Ahebro 12:3 - Mbeti ti Nzapa - Tënë so amu fini

³ Ala dabe ti ala na Jésus, na pasi so lo baa na maboko ti azo ti siokpari so ake lo, tongaso si be ti ala awoko pepe si ala zia lege ni pepe.

Ahebro 12:3 ပူးပေါင်းရင်းမြစ်များ

Amato 24:10

Tongana be ti mo awoko na lango so ye ti ngangu asi na mo, andaa ngangu ti mo ayeke kete biani!

Ésaïe 50:4

Kota Gbia NZAPA afa na mbi tënë so mbi lingbi ti tene, titene mbi hinga lege ti mu ngangu na zo so awoko. Lakue na ndaperere, lo yeke zingo mbi, lo yeke zi mê ti mbi titene mbi ma ndo tongana adisiple.

Matthieu 11:19

*Molenge ti Zo aga, lo yeke te, lo yeke nyon, me azo atene: ‘Ala baa, koli so ayeke gbongo ti kobe si lo yeke nyon samba mingi! Lo ye tënë ti azo ti rongo nginza ti lapo na ti azo ti siokpari!’ Me ndara so alondo na Nzapa, zo ayeke hinga atene, ayeke mbirimbiri ndara gi na lege ti ye so ndara ni asara.”

Matthieu 12:24

So *afarizien ama tënë so, ala tene: “Koli so ayeke tumba asioni yingo gi na ngangu ti Beelzebul, makonzi ti asioni yingo!”

Matthieu 15:2

“Ngbanga ti nyen si adisiple ti mo ake tënë ti ndia ti akotara so? Kozo titene ala te kobe, ala yeke sukula maboko ti ala pepe.”

Matthieu 21:23

Jésus ali na ya ti kota da ti Nzapa si lo yeke fa ye. Tongaso, akota wayango-sandaga na *akangba ti azuife aga nduru na tere ti lo si ala hunda lo, atene: “Na iri ti zo wa laa mo yeke sara aye so? Zo wa laa amu lege na mo ti sara ni, zo wa?”

Matthieu 21:46

Ala gi lege ti gbu lo, me mbeto ti gba ti azo so asara ala, ngbanga ti so azo ni abaa Jésus tongana wayanga-Nzapa.

Matthieu 22:15

Tongaso *Afarizien ague, abongbi tere ti ala ti gi lege titene gi na lege ti tënë ti yanga ti lo wani, Jésus ati na ya ti gbanda ti ala.

Nzoni Tënë so Luc asu na mbeti 14:1

Na mbeni *lango ti wungo tere, Jésus ali na ya ti da ti mbeni makonzi ti *afarizien ti te kobe. Le ti azo kue ayeke baa gi lo.

Nzoni Tënë so Luc asu na mbeti 15:2

*Afarizien na awafango-ndia ayeke kasa lo, atene: “Koli so ayeke yamba azo ti siokpari si lo na ala ayeke te kobe!”

Nzoni Tënë so Luc asu na mbeti 16:14

*Afarizien so aye nginza mingi so, ama tënë so kue si ala yeke he Jésus na ngia.

Nzoni Tënë so Luc asu na mbeti 2:34

Siméon asara tufa na ndö ti ala si lo tene na Marie, mama ti molenge ni, lo tene: “Baa, ndali ti Molenge so, fade azo ti Israel mingi ayeke ti si ambeni mingi ayeke londo. Molenge so ayeke ga mbeni ye ti kite;

Nzoni Tënë so Luc asu na mbeti 5:21

Awafango-ndia na afarizien ato nda ti tene na be ti ala, atene: “Lo yeke zo wa si lo yeke zonga Nzapa so? Zo wa laa alingbi ti zi asiokpari ti azo? Gi Nzapa oko!”

Jean 10:20

Ambeni zo mingi na popo ti ala atene: “Sioni yingo ayeke na ya ti lo! Li ti lo aga kirikiri awe! Ala yeke ma lo ngbanga ti nyen?”

Jean 18:22

So Jésus atene tënë so, mbeni turugu so ayeke kâ apika ngbangba ti lo si atene na lo: “Lege ti kiringo tënë na kota wayango-sandaga laa?”

Jean 5:16

Nilaa ala to nda ti gi Jésus na tënë, ngbanga ti so lo sara ye so na lango ti wungo tere.

Jean 7:12

Gba ti azo so abongbi kâ ayeke tene tënë ti lo mingi. Ambeni zo ni atene: “Lo yeke nzoni zo”, ambeni atene ti ala: “Mvene, lo yeke handa gba ti azo gi senge senge.”

Jean 8:13

*Afarizien atene na lo: “So mo wani, mo yeke tene tënë na ndö ti mo so, fade tënë ti mo ni ayeke taa-tënë pepe!”

Jean 8:52

Azuife akiri tënë na lo, atene: “Fadeso e hinga biani so, mo yeke na sioni yingo na ya ti mo! Abraham akui, awayanga-Nzapa nga akui, me ti mo, mo tene: ‘Zo so asara ye alingbi na atënë ti mo, fade lo yeke kui laoko pepe.’

Jean 8:59

Ala mu têne ti bo na Jésus, me lo honde tere ti lo si lo sigigi na ya ti kota da ti Nzapa ni, lo hon.

Jean 9:40

Ambeni *farizien so ayeke kâ ama tënë so Jésus atene so si ala hunda lo, atene: “E nga, e yeke awaziba?”

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

2 Korente 4:1

Nzapa asara nzoni be na e si lo mu na e kua ni so, nilaa be ti e awoko pepe.

2 Korente 4:16

Ndani laa be ti e awoko pepe. Ataa so tere ti e ti zo ayeke buba kete na kete, fini so ayeke na be ti e kâ ayeke wara ti lo ngangu lakue.

Galasii 6:9

Be ti e awoko pepe na sarango nzoni ye, ndali ti so tongana ndembe ni alingbi si e ngba na lege ni, fade e yeke ko lengo ni.

Ndia ti fani use ni 20:3

lo tene: “Aturugu ti Israel, ala ma! Laso, ala yeke gue ti tiri bira na awato ti ala. Ayeke nzoni ala luti tongana koli, ala sara mbeto pepe, li ti ala aga kirikiri pepe, tere ti ala ado na dawa ti awato ti ala ni pepe!

2 Tesalonike 3:13

Ti ala, a-ita, be ti ala awoko na lege ti sarango nzoni ye pepe.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

Ahebro 12:5

Be ti ala agirisa na wango so Nzapa ayeke mu na ala tongana ti so babâ ayeke mu na amolenge ti lo; lo tene: “Molenge ti mbi, tongana *Kota Gbia apika mo ti zia mo na nzoni lege, mo baa ni tongana senge ye pepe. Tongana Kota Gbia asuku na mo, ayeke nzoni be ti mo awoko pepe,

Ahebro 3:1

Tongaso, a-ita azo ti Nzapa, ala so lo iri ala ti ga azo ti lo, ayeke nzoni ala baa ndo na Jésus, lo so Nzapa atokua lo titene lo ga kota wayango-sandaga ti mabe so e yeke fa tënë ni.

1 Pierre 2:23

Azo azonga lo, me lo kiri na zonga ni pepe; azo asara pasi na lo, me lo be le na ala pepe, lo zia be ti lo kue na ndö ti Nzapa so ayeke fâ ngbanga na legeni.

Aye so Nzapa afa 2:3

Mo kanga be ti mo: mo baa pasi ndali ti mbi, be ti mo awoko pepe.

1 Samuel 12:24

Gi ye oko, ala kpe mbeto ti KOTA GBIA, ala sara kua na lo na lege ti mbirimbiri, na be ti ala kue. Ayeke nzoni ala hinga aye ti kpene so lo sara ndali ti ala.