Ahebro 13:21 - Mbeti ti Nzapa - Tënë so amu fini

²¹ Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

Ahebro 13:21 ပူးပေါင်းရင်းမြစ်များ

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

Abia (Psaumes) 138:8

Fade KOTA GBIA ayeke sara ye kue ndali ti mbi. KOTA GBIA, nzoni be ti mo angba kpu na kpu! Aye so maboko ti mo asara, mo zia ni pepe.

Matthieu 12:50

Zo so asara ye so be ti Babâ ti mbi so ayeke na yayu aye, andaa lo yeke ita ti mbi ti koli, wala ita ti mbi ti wali, wala mama ti mbi.”

Matthieu 21:31

Jésus ahunda ala: “Zo wa na popo ti amolenge use so si asara ye so babâ ti lo aye?” Ala kiri tënë na lo: “Ayeke kozo molenge ni.” Jésus atene na ala: “Mbi tene na ala taa-tënë: azo ti rongo nginza ti lapo na awali-ndumba ayeke si ande kozo na ala na ya ti *Kodro-gbia ti Nzapa.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Matthieu 7:21

“Azo so kue ayeke iri mbi, atene: ‘*Kota Gbia, Kota Gbia’, ala kue laa ayeke li ande na ya ti *Kodro-gbia ti yayu pepe; me gi ala so asara ye so be ti Babâ ti mbi so ayeke na yayu aye.

Jean 17:23

Mbi ga oko na ala, tongana ti so mbi na mo, e yeke oko si ala ga oko biani, tongaso si azo ti dunia ahinga atene, mo laa mo tokua mbi, tongaso si ala hinga nga atene, mo ye ala tongana ti so mo ye mbi.

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.

Rome 11:36

Biani, ye kue alondo na Nzapa, ye kue ayeke duti na lege ti lo, ye kue ayeke ndali ti lo. Gonda ayeke ti lo kpu na kpu! Amen.

Rome 16:27

Nzapa oko laa ayeke na ndara. Gonda ayeke ti lo kpu na kpu na lege ti Jésus Christ! Amen.

2 Korente 9:8

Nzapa ayeke na ngangu ti mu na ala mara ti anzoni ye kue ahon ndoni. Tongaso, ala yeke na ye lakue so alingbi na ala si ala yeke nga na mbeni na ndö ni ti sara na anzoni kua kue.

Galasii 1:5

Gonda ayeke ti lo kpu na kpu! Amen.

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Efeze 2:18

Biani, ndali ti lo si e, azuife, na ala azo ti amara nde, e ga nduru na Nzapa Babâ, na lege ti oko Yingo-Vuru.

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

Filipe 1:11

Fade sarango ye ti mbirimbiri so alondo na Jésus Christ ayeke si singo na ya ti fini ti ala; na lege so laa ala yeke gonda Nzapa si ala yeke sepela lo.

Filipe 2:11

si ala kue atene na yanga ti ala, atene: Jésus Christ ayeke *Kota Gbia si ala gonda Nzapa Babâ.

Filipe 2:13

Biani, Nzapa laa ayeke zia nzara ti sarango ye na be ti ala si lo yeke mu na ala lege ti sarango ni alingbi na ye so lo leke na be ti lo.

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

Kolose 3:17

Atënë so kue ala yeke tene, wala aye so kue ala yeke sara, ala sara ni na iri ti *Kota Gbia Jésus, ala mu singila na Nzapa Babâ na lege ti lo.

Kolose 3:20

Amolenge, ala ma yanga ti ababâ na amama ti ala na ya ti aye kue; ye so anzere na be ti Kota Gbia laa.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

1 Tesalonike 3:13

Ayeke nzoni lo mu ngangu na be ti ala, tongaso si, na lango so Kota Gbia ti e Jésus ayeke kiri ti ga na azo ti lo kue, fade ala duti azo so tënë ayeke na li ti ala pepe, azo so ayeke nde si ayeke nzoni kue na le ti Nzapa, Babâ ti e. [Amen.]

1 Tesalonike 4:3

Ye so be ti Nzapa aye, ayeke titene ala ga azo so ayeke nde si ayeke nzoni kue, ala zia lege ti gingo wali wala gingo koli kirikiri.

1 Tesalonike 5:23

Ayeke nzoni Nzapa wani so ayeke mu siriri na zo asara si ala ga nde si ala ga nzoni kue. Ayeke nzoni lo bata yingo ti ala, be ti ala nga na tere ti ala nzoni kue si mbeni tënë oko ayeke na li ti ala pepe na lango ti gango ti Kota Gbia ti e Jésus Christ.

2 Tesalonike 2:17

ti mu ngangu na be ti ala, ti sara si ala kpengba na ya ti aye so kue ala yeke sara, nga na lege ti atënë so ala yeke tene ti sara nzoni na azo!

1 Timothée 1:17

Ayeke nzoni azo ane Kota Gbia, ala gonda lo lakue lakue, lo yeke oko Nzapa, zo abaa lo pepe, lo yeke na fini lakue lakue, lo yeke Kota Gbia kpu na kpu! Amen.

1 Timothée 5:10

Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.

1 Timothée 6:16

Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.

2 Timothée 3:17

si zo ti Nzapa akpengba, lo wara anzoni ye so kue alingbi titene lo sara na nzoni kua.

2 Timothée 4:18

Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.

Ahebro 10:36

Alingbi ala kanga be ti ala tongana ala ye ti sara ye so be ti Nzapa aye, ti wara ye so Nzapa amu zendo ni.

Ahebro 12:23

A-ita, ala ga nduru na bongbi ti akozo molenge ti Nzapa awe, ala so a su iri ti ala na mbeti kâ na yayu. Ala ga nduru na Nzapa awe, lo so lo yeke fâ ngbanga ti azo kue. Ala ga nduru awe na ayingo ti azo ti mbirimbiri so aga nzoni kue so.

Ahebro 12:28

Ndali ti so e wara lege ti li na *Kodro-gbia ti Nzapa, kodro so ayeke yingi pepe, ayeke nzoni e mu singila na lo na lege ti sarango kua so anzere na be ti lo, e ma yanga ti lo si e kpe mbeto ti lo.

Ahebro 13:16

Ala girisa ti sara nzoni be na azo pepe, ala girisa ti mu maboko na amba ti ala na popo ti ala pepe; amara ti asandaga tongaso laa anzere na be ti Nzapa.

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.

1 Pierre 4:2

Tongaso, ngoi so angba na ala ti duti na fini na sese so, ala sara ye na lege ti nzara ti be ti ala pepe, me na lege so be ti Nzapa aye.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

1 Jean 2:17

Dunia so ayeke hon, aye so zo ayeke sara nzara ni nga ayeke hon; me zo so asara ye so be ti Nzapa aye, fade lo yeke ngba na fini kpu na kpu.

1 Jean 3:22

Ye so kue e hunda na lo, e yeke wara ni, ngbanga ti so e yeke sara ye alingbi na andia ti lo si e yeke sara ye so anzere na be ti lo.

Jude 1:25

Lo oko laa lo yeke Nzapa, Wasongo e na lege ti Jésus Christ, *Kota Gbia ti e. Gonda, kota ndo, ngangu nga na komandema ayeke ti lo, ando ngu na ngu, fadeso ngbii gbanda kpu na kpu! Amen.

Aye so Nzapa afa 4:6

Na dawa ti mbata ti gbia ni, mbi baa mbeni ye so akpa kota ngu-ingo so ayeke tongana mbeni têne so zo ayeke baa ndo na ya ni kue. Ambeni ye osio so ayeke na fini ayeke luti na tere ti mbata ti gbia ni, angoro ni kue. Ale ti bango na ndo ayeke na tere ti ala kue, ambeni ayeke na dawa ti ala, ambeni ayeke na peko ti ala.

Aye so Nzapa afa 5:13

Mbi ma go ti aye so kue Nzapa asara: aye ti yayu, aye ti sese, aye ti gbe ti sese na aye ti ya ti kota ngu-ingo, atene: “Lo so lo duti na ndö ti mbata ti gbia, lo na Molenge ti Taba, ayeke nzoni azo asepela lo si ane lo, gonda na komandema ayeke ti lo, kpu na kpu!”

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.