Ahebro 2:1 - Mbeti ti Nzapa - Tënë so amu fini

¹ Ndani laa, tënë ti Nzapa so e ma, alingbi e gbu ni ngangu, tongaso si e girisa lege pepe.

Ahebro 2:1 ပူးပေါင်းရင်းမြစ်များ

1 Mbai 22:13

Tongana mo sara ye na lege ti aye so ndia afa nga na lege ti ambela ti KOTA GBIA so lo mu na Moïse ndali ti azo ti Israel, fade aye ti mo kue ayeke ga nzoni. Gbu ngangu, mo sara ye ti koli, zia mbeto asara mo pepe, zia mbeto ahon ndö ti mo pepe.

Abia (Psaumes) 119:9

Fade maseka ayeke sara tongana nyen ti bata lege ti lo mbirimbiri? – Na lege ti sarango ye alingbi na tënë ti mo.

Amato 3:21

Molenge ti mbi, ayeke nzoni hango le na nzoni gbungo-li aga aye ti tere ti mo; alingbi mo zia ni laoko pepe.

Habakuk 1:6

Baa, mbi yeke sara si azo ti Babilone aga, azo ti mara so ayeke sioni mingi so, ala so ayeke baa mawa ti zo pepe so. Ala yeke hon na ya ti akodro ti dunia kue ti mu sese ti azo, sese so ayeke ti ala pepe.

Habakuk 2:16

Ti mo, mo baa fade mo tene, azo ayeke gonda mo mingi, me gba ti kamene laa ayeke hon ndö ti mo. Ngoi titene mo nyon ti mo samba ni laa; ngoi titene mo fa *pito ti mo na le ti azo laa! Fade KOTA GBIA ayeke sara titene mo nyon kopo ti ngonzo so ayeke na maboko ti lo ti koli. Fade gonda ti mo ayeke ga ye ti kamene!

Matthieu 16:9

Ala de ti hinga ndo pepe? Mapa oku so akoli saki oku ate so, ala ro lani tanga ni asi sakpa oke? Ala dabe ti ala na ni pepe?

Marc 8:18

Le ti ala ayeke daa ti baa na ndo pepe? Mê ti ala ayeke daa ti ma na ndo pepe? Li ti ala agirisa?

Nzoni Tënë so Luc asu na mbeti 8:15

Ambeni zo ayeke tongana nzoni sese so ale ti kobe atuku daa; ala ma tënë ni na be so ayeke mbirimbiri si ayeke nzoni. Ala bata tënë ni si ala kanga be ti ala ti le lakue.”

Nzoni Tënë so Luc asu na mbeti 9:44

“Ala ma tënë so mbi yeke tene na ala so nzoni! Fade a yeke zia *Molenge ti Zo na maboko ti azo.”

Jean 8:59

Ala mu têne ti bo na Jésus, me lo honde tere ti lo si lo sigigi na ya ti kota da ti Nzapa ni, lo hon.

Ndia ti fani use ni 4:23

Ala sara hange! *Mbuki so KOTA GBIA Nzapa ti ala asara ni na ala, be ti ala agirisa na ni pepe. Ala sara yanda ndali ti ala wani pepe, wala mbeni ye so akpa limo ti zo na ti nyama. KOTA GBIA Nzapa ti ala ake na ala ti sara mara ti ye tongaso.

Ndia ti fani use ni 4:9

Moïse atene: Ye oko, alingbi ala azo ti Israel, ala sara hange, le ti ala akpengba! Ye so ala wani abaa na le ti ala, alingbi be ti ala agirisa na ni pepe. Ala bata ni na be ti ala na lango ti fini ti ala kue; ala fa tënë ni na amolenge ti ala nga na amolenge ti amolenge ti ala.

Ahebro 12:5

Be ti ala agirisa na wango so Nzapa ayeke mu na ala tongana ti so babâ ayeke mu na amolenge ti lo; lo tene: “Molenge ti mbi, tongana *Kota Gbia apika mo ti zia mo na nzoni lege, mo baa ni tongana senge ye pepe. Tongana Kota Gbia asuku na mo, ayeke nzoni be ti mo awoko pepe,

2 Pierre 1:15

Me mbi yeke sara kue titene na peko ti mbi, ala wara lege ti dabe ti ala lakue na aye so mbi fa na ala.

2 Pierre 3:1

A-ita ti mbi so mbi ye ala mingi, use mbeti so mbi su ti tokua na ala laa. Na ya ti ambeti ni use kue, mbi ye ti dabe ti ala na ndö ti aye so ala hinga awe si ala duti azo so tënë ti be ti ala ayeke na legeni.