Ahebro 2:11 - Mbeti ti Nzapa - Tënë so amu fini

¹¹ Lo so ayeke zia azo nde ndali ti Nzapa, lo na azo ni ayeke gi na Babâ oko. Ndani laa, lo yeke na kamene ti iri ala a-ita ti ni pepe.

Ahebro 2:11 ပူးပေါင်းရင်းမြစ်များ

Matthieu 25:40

Fade Gbia ni ayeke kiri tënë na ala: ‘Mbi tene na ala taa-tënë: ye so kue ala sara na asenge zo so ayeke a-ita ti mbi, andaa na mbi laa ala sara ni.’

Matthieu 28:10

Tongaso Jésus atene na ala: “Mbeto asara ala pepe. Ala gue, atene na a-ita ti mbi ti gue na Galile: kâ laa ala yeke baa ande mbi.”

Marc 3:34

Na pekoni, lo baa azo so aduti, angoro lo so si lo tene: “Ala baa, mama ti mbi na a-ita ti mbi laa so.

Marc 8:38

Biani, azo ti fadeso ake ti ma yanga ti Nzapa, ala yeke sara gi sioni. Tongana mbeni zo asara kamene ti mbi na ti atënë ti mbi na le ti azo ti fadeso, fade Molenge ti Zo ayeke sara kamene ti zo ni na lango so lo yeke ga na ya ti gonda ti Babâ ti lo, na *a-ange ti lo so ayeke nde si ayeke nzoni kue.”

Nzoni Tënë so Luc asu na mbeti 9:26

Tongana mbeni zo asara kamene ti mbi na ti atënë ti mbi, fade Molenge ti Zo ayeke sara nga kamene ti lo na lango so lo yeke ga na ya ti gonda ti lo, gonda ti Babâ ti lo nga na ti *a-ange so ayeke nde si ayeke nzoni kue.

Jean 17:19

Ndali ti nzoni ti ala, mbi bata tere ti mbi nde ndali ti mo titene ala nga, ala bata tere ti ala nde ndali ti mo na lege ti taa-tënë.

Jean 17:21

Mbi sambela titene ala kue aga gi oko! Babâ, ayeke nzoni ala ga oko na e, tongana ti so mbi na mo, e yeke oko. Ayeke nzoni ala ga oko si fade azo ti dunia ahinga atene, mo laa mo tokua mbi.

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

Awatokua 17:26

Na lege ti zo oko, lo sara azo ti amara kue si lo zia ala na ndö ti sese kue. Lo leke angoi ti dutingo ti amara oko oko na ndö ti dunia so, lo fa katikati ti sese ti ala.

Awatokua 17:28

Biani, ‘Na lege ti lo laa e yeke na fini, e yeke tambula si e yeke daa.’ “Ambeni zo ti ala so ayeke azo ti sungo mbeti na kode, atene: ‘E nga, e yeke amolenge ti lo.’

Rome 8:29

Biani, azo so Nzapa asoro ala kozoni, lo leke na be ti lo kozoni ti sara si ala ga tongana Molenge ti lo, tongaso si Molenge ni aga yaya ti a-ita mingi.

Galasii 4:4

Me so ndembe ni alingbi na le ti Nzapa awe, lo tokua Molenge ti lo; wali laa adu lo, lo duti na gbe ti *Ndia ti azuife

Ahebro 10:10

Jésus Christ asara ye alingbi na ye so be ti Nzapa aye. Lo mu tere ti lo na sandaga gi fani oko biani biani, nilaa a sukula asioni ti e.

Ahebro 10:14

Na lege ti oko sandaga so lo mu, Christ asara si azo so lo *sukula sioni ti ala, ala ga nzoni kue kpu na kpu.

Ahebro 11:16

Me kodro so nzara ni ayeke sara ala so ayeke kodro so ayeke nzoni ahon atanga ni kue, so ti tene kodro ti yayu. Ndani laa kamene asara Nzapa pepe titene ala iri lo Nzapa ti ala. Biani, lo leke mbeni gbata ndali ti ala.

Ahebro 13:12

Ndani laa, Jésus nga akui na gigi ti gbata ni titene na lege ti mene ti lo wani, lo *sukula sioni ti azo.

Ahebro 2:14

Ndali ti so amolenge ni ayeke na tere na mene oko, Jésus aga tongana ala si lo mu tere ti zo. Tongaso, na lege ti kuâ ti lo, lo kinda Zabolo so ayeke ando na ngangu na ndö ti kuâ.

Ahebro 3:1

Tongaso, a-ita azo ti Nzapa, ala so lo iri ala ti ga azo ti lo, ayeke nzoni ala baa ndo na Jésus, lo so Nzapa atokua lo titene lo ga kota wayango-sandaga ti mabe so e yeke fa tënë ni.