Ahebro 12:6 - Mbeti ti Nzapa - Tënë so amu fini

⁶ ngbanga ti so zo so Kota Gbia aye lo, lo yeke pika lo ti kiri na lo na nzoni lege. Azo so kue lo mu ala tongana amolenge ti lo, lo yeke pika ala na zaza.”

Ahebro 12:6 ပူးပေါင်းရင်းမြစ်များ

2 Samuel 7:14

Fade mbi yeke duti babâ ti lo si lo yeke duti molenge ti mbi. Tongana lo sara sioni, mbi yeke pika lo na zaza tongana ti so babâ ayeke pika molenge ti lo.

Abia (Psaumes) 119:71

Pasi so asi na mbi, asara nzoni na mbi, tongaso si mbi manda ambela ti mo.

Abia (Psaumes) 119:75

KOTA GBIA, mbi hinga, mbi tene, atënë ti fango ngbanga ti mo ayeke mbirimbiri, pasi so mo sara na mbi ayeke na legeni.

Abia (Psaumes) 94:12

KOTA GBIA, ti lo nzoni, zo so mo fa nzoni lege na lo, zo so mo fa ye na lo na lege ti *Ndia ti mo!

Amato 13:24

Zo so ake ti pika molenge ti lo na zaza, andaa lo ye molenge ni pepe; me zo so aye molenge ti lo, lo yeke so ngbonda ti molenge ni hio.

Amato 3:11

Molenge ti mbi, tongana KOTA GBIA agboto mê ti mo, mo ke pepe; tongana lo suku na mo, mo baa ni tongana mbumbuse ye pepe.

Amato 3:12

Biani, zo so KOTA GBIA aye lo, lo yeke suku na lo tongana ti so babâ ayeke suku na molenge ti lo so lo ye lo mingi.

Ésaïe 27:9

Lege so a yeke zi sioni na li ti Jacob laa; ye so ayeke si na peko ti zingo siokpari na li ti lo ni ayeke so: fade a yeke nika atêne kue ti agbalaka tongana ti so a yeke nika mbamba si aga fuku. Akeke so azo aleke aluti na nduzu si ala yeke voro ni, wala ata ti wen so ala zia nde titene ala zö dukani na ya ni ayeke kiri ti ngba na nduzu pepe.

Jérémie 10:24

KOTA GBIA, pika mbi, me na legeni; pika mbi na ngonzo pepe, tongaso pepe, fade mo yeke nika mbi.

Abia ti demango tere 3:39

Tongana zo ade na fini le ti lo, ndani nyen ti toto tere ti lo so? Ayeke nzoni lo toto tere ti lo ndali ti asiokpari ti lo wani.

Ndia ti fani use ni 8:5

Alingbi ala hinga so nzoni: KOTA GBIA aye ti fa lege ti hingango ndo na ala tongana ti so babâ ayeke fa lege ti hingango ndo na molenge ti lo.

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

Jacques 5:11

Ala baa, azo so akanga be ti ala na ya ti aye ti pasi so, e tene: ti ala nzoni! Ala ma tënë ti kangango be ti Job awe, ala baa ye so Kota Gbia amu na lo na pekoni, ngbanga ti so Kota Gbia ayeke na nzoni be mingi si lo yeke baa mawa ti azo.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!

Ruth 1:3

Na pekoni, Elimelek, koli ti Noemi, akui. Noemi na amolenge ti lo use laa angba.