Ahebro 13:16 - Mbeti ti Nzapa - Tënë so amu fini

¹⁶ Ala girisa ti sara nzoni be na azo pepe, ala girisa ti mu maboko na amba ti ala na popo ti ala pepe; amara ti asandaga tongaso laa anzere na be ti Nzapa.

Ahebro 13:16 ပူးပေါင်းရင်းမြစ်များ

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Abia (Psaumes) 51:19

Sandaga so Nzapa aye tënë ni ayeke be so afâ. Zo so asara tere ti lo kete si be ti lo aso ndali ti sioni so lo sara, mo Nzapa, mo yeke ke lo pepe.

Nzoni Tënë so Luc asu na mbeti 18:22

So Jésus ama tënë so, lo tene na lo: “Mbeni ye oko angba na mo ti sarango ni: mo ka aye ti mo kue, mo kangbi nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 9:36

Na gbata ti Zope, mbeni wali ayeke daa so ayeke disiple ti Jésus, iri ti lo ayeke Tabita. Iri ti lo na yanga ti greke ayeke Dorkas, nda ni atene “Dengbe”. Lo mu ngoi ti lo kue ti sara anzoni ye na azo, ti mu maboko na azo ti mawa.

Rome 12:13

Ala mu maboko na azo ti Nzapa so ye atia ala, ala yamba agene nzoni.

Galasii 6:10

Tongaso, na ya ti ngoi so angba na e, e sara nzoni na azo kue, mbirimbiri na azo so, e na ala e ga sewa oko na lege ti mabe.

Galasii 6:6

Zo so mba ti lo ayeke fa na lo nda ti tënë ti Nzapa, alingbi lo mu mbage ti aye ti lo na zo so ayeke fa ye na lo.

Efeze 4:28

Zo so lani ayeke zo ti nzi, lo kiri lo nzi pepe; me ayeke nzoni lo mu tere ti lo ti sara kua na maboko ti lo wani na legeni si lo wara ye ti mu maboko na azo ti mawa.

Filipe 4:14

Me ala sara nzoni si ala yo mbage ti kungba ti mawa ti mbi so.

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

1 Tesalonike 5:15

Ala sara hange si mbeni zo akiri peko ti sioni na mba ti lo pepe, me ala gi lakue ti sara nzoni na popo ti ala nga na azo kue.

2 Tesalonike 3:13

Ti ala, a-ita, be ti ala awoko na lege ti sarango nzoni ye pepe.

1 Timothée 6:18

Ayeke nzoni azo ti mosoro asara nzoni ye, ala ga azo ti mosoro na lege ti sarango anzoni ye, ala mu ye na azo, ala kanga maboko ti ala daa pepe, ala kangbi aye ti ala na amba ti ala.

Philémon 1:6

Mbi hunda na Nzapa titene beoko so mbi na mo, e yeke na ni na lege ti mabe asara si azo ahinga anzoni ye so kue e lingbi ti sara ndali ti Christ.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

3 Jean 1:11

Ita ti mbi so mbi ye mo mingi, mo mu peko ti sioni ye pepe, me mo mu peko ti nzoni ye. Zo so asara nzoni ye, andaa lo yeke zo ti Nzapa; zo so asara sioni ye, andaa lo hinga Nzapa pepe.