Ahebro 13:6 - Mbeti ti Nzapa - Tënë so amu fini

⁶ Ndani laa e lingbi ti tene na mbeto pepe, e tene: “*Kota Gbia laa ayeke mu na mbi maboko, fade mbeto ayeke sara mbi pepe. Nyen laa zo alingbi ti sara na mbi, nyen?”

Ahebro 13:6 ပူးပေါင်းရင်းမြစ်များ

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

1 Agbia 17:8

Tongaso tënë ti *KOTA GBIA asi na Élie, atene:

Abia (Psaumes) 124:8

Zo ti mungo maboko na e ayeke KOTA GBIA wani, lo so lo sara yayu na sese.

Abia (Psaumes) 146:3

Ala azo, ala zia be ti ala na ndö ti amakonzi pepe; amakonzi ayeke asenge zo, ala lingbi ti soo zo pepe.

Abia (Psaumes) 27:9

Mo honde le ti mo na mbi pepe. Mbi so mbi yeke zo ti kua ti mo, mo tumba mbi na ngonzo pepe; mo laa mo mu maboko na mbi. Mo ke mbi pepe, mo zia mbi pepe, mo yeke Nzapa so mo soo mbi.

Abia (Psaumes) 33:20

Ti e, e yeke ku KOTA GBIA; lo laa lo yeke mu maboko na e, lo laa lo yeke *vala ti e.

Abia (Psaumes) 40:17

Me azo so kue ayeke gi mo, ayeke nzoni ala dodo na ngia ndali ti mo. Azo so aye mo, Wasongo azo na kuâ, ayeke nzoni ala ngba lakue ti tene: “KOTA GBIA ayeke kota!”

Abia (Psaumes) 54:4

Nzapa, ma sambela ti mbi; zi mê ti mo, mo ma atënë so mbi yeke tene.

Abia (Psaumes) 56:4

Na lango so mbeto asara mbi, mbi yeke zia be ti mbi na ndö ti mo.

Abia (Psaumes) 63:7

Tongana mbi yeke na ndö ti gbogbo ti mbi, mbi yeke dabe ti mbi na mo, mbi yeke gbu li ti mbi na ndö ti mo na bi kue.

Abia (Psaumes) 94:17

Tongana KOTA GBIA amu fade maboko na mbi pepe, ka mbi hon hio na ndo so ndo ade daa ngii.

Sigingo 18:4

Iri ti mbeni ayeke Eliezer, so ti tene “Nzapa amu maboko na mbi”. Biani, Moïse atene lani, atene: “Nzapa ti babâ ti mbi amu maboko na mbi; lo zi mbi na yanga ti yongoro zeme ti Faraon.”

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 41:14

“Jacob, sara mbeto pepe, mo so mo yeke tongana ngusu, Israel, mo so mo yeke tongana makongo. Mbi yeke ga ti mu na mo maboko, so tënë ti yanga ti *KOTA GBIA laa. Mbi laa mbi yeke zi mo, mbi Nzapa ti Israel so mbi yeke nde si mbi yeke nzoni kue.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

Efeze 3:12

Na lege so e ga oko na Jésus Christ si e ma na be na lo, e lingbi ti ga nduru na Nzapa na mbeto pepe.

Ndia ti fani use ni 33:26

Na pekoni, Moïse akiri atene: “Yeshurun, mbeni nzapa ti lingbi na Nzapa ti mo ayeke daa pepe! Na ya ti gonda ti lo, lo tambula na ndö ti ambinda, lo hon na le ti nduzu si lo yeke ga ti mu maboko na mo.

Ndia ti fani use ni 33:29

Ti ala nzoni, ala azo ti Israel! Mara wa laa alingbi na ti ala? Mara ti ala oko laa KOTA GBIA asoo ni. KOTA GBIA ayeke *vala ti batango ala, lo yeke ye ti bira so asara si ala so benda. Fade awato ti ala ayeke handa ala na lege ti mayere, me ala, azo ti Israel, ala yeke do awato ni na gbe ti gere ti ala.”

Ahebro 10:19

Tongaso a-ita, ndali ti mene ti Jésus, lege azi na e polele ti li na ndo ti nzoni kue ti Nzapa.

Ahebro 4:16

Tongaso, e gue nduru na tere ti mbata ti Gbia Nzapa na mbeto pepe, titene lo baa mawa ti e, lo sara nzoni be na e si lo mu na e maboko na ndembe so alingbi.

1 Samuel 23:17

Lo tene na David: “Sara mbeto pepe. Fade maboko ti babâ ti mbi Saul ayeke ndu mo pepe. Mo laa mo yeke ga ande gbia ti Israel; mbi si mbi yeke ga na peko ti mo. Babâ ti mbi Saul ahinga ni kue.”