Ahebro 12:5 - Mbeti ti Nzapa - Tënë so amu fini

⁵ Be ti ala agirisa na wango so Nzapa ayeke mu na ala tongana ti so babâ ayeke mu na amolenge ti lo; lo tene: “Molenge ti mbi, tongana *Kota Gbia apika mo ti zia mo na nzoni lege, mo baa ni tongana senge ye pepe. Tongana Kota Gbia asuku na mo, ayeke nzoni be ti mo awoko pepe,

Ahebro 12:5 ပူးပေါင်းရင်းမြစ်များ

Mbeti ti Job 34:31

Me mbeni zo alingbi ti tene na Nzapa: “Pikango mbi ni alingbi awe, mbi yeke kiri ti sara sioni pepe.

Abia (Psaumes) 118:18

Biani, KOTA GBIA apika mbi, me lo zia mbi titene mbi kui pepe.

Abia (Psaumes) 119:109

Kuâ ayeke gi mbi mbage na mbage kue, me mbi girisa ndia ti mo pepe.

Abia (Psaumes) 119:16

Ambela ti mo anzere na mbi mingi, fade mbi yeke girisa tënë ti mo pepe.

Abia (Psaumes) 119:67

Kozo titene mbi baa pasi, mbi yeke gue ando kirikiri; me fadeso mbi yeke sara ye na lege ti tënë ti yanga ti mo.

Abia (Psaumes) 119:75

KOTA GBIA, mbi hinga, mbi tene, atënë ti fango ngbanga ti mo ayeke mbirimbiri, pasi so mo sara na mbi ayeke na legeni.

Abia (Psaumes) 119:83

Mbi yeke tongana bozo so a sara na poro ti nyama si azia na ndö ti wâ titene ahole, me mbi girisa ambela ti mo pepe.

Abia (Psaumes) 94:12

KOTA GBIA, ti lo nzoni, zo so mo fa nzoni lege na lo, zo so mo fa ye na lo na lege ti *Ndia ti mo!

Amato 3:1

Molenge ti mbi, aye so mbi fa na mo, mo girisa ni pepe; bata atënë ti ndia ti mbi na ya ti be ti mo.

Amato 4:5

Sara kue ti wara ndara na hingango nda ti ye. Be ti mo agirisa na atënë ti yanga ti mbi pepe; mo hon nde na atënë ni pepe.

Jérémie 31:18

Biani, mbi ma azo ti Efraim so ayeke dema tere ti ala, atene: ‘KOTA GBIA, mo pika e ngangu mingi tongana ti so zo ayeke pika bagara so ama ndo pepe. Me ayeke nzoni mo sara si e kiri na mbage ti mo titene e kiri biani na mbage ti mo, ngbanga ti so mo laa mo yeke Nzapa ti e.

Abia ti demango tere 3:39

Tongana zo ade na fini le ti lo, ndani nyen ti toto tere ti lo so? Ayeke nzoni lo toto tere ti lo ndali ti asiokpari ti lo wani.

Nzoni Tënë so Luc asu na mbeti 24:6

Lo yeke na ndo so pepe, lo zingo na kuâ awe. Ala dabe ti ala na tënë so lo tene lani na ala na ndembe so lo de na Galile,

Nzoni Tënë so Luc asu na mbeti 24:8

Ala dabe ti ala na tënë so Jésus atene lani na ala so.

1 Korente 11:32

Me Kota Gbia afâ ngbanga ti e si lo pika e titene lo fâ ngbanga na li ti e tongana ti tanga ti azo ti dunia so pepe.

Galasii 6:9

Be ti e awoko pepe na sarango nzoni ye, ndali ti so tongana ndembe ni alingbi si e ngba na lege ni, fade e yeke ko lengo ni.

1 Timothée 1:20

Himene na Alexandre ayeke na popo ti azo ni so. Mbi zia ala na maboko ti Satan titene ala manda ti kiri ti zonga Nzapa pepe.

Ahebro 12:7

Ala kanga be ti ala na ya ti apasi so ayeke si na ala: Nzapa ayeke pika ala tongana pika so babâ ayeke pika molenge ti lo ti kiri na lo na nzoni lege. Molenge wa laa babâ ti lo ayeke pika lo ti kiri na lo na nzoni lege pepe?

Ahebro 13:22

A-ita ti mbi, mbi hunda na ala titene ala kanga be ti ala, ala yeda na atënë so kue mbi tene ti mu ngangu na be ti ala. Ala baa, mbi tokua na ala yongoro mbeti pepe.

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!