Ahebro 13:20 - Mbeti ti Nzapa - Tënë so amu fini

²⁰ Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

Ahebro 13:20 ပူးပေါင်းရင်းမြစ်များ

2 Samuel 23:5

Sewa ti mbi ayeke tongaso na le ti Nzapa pepe? Ndali ti so mbi na lo, e sara *mbuki ti lakue lakue, a leke andia ti mbuki ni kue awe. Asongo benda nga na aye ti nzoni kue ti mbi, lo lingbi ti sara si amai maingo pepe?

1 Mbai 16:17

Lo sara si mbuki ni aga tongana mbela ndali ti Jacob, tongana mbuki so angba lakue lakue ndali ti Israel,

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

Abia (Psaumes) 23:1

Bia ti David. *KOTA GBIA ayeke tongana wabatango-taba so ayeke bata mbi, mbeni ye oko ayeke tia mbi pepe.

Abia (Psaumes) 80:1

Bia ti Asaf; bia so ayeke ndali ti makonzi-bia. A he ni na kundi.

Sigingo 24:8

Moïse amu mene ni, lo fi na tere ti azo ni si lo tene: “So ayeke mene ti mbuki so Nzapa asara ndali ti ala laa; lo sara ni alingbi na atënë ti ndia so kue.”

Ésaïe 40:11

Tongana wabatango-taba, lo yeke gue na ataba ti lo na ndo ti tengo pere, lo yeke sara maboko ti lo ti bongbi ala; lo yeke yo akete taba ni na ya ti maboko ti lo, lo yeke gue yeke-yeke na ataba so ayeke mu me na amolenge ti ala.”

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Ésaïe 61:8

Biani, mbi KOTA GBIA, mbi ye titene azo asara ye na lege ti ndia, me mbi ke titene a nzi ye ti zo na lege ti fango lo. Fade mbi yeke futa ala alingbi na ye so ala sara; mbi na ala e yeke sara *mbuki so angba lakue lakue.”

Ésaïe 63:11

Tongaso, azo ti lo adabe ti ala na ngoi ti giriri, ngoi so Moïse ayeke ando na ala: “Lo so lo sara si azo ti lo so ayeke tongana ataba ti lo nga na amakonzi ti ala afâ kota ngu-ingo si ala sigigi so, lo yeke na ndo wa? Lo so ando lo zia yingo ti lo so ayeke nde si ayeke nzoni kue na popo ti azo ti lo so, lo yeke na ndo wa?

Jérémie 32:40

Mbi na ala e yeke sara *mbuki so angba lakue lakue: mbi yeke kiri ti zia peko ti mbi na ala pepe, me mbi yeke ngba ti sara nzoni na ala. Mbi yeke zia na be ti ala kpengo mbeto ti mbi, tongaso si ala kiri ti hon yongoro na tere ti mbi pepe.

Ezekiel 34:23

Mbi yeke zia gi wabatango-taba oko na ndö ti ataba ti mbi titene lo bata ala. Wabatango-taba ni ayeke duti David, zo ti kua ti mbi. Lo laa lo yeke gi kobe na ataba ni, lo laa lo yeke duti wabatango ala.

Ezekiel 37:24

Zo ti kua ti mbi David laa ayeke le-gbia na ndö ti ala si wabatango ala kue ayeke duti gi oko. Fade ala yeke sara ye alingbi na aye so mbi fa nga na lege ti atënë ti ndia ti mbi si ala yeke sara ye alingbi na ni.

Ezekiel 37:26

Mbi yeke sara *mbuki ti siriri na ala; mbuki ni ayeke ngba lakue lakue na popo ti mbi na ala. Mbi yeke zia ala na ndö ti sese so, mbi yeke sara si ala wu mingi. Mbi yeke zia da ti mbi so ayeke nde si ayeke nzoni kue na popo ti ala kpu na kpu.

Zakarii 9:11

*KOTA GBIA atene: “Ndali ti *mbuki so mbi na mo, e sara, na lege ti mene ti asandaga so, fade mbi yeke zi ambeni zo ti mo so akanga ala na ya ti du so ngu ayeke daa pepe.

Matthieu 26:28

ngbanga ti so ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo titene azi siokpari ti ala.

Marc 14:24

Jésus atene na ala: “So ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo.

Nzoni Tënë so Luc asu na mbeti 22:20

So ala te kobe ni awe, lo mu nga kopo ti vin si lo tene: “Kopo so ayeke fini *mbuki na lege ti mene ti mbi, mene so atuku ndali ti ala.

Jean 10:11

Mbi yeke nzoni wabatango-taba. Nzoni wabatango-taba ayeke ka fini ti lo ndali ti ataba ti lo.

Jean 10:14

Mbi yeke nzoni wabatango-taba. Mbi hinga ataba ti mbi si ala nga, ala hinga mbi,

Awatokua 13:30

Me Nzapa azingo lo na kuâ.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Awatokua 2:24

Me Nzapa azingo lo na kuâ awe, lo zi lo na ya ti pasi ti kuâ, ngbanga ti so kuâ ayeke na ngangu pepe ti gbanzi lo.

Awatokua 2:32

“Jésus so mbi yeke tene tënë ti lo so, Nzapa azingo lo na kuâ, e kue, e baa ye ni na le ti e.

Awatokua 3:15

Ala fâ Makonzi so ayeke mu fini na zo, me Nzapa azingo lo na kuâ; e wani, e baa ni na le ti e.

Awatokua 4:10

Ala na azo ti Israel kue, alingbi ala hinga atene, Jésus Christ, zo ti Nazaret, lo so ala fâ lo na ndö ti keke ti kroa si Nzapa azingo lo na kuâ, ngangu ti iri ti lo laa asara si koli so aluti na popo ti ala na nzoni tere so.

Awatokua 5:30

Ala, ala kanga Jésus na ndö ti keke ti kroa si lo kui, me Nzapa ti akotara ti e azingo lo na kuâ.

Rome 1:4

Me na lege ti Yingo-Vuru, zingongo ti lo na popo ti akuâ afa na ngangu so lo yeke Molenge ti Nzapa: Jésus Christ, *Kota Gbia ti e.

Rome 10:7

Mo tene nga pepe, mo tene: ‘Zo wa laa ayeke li ande na gbe ti sese?’ Tongana mo tene tongaso, andaa mo ye ti mu Christ na popo ti akuâ ti sigigi na lo.”

Rome 15:33

Ayeke nzoni Nzapa so ayeke mu siriri na zo aduti na ala kue! Amen.

Rome 16:20

Nzapa so ayeke mu siriri na zo aga nduru ti nika Satan na gbe ti gere ti ala awe. Ayeke nzoni Kota Gbia ti e Jésus asara nzoni be na ala!

Rome 8:11

Nzapa azingo Jésus na kuâ. Tongana Yingo ti Nzapa ayeke duti na be ti ala, fade Nzapa so azingo Jésus Christ na kuâ ayeke sara titene tere ti ala so ayeke kui kuingo so aduti na fini na lege ti Yingo ti lo so aduti na be ti ala.

1 Korente 14:33

Biani, Nzapa ayeke Nzapa ti wusuwusu pepe, me lo yeke Nzapa ti siriri. Tongana ti so azo ayeke sara na ya ti a-Eglize ti Nzapa kue,

1 Korente 15:15

Tongana akuâ ayeke zingo biani pepe, so afa atene, Nzapa azingo Christ na kuâ pepe. Tongana ye ni ayeke tongaso, andaa e yeke azo ti tenengo mvene na li ti Nzapa, ngbanga ti so e tene, lo zingo Christ na kuâ.

1 Korente 6:14

Nzapa so azingo Kota Gbia na kuâ, fade lo yeke zingo nga e na kuâ na lege ti ngangu ti lo.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.

2 Korente 4:14

Biani, e hinga so, Nzapa so azingo Kota Gbia Jésus na kuâ, fade lo yeke zingo nga e na Jésus si lo yeke zia e na ala titene e duti na tere ti lo.

Galasii 1:1

Mbi Paul laa mbi tokua mbeti so; azo laa airi mbi ti ga *watokua pepe. So Nzapa airi mbi ti ga watokua, mbi ma tënë ni na yanga ti mbeni zo pepe, me na yanga ti Jésus Christ wani, lo na Nzapa Babâ so azingo lo na popo ti akuâ.

Efeze 1:20

Nzapa azingo Christ na kuâ. So Jésus azingo na kuâ awe, Nzapa azia lo ti duti na tere ti lo kâ na yayu na mbage ti maboko ti lo ti koli.

Filipe 4:9

Ye so mbi fa na ala, ye so ala ma ni si ala baa mbi na sarango ni, ayeke nzoni ala sara ni. Fade Nzapa so ayeke mu siriri na zo ayeke duti na ala.

Kolose 2:12

So ala wara bateme, a lu ala na Christ awe si a zingo ala na kuâ legeoko na lo, ngbanga ti so ala ma na be na ngangu ti Nzapa so azingo lo na kuâ.

1 Tesalonike 1:10

Fadeso ala yeke ku Jésus, Molenge ti lo so ayeke londo na yayu ti ga. Nzapa azingo Molenge ti lo ni na kuâ, lo so lo yeke zi e na gbe ti ngonzo ti Nzapa so ayeke ga.

1 Tesalonike 5:23

Ayeke nzoni Nzapa wani so ayeke mu siriri na zo asara si ala ga nde si ala ga nzoni kue. Ayeke nzoni lo bata yingo ti ala, be ti ala nga na tere ti ala nzoni kue si mbeni tënë oko ayeke na li ti ala pepe na lango ti gango ti Kota Gbia ti e Jésus Christ.

2 Tesalonike 3:16

Ayeke nzoni *Kota Gbia wani, so siriri alondo na lo, amu na ala siriri lakue na ya ti aye kue! Ayeke nzoni Kota Gbia aduti na ala kue!

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Ahebro 10:29

Ti zo so abaa Molenge ti Nzapa buba na le ti lo, fade pasi ti zo ni ayeke hon ndoni. Andaa lo baa mene ti *mbuki so asukula asioni ti lo tongana senge ye na le ti lo si lo kiri lo tene sioni tënë na tere ti Yingo so ayeke sara nzoni be na zo.

Ahebro 9:20

Lo tene: “Mene so afa atene, ala na Nzapa asara mbuki awe; lo mu yanga na ala ti bata lege ti mbuki ni.”

1 Pierre 1:21

Na lege ti Christ, ala ma na be na Nzapa so azingo Christ na kuâ si amu na lo gonda. Tongaso, mabe ti ala na ye so ala zia be ti ala ti ku angba na ndö ti Nzapa.

1 Pierre 2:25

Ala yeke ando tongana ataba so agirisa lege, me fadeso ala kiri na tere ti Christ so ayeke zo ti fango lege na ala si lo yeke nga zo ti batango fini ti ala.

1 Pierre 5:4

Tongana Makonzi ti azo ti batango azo ti Nzapa asi, fade ala yeke wara nzoni ye ti peko ni so ayeke na gonda si pendere ni ayeke hon oko pepe.