Ahebro 2:13 - Mbeti ti Nzapa - Tënë so amu fini

¹³ Lo kiri lo tene: “Fade mbi yeke zia be ti mbi kue na ndö ti Nzapa.” Lo kiri lo tene nga: “Amolenge so Nzapa amu ala na mbi, baa, mbi na ala laa!”

Ahebro 2:13 ပူးပေါင်းရင်းမြစ်များ

Tongo nda ti aye 33:5

Na pekoni Ezau ayo le ti lo na nduzu, lo baa awali ni na amolenge ni si lo hunda ndo, lo tene: “So azo wa laa na peko ti mo so?” Jacob akiri tënë, atene: “Amolenge so Nzapa asara nzoni be na mbi si lo mu ala na mbi, zo ti gbe ti mo laa.”

Tongo nda ti aye 48:9

Joseph akiri tënë na babâ ti lo, atene: “Amolenge so Nzapa amu ala na mbi ge so laa.” Jacob atene: “Mo ga na ala na tere ti mbi ge, titene mbi sara tufa na ndö ti ala.”

2 Samuel 22:3

Nzapa ayeke tongana kota têne so mbi honde tere ti mbi na peko ni; lo yeke tongana *vala ti mbi, lo yeke tongana ye ti bira ti mbi so mbi yeke hon awato ti mbi na ni; lo yeke tongana ngangu da so ayo na nduzu so mbi kpe daa ti honde tere ti mbi; lo yeke ndo so mbi kpe daa ti honde tere ti mbi, lo yeke wasongo mbi na kuâ, lo yeke soo mbi na maboko ti azo so ayeke sara ngangu na mbi.

Abia (Psaumes) 127:3

Biani, amolenge ayeke taa mosoro na ya ti sewa, mosoro so KOTA GBIA ayeke mu na zo; amolenge ti ya ti zo ayeke futa so zo ayeke wara.

Abia (Psaumes) 16:1

Sambela ti ya ti be ti David. Nzapa, bata mbi, mo laa mbi kpe na mo ti bata tere ti mbi!

Abia (Psaumes) 18:2

KOTA GBIA, mbi ye mo, mo yeke ngangu ti mbi!

Abia (Psaumes) 91:2

Zo ni ayeke tene na *KOTA GBIA, atene: “Mo yeke ndo so mbi kpe daa ti bata tere ti mbi, mo yeke tongana ngangu gbagba na tere ti mbi; mo yeke Nzapa ti mbi, mbi zia be ti mbi na ndö ti mo.”

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 53:10

Me KOTA GBIA ayeda ti nika lo na lege ti pasi. Zo so lani amu fini ti lo na *sandaga ndali ti azo, KOTA GBIA akiri na lo na kozo ndo ti lo. Fade zo ti kua ti lo ayeke baa *ahale ti lo si lo yeke kiri ti te gigi aninga. Na lege ti lo, KOTA GBIA ayeke sara ye so be ti lo aye.

Matthieu 27:43

Lo zia be ti lo na Nzapa si lo tene: ‘Mbi yeke Molenge ti Nzapa.’ Nzapa ni aga azi lo fadeso, e baa!”

Jean 10:29

Babâ ti mbi so amu ala na mbi, lo yeke kota ahon ye kue; zo oko ayeke na ngangu ti gboto ala na maboko ti Babâ pepe.

1 Korente 4:15

Biani, ataa azo saki baleoko laa afa lege na ala si ala ga oko na Christ, ala yeke na ababâ mingi pepe: mbi laa mbi du ala si ala ga oko na Christ na lege ti Nzoni Tënë so mbi fa na ala.