Ahebro 13:4 - Mbeti ti Nzapa - Tënë so amu fini

⁴ Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.

Ahebro 13:4 ပူးပေါင်းရင်းမြစ်များ

Tongo nda ti aye 2:21

KOTA GBIA Nzapa asara si zo ni ati na ya ti kota lango. Lo zi mbeni bio oko ti kate ti zo si lo kanga kasa ti tere ti zo na plase ni.

Tongo nda ti aye 2:24

Ndani laa koli ayeke zia ande babâ na mama ti lo titene lo na wali ti lo abongbi oko si ala ga gi tere oko.

2 Agbia 22:14

Wayango-sandaga Hilkia, na Ahikam, na Akbor, na Shafan nga na Asaya ague, awara Hulda, wayanga-Nzapa so ayeke lango na Fini Vaka ti Jérusalem. Lo yeke wali ti Shalum; Shalum ayeke molenge ti Tikva, molenge ti Haras. Shalum ayeke zo ti batango abongo ti ya ti kota da ti Nzapa. Azo ni afa peko ti tënë ni na wayanga-Nzapa ni.

Mbeti ti Job 31:12

Ka sioni ti mbi ayeke tongana wâ so agbi mbi ngbii asi na ndo ti akuâ; wâ ni ayeke buba aye so kue mbi wara.

Ésaïe 8:3

Na pekoni, mbi na wali ti mbi so lo yeke wayanga-Nzapa, e duti koli na wali; lo mu ngo si lo du molenge-koli. KOTA GBIA atene na mbi: “Mo di iri ti molenge ni ‘Maher-Shalal-Hash-Baz’.

Awayango-sandaga 15:18

“Tongana mbeni koli na mbeni wali aduti koli na wali, alingbi ala use kue asukula ngu; ala yeke ngba *sioni ngbii asi na lakui.

Awayango-sandaga 18:20

“Alingbi mo lango pepe na wali ti mbeni mba ti mo so mo na lo ayeke na ya ti kodro oko. So fade ayeke sara si mo ga *sioni.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

1 Korente 5:13

Ti azo ti gigi, Nzapa laa ayeke fâ ande ngbanga ti ala. Mbeti ti Nzapa atene: “Ala zi zo ti sioni so ayeke na popo ti ala.”

1 Korente 6:18

Ala kpe lege ti gingo wali wala gingo koli kirikiri! Atanga ti siokpari so kue zo ayeke sara ayeke ndu tere ti lo wani pepe; me zo so agi wali wala koli kirikiri, andaa lo sara sioni na tere ti lo wani.

1 Korente 6:9

Ala hinga pepe? Azo ti sarango sioni, fade *Kodro-gbia ti Nzapa ayeke ga ti ala pepe. Ala handa tere ti ala pepe: azo ti gingo wali wala gingo koli kirikiri, azo ti vorongo anzapa nde, azo ti gingo wali wala koli ti amba ti ala, akoli so ayeke lango na amba ti ala akoli,

1 Korente 7:38

Tongaso, koli so amu tere na maseka-wali so lo ye ti mu lo, lo sara nzoni; me koli so amu tere pepe na maseka-wali ni, lo sara nzoni mingi.

1 Korente 9:5

E lingbi fade ti mu wali so ayeke zo ti Christ na tere ti e na ya ti atambula ti e pepe? Atanga ti awatokua, a-ita ti Kota Gbia na Pierre ayeke sara ni!

2 Korente 5:10

Biani, fade e kue, e yeke si na le ti ngbanga ti Christ titene zo oko oko awara ye ti peko ti aye so lo sara na ngoi so lo yeke na fini na ndö ti sese so: nzoni ni wala sioni ni.

Galasii 5:19

Aye so asioni nzara ti be ti zo ayeke sara ni si azo ahinga ni kue ayeke: gingo wali wala gingo koli kirikiri, sarango ye ti ndumba, sarango ye ti kamene,

Galasii 5:21

sarango nzara ti ye ti zo, nyongo samba na tengo kobe butuma, na ambeni mara ti ye tongaso. Mbi tene tënë so na ala kozoni awe, mbi yeke kiri na ndö ni: azo ti sarango aye tongaso, *Kodro-gbia ti Nzapa ayeke ga ti ala pepe.

Efeze 5:5

Alingbi ala hinga nzoni atene, azo ti sarango ye ti ndumba, azo ti sarango ye ti kamene nga na azo so kota nzara ti warango ye ayeke na be ti ala, *Kodro-gbia ti Christ na ti Nzapa ayeke ga ti ala pepe. – Andaa sarango kota nzara ti warango ye ayeke mbeni lege ti vorongo anzapa nde. –

Ndia ti fani use ni 22:22

Tongana a wara mbeni koli so ayeke lango na wali ti mbeni zo, fade a yeke fâ ala use kue, koli ni na wali ni. Lege so fade ala yeke zi sioni ye na popo ti ala laa.

1 Tesalonike 4:6

Na ya ti tënë so, ayeke nzoni zo oko asara mbeni ye ti songo be wala ye ti kirikiri na mba ti lo pepe. E tene tënë so na ala awe, e gboto mê ti ala na ndö ni awe: azo so asara mara ti asioni ye tongaso, fade Kota Gbia ayeke zia peko ni angba senge pepe.

1 Timothée 3:12

Alingbi diakre ayeke gi na wali oko, lo yeke nzoni makonzi ti amolenge ti lo na ti asewa ti lo wani.

1 Timothée 3:2

Alingbi zo ti li ti Eglize ayeke zo so tënë ayeke na li ti lo pepe, lo yeke gi na wali oko, lo yeke sara ye ahon ndoni pepe, me na legeni, lo yeke tene tënë na legeni, lo yeke sara ye na lege ti nengo tere, lo yeke yamba azo nzoni na da ti lo, lo hinga lege ti fango ye na azo;

1 Timothée 3:4

lo yeke nzoni makonzi ti sewa ti lo wani, lo yeke sara titene amolenge ti lo ama yanga ti lo, na nengo tere.

1 Timothée 4:3

Azo ni so ayeke gbanzi azo ti mu wali wala koli, ala yeke gbanzi azo ti te ambeni kobe. Andaa Nzapa asara kobe titene azo ti lo so ahinga taa-tënë nzoni ate ni na mungo na lo singila.

1 Timothée 5:14

Ndani laa, mbi ye si awali-mua so angba maseka akiri amu koli, ala du amolenge, ala fa lege na azo ti da ti ala. Ala sara tongaso si awato ti e awara lege ti tene sioni tënë na tere ti e pepe.

Tite 1:6

Alingbi kangba ayeke zo so tënë ayeke na li ti lo pepe, lo yeke gi na wali oko; amolenge ti lo ayeke azo so ama na be, zo ti bingo tënë na li ti ala ndali ti sarango ye ti kirikiri wala ti sarango ngangu li ayeke daa pepe.

Ahebro 12:16

Ala sara hange si mbeni zo ti sarango ye ti ndumba aduti na popo ti ala pepe! Ala ne aye so ayeke ti Nzapa. Ala sara tongana Ezau pepe so aka ando ndo ti lo ti kozo molenge ndali ti sembe oko ti kobe.

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!