Ahebro 2:10 - Mbeti ti Nzapa - Tënë so amu fini

¹⁰ Nzapa asara ye kue, ye kue ayeke ndali ti lo. Lo ye ti mu azo mingi ti li na ala na ya ti gonda ti lo. Biani, alingbi fade lo sara titene Jésus aga nzoni kue na lege ti pasi so lo baa. Andaa Jésus ayeke mu lege na azo titene ala soo kuâ.

Ahebro 2:10 ပူးပေါင်းရင်းမြစ်များ

Tongo nda ti aye 18:25

Titene mo bongbi azo ti mbirimbiri na azo ti sioni kue ti fâ ala, so alingbi na mo pepe. So ti fa atene, zo ti mbirimbiri na zo ti sioni kue gi legeoko? Sarango ye tongaso alingbi na mo pepe! Lo so ayeke fâ ngbanga na ndö ti azo ti dunia kue, lo lingbi ti fâ ngbanga ti kirikiri tongana nyen?”

Amato 16:4

Ye so kue KOTA GBIA asara, nda ni ayeke daa. Ataa zo ti sioni, lo sara lo ti ku na lango ti ye ti sioni.

Ésaïe 43:21

Azo so mbi leke ala ndali ti mbi, ala yeke he bia ti sepela na mbi.”

Ésaïe 55:4

Mbi zia lo na tere ti amara tongana zo so ahinga ngangu ti mbi; mbi zia lo makonzi nga na zo so ayeke na komandema na ndö ti amara.

Osée 8:10

Ataa azo ti Efraim amu akadoo na amara nde, mbi yeke bongbi ala fadeso. Gi na ya ti kete ngoi, ala yeke baa pasi na gbe ti nengo kungba ti gbia ti amakonzi.

Mishe 2:13

Lo so lo yeke zi lege, lo yeke tambula na dawa ti ala; a zi ala awe, ala hon yanga ti gbagba ni awe si ala sigigi awe. KOTA GBIA so ayeke Gbia ti ala laa amu li ti tambula ti ala ni.”

Wungo ti azo 7:15

Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

Nzoni Tënë so Luc asu na mbeti 13:32

Lo kiri tënë na ala, lo tene: “Ala gue, atene na zo ti mayere, zo ti gbungo kondo so, atene: ‘Mbi yeke tumba asioni yingo, mbi yeke kai akobela ti azo laso na kekereke; na lango ota ni, fade mbi yeke hunzi kua ti mbi.’

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Nzoni Tënë so Luc asu na mbeti 24:26

Alingbi fade titene *Mesii abaa pasi kozoni si lo li na ya ti gonda ti lo pepe?”

Nzoni Tënë so Luc asu na mbeti 24:46

Lo tene na ala: “A su na ya ti Mbeti ti Nzapa, atene: Fade *Mesii ayeke baa pasi si na lango ota ni, lo yeke zingo na kuâ.

Jean 11:52

Lo yeke kui gi ngbanga ti mara so oko pepe, me lo yeke kui nga ti bongbi amolenge ti Nzapa so ayeke na ando nde nde si ala ga tere oko.

Jean 19:30

Jésus anyon kpingo vin ni si na pekoni, lo tene: “Ye kue ahunzi awe!” Lo ba li ti lo na sese si lo kui.

Awatokua 3:15

Ala fâ Makonzi so ayeke mu fini na zo, me Nzapa azingo lo na kuâ; e wani, e baa ni na le ti e.

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Rome 11:36

Biani, ye kue alondo na Nzapa, ye kue ayeke duti na lege ti lo, ye kue ayeke ndali ti lo. Gonda ayeke ti lo kpu na kpu! Amen.

Rome 9:23

tongaso si lo fa kota gonda ti lo na azo so lo baa mawa ti ala; azo ni ayeke azo so lo leke ala kozoni ndali ti gonda ni.

1 Korente 2:7

Mbi yeke fa tënë ti ndara ti Nzapa so zo ahinga ni pepe, so lo honde ni na azo. Nzapa aleke tënë ti ndara ni kozo si dunia abaa gigi, ti sara si e wara gonda daa.

1 Korente 8:6

Ti e, Nzapa ayeke gi oko, lo yeke Babâ so ye kue alondo na lo si e yeke na fini ndali ti lo. E yeke nga gi na *Kota Gbia oko, Jésus Christ so na lege ti lo, ye kue abaa gigi si e yeke na fini na lege ti lo.

2 Korente 3:18

E so kue a zi bongo ni na le ti e awe, azo ayeke baa gonda ti Kota Gbia na ndö ti le ti e tongana ti so zo ayeke baa ye na ya ti tatara. Yingo ti Kota Gbia ayeke sara titene e ga nde, e kpa Kota Gbia si gonda ti e ayeke gue guengo lakue na nduzu.

2 Korente 4:17

Pasi so e yeke baa fadeso ayeke gi ndali ti kete ngoi. Pasi ni ayeke leke e ndali ti kota gonda so ayeke ngba lakue lakue si ayeke kota ahon ndoni.

2 Korente 5:18

Ye kue alondo na Nzapa, lo so lo sara si songo akiri na popo ti e na lo na lege ti Christ. Lo mu na e kua ti sara si songo akiri na popo ti lo na azo.

2 Korente 6:18

Kota Gbia so ngangu ti lo ahon angangu kue atene: “Mbi yeke duti Babâ ti ala si ala yeke duti amolenge ti mbi ti koli na ti wali.”

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.

Efeze 2:7

Lo sara nzoni ye so na e na lege ti Jésus Christ titene na ya ti angoi so kue ayeke ga, azo alingbi ti baa so nzoni be ti lo ahon ndoni.

Efeze 3:10

Me fadeso, lo fa ye ni na lege ti *Eglize titene ayingo so ayeke na nduzu si ayeke na komandema ahinga atënë ti ndara nde nde kue ti Nzapa.

Kolose 3:4

Christ ayeke fini ti ala. Na lango so lo yeke si, fade ala nga, ala yeke si legeoko na lo ti duti na ya ti gonda ti lo.

2 Timothée 2:10

Ndani laa mbi yeke kanga be ti mbi na ya ti aye so kue ngbanga ti azo so Nzapa asoro ala. Tongaso, ala nga, fade ala yeke wara lege ti soo kuâ na lege ti gango so ala ga oko na Jésus Christ si ala yeke wara gonda so ayeke ngba lakue lakue.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

Ahebro 6:20

Jésus ali na ndo so kozo ti e nga ndali ti e. Lo ga kota wayango-sandaga kpu na kpu tongana ti Melkisedeke.

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.

Ahebro 7:28

Azo so Ndia ti Moïse amu na ala lege ti ga akota wayango-sandaga, ala yeke azo so alingbi kue pepe; me na peko ti Ndia ni, Nzapa adeba yanga ti lo si lo mu Molenge ti lo ti ga kota wayango-sandaga so alingbi kue kpu na kpu.

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.

1 Pierre 5:1

Fadeso mbi yeke mu wango na *akangba ti *Eglize so ayeke na popo ti ala. Mbi nga, mbi yeke kangba tongana ala. Mbi baa na le ti mbi pasi so Christ abaa ando; legeoko na ala, fade mbi yeke li na ya ti gonda so ayeke si.

1 Pierre 5:10

Pasi so ala yeke baa so ayeke ndali ti kete ngoi. Me Nzapa so ayeke sara nzoni be mingi na azo, lo iri ala titene ala li na ya ti gonda ti lo so ayeke ngba lakue lakue, ngbanga ti so ala ga oko na Christ awe. Tongaso, lo yeke sara titene ala ga nzoni kue, ala kpengba, ala wara ngangu si mbeni ye ayingi ala pepe.

Aye so Nzapa afa 4:11

“Kota Gbia, Nzapa ti e, mo lingbi titene azo agonda mo, azo ane mo si asepela mo ndali ti ngangu ti mo. Biani, mo laa mo sara aye kue, mo yeda titene aye ni abaa gigi si ala baa gigi.”

Aye so Nzapa afa 7:9

Na pekoni, mbi kiri mbi baa azo gbani gbani, zo alingbi ti diko wungo ti ala pepe. Azo ni ayeke azo ti amara kue, azo ti akete mara kue, azo ti ayanga ti akodro nde nde kue. Ala yeke luti na le ti lo so ayeke duti na ndö ti mbata ti gbia nga na le ti Molenge ti Taba; ala kue ayu ayongoro vuru bongo si ala gbu amaboko ti keke ti mburu na maboko ti ala.