22 A-ita ti mbi, mbi hunda na ala titene ala kanga be ti ala, ala yeda na atënë so kue mbi tene ti mu ngangu na be ti ala. Ala baa, mbi tokua na ala yongoro mbeti pepe.
So a diko ambeti ti *Ndia na ti awayanga-Nzapa awe, amakonzi ti da ti sambelango Nzapa atokua na ala, atene: “A-ita, tongana ala yeke na mbeni tënë ti mu ngangu na be ti azo ni, ala tene tënë!”
Mbi Paul, mbi wani, mbi yeke hunda na ala mbeni ye na iri ti Christ, lo so lo yeke sara ye na nzoni be, me na ngangu pepe. Azo ayeke tene: tongana mbi yeke na popo ti ala, mbi yeke zo so ade mingi, me tongana mbi yeke yongoro na ala, mbi yeke so na ndö ti ala mingi.
Tongaso, e yeke sara kua ti lembe na iri ti Christ; Nzapa wani laa airi ala na lege ti e: e voro ala na iri ti Christ, ala yeda titene songo akiri na popo ti ala na Nzapa.
Be ti ala agirisa na wango so Nzapa ayeke mu na ala tongana ti so babâ ayeke mu na amolenge ti lo; lo tene: “Molenge ti mbi, tongana *Kota Gbia apika mo ti zia mo na nzoni lege, mo baa ni tongana senge ye pepe. Tongana Kota Gbia asuku na mo, ayeke nzoni be ti mo awoko pepe,
Tongaso, a-ita azo ti Nzapa, ala so lo iri ala ti ga azo ti lo, ayeke nzoni ala baa ndo na Jésus, lo so Nzapa atokua lo titene lo ga kota wayango-sandaga ti mabe so e yeke fa tënë ni.
Nzapa amu zendo na e atene, e lingbi ti li na ndo so lo leke titene e wu tere ti e daa; zendo ni angba laso. Tongaso, le ti ala akpengba si lege ti lingo na ndo ti wungo tere ni akanga na mbeni zo oko na popo ti ala pepe.
Ndani laa, ayeke nzoni e sara ngangu ti li na ndo ti wungo tere so, tongaso si fade mbeni zo oko na popo ti e ati pepe na mungo tapande ti azo so asara ngangu li.
Silas so mbi baa lo tongana ita so mbi lingbi ti zia be ti mbi na ndö ti lo, lo laa lo mu na mbi maboko ti su nduru mbeti so ti tokua ni na ala. Mbi tokua mbeti so na ala ti mu wango na ala, ti fa nga na ala ye so ayeke taa-tënë: taa nzoni be ti Nzapa laa ala ngba daa so.