Ahebro 12:9 - Mbeti ti Nzapa - Tënë so amu fini

⁹ Ababâ ti e ti sese so ayeke pika ka e ti kiri na e na nzoni lege si e yeke kpe mbeto ti ala. Tongaso, ayeke nzoni ahon titene e ma yanga ti Babâ ti e so ayeke na yayu si e duti na fini.

Ahebro 12:9 ပူးပေါင်းရင်းမြစ်များ

Mbeti ti Job 12:10

Aye so kue ayeke na fini, fini ti ala ayeke na maboko ti lo; pupu so zo ayeke wu ayeke na maboko ti lo.

Sigingo 20:12

“Alingbi mo ne babâ ti mo na mama ti mo, tongaso si gigi ti mo ayo na ndö ti sese so mbi KOTA GBIA Nzapa ti mo, mbi mu na mo.

Amato 30:17

Zo so ahe babâ ti lo si lo ke ti ma yanga ti mama ti lo, fade *akpakpo ti tere ti ngu ayeke koro le ti lo si *angoalo ayeke te lo.

Zo ti bongbingo azo 12:7

Na ngoi ni so, fade tere ti zo ayeke kiri na ya ti fuku ti sese, ngbanga ti so a mu zo na ya ti fuku ti sese. Na pekoni, yingo ayeke kiri na Nzapa so amu yingo na zo.

Ésaïe 38:16

KOTA GBIA, ye so asi na mbi ando so, mo hinga ni kue, nilaa mo sara si mbi ngba na fini; mo kiri ngangu na mbi, mo bata mbi na fini.

Ésaïe 42:5

Nzapa, *KOTA GBIA asara yayu, lo gbara le ti nduzu; lo gbara sese na aye so kue asigigi daa, lo mu fini na azo so ayeke na ndö ti sese, lo mu pupu ti wungo ni na azo ti ndö ti sese ni; tënë so lo tene ayeke so:

Ésaïe 45:10

Mawa na zo so atene na babâ ti lo: “Mara ti molenge ti nyen laa mo du so?” Wala lo tene na mama ti lo: “Nyen laa mo du so?”

Ésaïe 57:16

Biani, mbi yeke bi tënë na li ti azo lakue pepe, wala mbi yeke sara ngonzo lakue lakue pepe. Tongaso pepe, azo so kue mbi sara ala, ka ala yeke kui.

Ezekiel 22:7

Na ndo ti mo, azo ayeke ne babâ na mama ti ala pepe, ala yeke sara ngangu na awande, ala yeke sara ngangu na awali-mua nga na anyindu.

Awayango-sandaga 19:3

“Alingbi zo oko oko akpe mbeto ti babâ ti lo na mama ti lo. Alingbi zo oko oko abata *lango ti wungo tere. Mbi laa mbi yeke KOTA GBIA, Nzapa ti ala.

Zakarii 12:1

Nengo tënë. So ayeke tënë so *KOTA GBIA atene na ndö ti azo ti Israel. So tënë ti yanga ti KOTA GBIA laa, lo so lo gbara le ti nduzu si lo lu gere ti sese, lo so lo zia pupu na ya ti zo, lo tene:

Malashii 1:6

Tënë so KOTA GBIA so ayeke na ndö ti dunia kue atene na ala, awayango-sandaga ayeke so: “Molenge-koli ayeke ne babâ ti lo, zo ti kua ayeke ne makonzi ti lo. Tongana mbi yeke Babâ ti ala, nengo mbi ni ayeke na ndo wa? Tongana mbi yeke Makonzi ti ala, kpengo mbeto ti mbi ni ayeke na ndo wa? Ti ala awayango-sandaga, ala yeke baa mbi tongana mbumbuse zo. Ala hunda mbi, atene: ‘E baa mo tongana mbumbuse zo tongana nyen?’

Wungo ti azo 16:22

Moïse na Aaron ati akpo li ti ala na sese si atene: “O Nzapa, mo so mo mu fini na azo na anyama kue, fade mo yeke sara ngonzo na tere ti bongbi ti azo kue ndali ti siokpari ti zo oko?”

Wungo ti azo 27:16

“KOTA GBIA Nzapa, mo so mo yeke mu fini na azo na anyama kue, mo soro mbeni zo ti duti na li ti bongbi ti azo ni.

Nzoni Tënë so Luc asu na mbeti 18:2

Lo tene na ala: “Ando, na ya ti mbeni gbata, mbeni wafango-ngbanga ayeke daa so ayeke kpe mbeto ti Nzapa pepe si lo yeke kpe nga mbeto ti azo pepe.

Nzoni Tënë so Luc asu na mbeti 18:4

Wafango-ngbanga ni ake lege mingi. Na pekoni, lo tene na be ti lo, lo tene: ‘Ataa so mbi yeke kpe mbeto ti Nzapa pepe si mbi yeke kpe nga mbeto ti azo pepe,

Jean 3:6

Zo ayeke du gi zo, Yingo ayeke du gi yingo.

Awatokua 2:30

Lo yeke lani wayanga-Nzapa si lo hinga ye so Nzapa adeba yanga ti sara na lo: fade mbeni *hale ti lo ayeke duti na ndö ti mbata ti gbia na peko ti lo.

Rome 1:3

Nzoni Tënë ni ayeke tënë ti Molenge ti lo: na lege ti dungo ti zo, a du lo na ya ti *hale ti David.

Rome 9:3

Ti be ti mbi, mbi ye fade titene Nzapa adeba mbi si mbi wani, mbi kangbi na Christ ndali ti a-ita ti mbi so ayeke azo ti mara ti mbi.

Rome 9:5

ala yeke *ahale ti akotara, Christ asigigi na ya ti ala na lege ti dutingo ti lo ti zo, lo yeke Nzapa so ayeke na ndö ti aye kue. Ayeke nzoni azo agonda lo kpu na kpu! Amen.

Ndia ti fani use ni 27:16

‘Deba aga na ndö ti zo so abaa babâ na mama ti lo tongana ambumbuse zo!’ Fade azo kue ayeke kiri tënë, atene: ‘Amen!’

Jacques 4:10

Ala sara tere ti ala kete na gbe ti *Kota Gbia si fade lo yeke mu ala na nduzu.

Jacques 4:7

Tongaso, ala ma yanga ti Nzapa, me ala do sese na Zabolo si fade lo yeke kpe yongoro na tere ti ala!

1 Pierre 5:6

Ala sara tere ti ala kete na gbe ti Nzapa so ayeke na ngangu, tongaso si fade lo yeke zia ala na kota ndo tongana ngoi ni alingbi.

Aye so Nzapa afa 22:6

Na pekoni, *ange ni atene na mbi: “Tënë so ayeke taa-tënë, zo alingbi ti zia be ti lo na ndö ni. *Kota Gbia, Nzapa so ayeke mu Yingo ti lo na awayanga-Nzapa, lo laa lo tokua ange ti lo ti fa na azo ye so aga nduru ti si.”