Ahebro 13:9 - Mbeti ti Nzapa - Tënë so amu fini

⁹ Ala zia lege na ambeni zo pepe ti handa ala na lege ti afango ye ti kirikiri nde nde. Titene be ti zo awara ngangu na lege ti nzoni ye so Nzapa asara, so laa ayeke nzoni, me na lege ti kobe pepe; azo so ayeke bata andia ti kobe, ala wara nzoni ye na peko ni pepe.

Ahebro 13:9 ပူးပေါင်းရင်းမြစ်များ

Abia (Psaumes) 112:8

Be ti lo ado pepe, lo yeke sara mbeto pepe si lo yeke ku ti baa ye so ayeke ti ande na ndö ti awato ti lo.

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Matthieu 24:4

Jésus akiri tënë na ala: “Ala sara hange si mbeni zo ahanda ala pepe!

Nzoni Tënë so Luc asu na mbeti 5:38

Me alingbi atuku fini vin na ya ti fini bozo.

Awatokua 20:30

Na popo ti ala wani nga, fade ambeni ayeke londo ti tene mvene ti handa adisiple mingi ti mu peko ti ala.

Awatokua 20:32

“Fadeso, mbi zia ala na maboko ti Nzapa, mbi zia nga ala titene tënë ti nzoni be ti lo abata ala. Nzapa ayeke na ngangu ti kpengba ala, ti mu na ala anzoni ye so kue lo bata ni ndali ti azo ti lo.

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Rome 14:2

Mbeni zo so ama na be abaa ti lo atene, ni lingbi ti te ye kue, me mbeni zo so ade ti kpengba pepe ayeke te ti lo gi akugbe ti kasa.

Rome 14:6

Zo so abaa mbeni lango tongana kota lango ahon atanga ni, lo yeke sara tongaso ndali ti Kota Gbia; zo so ayeke te ye kue, lo yeke te ni ndali ti Kota Gbia, ngbanga ti so lo yeke mu singila na Nzapa. Zo so ayeke te ye kue pepe, lo yeke sara tongaso ndali ti Kota Gbia, ngbanga ti so lo nga, lo yeke mu singila na Nzapa.

1 Korente 6:13

Ambeni zo ayeke tene nga: “Kobe ayeke ndali ti ya si ya ayeke ndali ti kobe.” Taa-tënë, me Nzapa ayeke buba ande ya na kobe kue. Andaa tere ti zo ayeke titene lo sara na aye ti kirikiri pepe: tere ti zo ayeke ndali ti *Kota Gbia si Kota Gbia ayeke ndali ti tere ti zo.

1 Korente 8:8

Kobe laa ayeke sara titene e ga nduru na Nzapa pepe. Ataa e te ni pepe, e yeke girisa ye oko daa pepe, ataa e te ni, e yeke wara ye oko daa pepe.

2 Korente 1:21

Nzapa laa ayeke sara titene mbi na ala kue, e kpengba na lege ti gango so e ga oko na Christ. Lo laa lo zia e nde ndali ti lo;

Galasii 6:1

Ala, a-ita so Yingo ti Nzapa ayeke fa lege na fini ti ala, tongana ala baa mbeni zo na sarango ye ti sioni, ayeke nzoni na wokongo be, ala kiri na zo ni na nzoni lege. Ita ti mbi, sara hange si mo nga, mbeni ye atara be ti mo pepe!

Efeze 4:14

Fade e yeke kiri ti duti tongana akete molenge pepe so *mapo ti atënë nde nde ayingi ala, so pupu ti azo ti mvene nga na fango ye ti ala na lege ti mayere ahon na ala kirikiri tongana ngo na le ti ngu.

Efeze 5:6

Ala zia mbeni zo ahanda ala na asenge senge tënë pepe. Asioni ye tongaso asara si ngonzo ti Nzapa ayeke ga na ndö ti azo so ake yanga ti lo.

Kolose 2:4

Mbi yeke tene tënë so na ala titene zo oko ahanda ala na anzerengo tënë pepe.

2 Tesalonike 2:17

ti mu ngangu na be ti ala, ti sara si ala kpengba na ya ti aye so kue ala yeke sara, nga na lege ti atënë so ala yeke tene ti sara nzoni na azo!

2 Tesalonike 2:2

tongana mbeni zo atene, *lango ti Kota Gbia asi awe, li ti ala aga kirikiri hio pepe, ala sara nga mbeto pepe. Ataa azo ni atene, tënë ni alondo na yanga ti Nzapa, wala tënë ni alondo na e, wala e laa e tokua mbeti ni na ala, ala yeda na ni pepe.

1 Timothée 6:20

Timothée, mo bata ye so Nzapa azia na maboko ti mo so nzoni. Mo kpe lege ti asenge senge tënë so asongo na mabe pepe, mo kpe nga lege ti atënë ti mvene ti azo so abaa ti ala atene, ala hinga aye ti nda ti gigi so.

1 Jean 4:1

A-ita ti mbi so mbi ye ala mingi, tongana azo atene, ani yeke na Yingo ti Nzapa, ala yeda na ala kue pepe; me ayeke nzoni ala gi nda ti azo ni ti baa wala yingo so ala yeke na ni so alondo na Nzapa. Biani, *awayanga-nzapa mingi ti mvene amu ndö ti dunia kue awe.

Jude 1:12

A-ita, na ndembe so ala yeke te kobe ti beoko si azo ni so ayeke na popo ti ala, azo ni aga tongana mbeni sarate na ya ti matanga ti ala ti tengo kobe. Azo ni so ayeke te ye na kamene pepe, ala hinga gi nzara ti ya ti ala. Ala yeke tongana ambinda so pupu ayeke hon na ni si ngu apika na peko ni pepe. Ala yeke nga tongana akeke so ale pepe, ataa so ndembe ni alingbi awe; tongana a zi gere ni, akui biani biani.

Jude 1:3

A-ita ti mbi so mbi ye ala mingi, mbi ye fade mingi ti su mbeti na ala na ndö ti tënë ti songo so Nzapa asoo e na ala kue so. Me mbeni ye apusu mbi ti su mbeti so ti mu ngangu na be ti ala titene ala tiri bira ti bata mabe so Nzapa amu na azo ti lo fani oko biani biani.