abia (Psaumes) 73:19

Gi hio tongaso, ye kue abuba awe! Ti ala ahunzi awe, mbeto afâ ala awe!

Abia (Psaumes) 89:48

Dabe ti mo na mbi si: lango ti fini ti mbi ayeke gi nduru! Mo sara zo titene lo ga gi senge senge ye?

Rome 8:15

Yingo so ala wara ayeke Yingo ti sarango ala na ngbaa pepe, Yingo ti ziango mbeto na be ti ala pepe, me Yingo so ayeke sara titene ala ga amolenge ti Nzapa. Na lege ti lo, e yeke dekongo na Nzapa, e tene: “Abba!”, so ti tene “Babâ!”

Rome 8:21

ngbanga ti so fade a yeke zi ala na gbe ti ye so ayeke sara ala na ngbaa si ayeke buba ala so. Tongaso ala yeke li na ya ti gonda so ayeke ti amolenge ti Nzapa so asigigi na gbe ti ngbaa.

2 Korente 1:10

Lo laa lo zi e na ya ti kuâ, fade lo yeke kiri ti zi e na ya ni. Biani, e zia be ti e ti ku lo, fade lo yeke kiri ti zi e.

Galasii 4:21

Ala tene na mbi mbirimbiri, ala so aye ti kiri na gbe ti *Ndia so: ala ma tënë so Ndia atene so pepe?

2 Timothée 1:7

Biani, Yingo so Nzapa amu na e ayeke Yingo ti mbeto pepe, me ayeke Yingo ti ngangu, ti mabe na ti kangango nzara ti tere.

Ahebro 2:16

Biani, Jésus aga ti mu maboko na a-ange pepe, me lo ga ti mu maboko na *ahale ti Abraham.