Ahebro 13:11 - Mbeti ti Nzapa - Tënë so amu fini

¹¹ Kota wayango-sandaga ti azuife ayeke mu mene ti anyama, lo yeke li na ni na ndo so ayeke nde si ayeke nzoni kue ahon atanga ni titene lo ya na sandaga si Nzapa azi siokpari ti azo; me a yeke sigigi na kuâ ti nyama ni yongoro na ya ti gbagba si a gbi ni.

Ahebro 13:11 ပူးပေါင်းရင်းမြစ်များ

Sigingo 29:14

Me kasa ti koli-bagara ni, poro ti lo na puru ti lo, mo yeke gbi ni yongoro na tere ti bâbâ. So ayeke sandaga ndali ti zingo siokpari na li ti awayango-sandaga laa.

Ezekiel 43:21

Na pekoni, koli-bagara so a mu na sandaga ndali ti siokpari so, fade mo yeke sara si a gue, agbi ni na mbeni ndo so a leke ndali ni, na gigi ti da so ayeke nde si ayeke nzoni kue.

Awayango-sandaga 16:27

Koli-bagara na koli-ngasa so ala mu na sandaga ndali ti zingo siokpari na li ti ala, ala so a gue na mene ti ala na ndo so ayeke nde si ayeke nzoni kue ahon atanga ni ti sara titene Nzapa asukula *sioni ti ndo ni, ala sigigi na anyama ni na ya ti bâbâ, ala gbi ala kue na poro ti ala, na kasa ti ala nga na puru ti ala.

Awayango-sandaga 6:11

Fade gi *ahale ti Aaron ti koli laa ayeke te kobe ni so. Biani, mbage ti sandaga so a yeke gbi ni kue na wâ na KOTA GBIA, ni laa ayeke ga ti ala kpu na kpu. Tanga ti azo so kue andu sandaga so, a yeke zia ala nde si ala yeke ga nzoni kue.”

Awayango-sandaga 9:11

Ti nyama ni nga na poro ni, lo gbi ni yongoro na tere ti bâbâ.

Awayango-sandaga 9:9

Amolenge ti lo aga na lo mene ti nyama ni; lo yoro li ti maboko ti lo ya ni si lo sara na tere ti adidi so ayeke na andangoro ti gbalaka ni. Tanga ti mene ni, lo tuku na gere ti gbalaka ni.

Wungo ti azo 19:3

Mo yeke mu bengba bagara ni so na wayango-sandaga Elazar; lo yeke mu bengba bagara ni, lo sigigi na lo na ya ti bâbâ ni si a yeke fâ go ti lo na dawa ti Elazar.

Wungo ti azo 19:7

Na pekoni, wayango-sandaga ni ayeke sukula abongo ti lo, lo yeke sukula ngu si na pekoni, lo yeke kiri na ya ti bâbâ ni. Me fade lo ngba *sioni ngbii asi na lakui.