Ahebro 12:23 - Mbeti ti Nzapa - Tënë so amu fini

²³ A-ita, ala ga nduru na bongbi ti akozo molenge ti Nzapa awe, ala so a su iri ti ala na mbeti kâ na yayu. Ala ga nduru na Nzapa awe, lo so lo yeke fâ ngbanga ti azo kue. Ala ga nduru awe na ayingo ti azo ti mbirimbiri so aga nzoni kue so.

Ahebro 12:23 ပူးပေါင်းရင်းမြစ်များ

Tongo nda ti aye 18:25

Titene mo bongbi azo ti mbirimbiri na azo ti sioni kue ti fâ ala, so alingbi na mo pepe. So ti fa atene, zo ti mbirimbiri na zo ti sioni kue gi legeoko? Sarango ye tongaso alingbi na mo pepe! Lo so ayeke fâ ngbanga na ndö ti azo ti dunia kue, lo lingbi ti fâ ngbanga ti kirikiri tongana nyen?”

Abia (Psaumes) 111:1

Aleluya! Mbi ye ti sepela *KOTA GBIA na be ti mbi kue! Mbi ye ti sepela lo na ya ti bongbi ti azo ti mbirimbiri nga na ya ti bongbi ti azo ti lo kue.

Abia (Psaumes) 69:28

Su sioni ti ala na le ti mbeti, kiri mo baa ala tongana azo ti mbirimbiri pepe.

Abia (Psaumes) 89:27

Lo yeke iri mbi: ‘Babâ ti mbi, Nzapa ti mbi, kota têne so mbi luti na ndö ni ti soo kuâ!’

Abia (Psaumes) 89:7

KOTA GBIA, na nduzu kâ, zo wa laa alingbi na mo, zo wa? Na popo ti anzapa, mbeni oko tongana mo ayeke daa?

Abia (Psaumes) 94:2

Mo so mo yeke fâ ngbanga ti azo ti sese, londo si! Kiri na azo ti baba peko ti sioni alingbi na sioni so ala sara!

Abia (Psaumes) 96:13

na dawa ti KOTA GBIA! Biani, lo yeke ga, lo yeke ga ti fâ ngbanga ti azo ti sese; lo yeke fâ ngbanga ti azo ti dunia so mbirimbiri, lo yeke fâ ngbanga ti azo na lege ti taa-tënë.

Abia (Psaumes) 98:9

na dawa ti KOTA GBIA! Biani, lo yeke ga ti fâ ngbanga ti azo ti sese so. Fade lo yeke fâ ngbanga ti azo ti dunia so mbirimbiri, lo yeke fâ ngbanga ti azo na legeni.

Sigingo 13:2

“Akozo molenge-koli so kue ayeke na Israel, ala so azi lege ti dungo ni na mama ti ala, mo zia ala nde ndali ti mbi. Biani, akozo molenge-koli ti zo na akozo molenge-koli ti nyama ayeke ti mbi.”

Sigingo 32:32

Ti fadeso, mbi gbu gere ti mo, zi siokpari na li ti azo so! Tongaso pepe, mo zi iri ti mbi na ya ti mbeti ti mo so mo su ni so.”

Sigingo 4:22

Tongaso, fade mo yeke tene na lo: Tënë so KOTA GBIA atene ayeke so: ‘Israel ayeke kozo molenge ti mbi ti koli.

Zo ti bongbingo azo 12:7

Na ngoi ni so, fade tere ti zo ayeke kiri na ya ti fuku ti sese, ngbanga ti so a mu zo na ya ti fuku ti sese. Na pekoni, yingo ayeke kiri na Nzapa so amu yingo na zo.

Jérémie 31:9

Azo ni ayeke kiri na toto na yanga ti ala. So mbi yeke ga na ala, ala yeke dema tere ti ala; mbi yeke gue na ala na ndo so gba ti ngu ayeke sua daa, mbi yeke sara titene ala hon na lege so ayeke mbirimbiri, ndo so ala lingbi pepe ti pika gere ti ala ti ti. Biani, mbi yeke tongana babâ ti Israel, Efraim ayeke kozo molenge ti mbi.”

Nzoni Tënë so Luc asu na mbeti 10:20

Ayeke nzoni tere ti ala anzere ndali ti so asioni yingo ama yanga ti ala pepe; me tere ti ala anzere, ngbanga ti so a su iri ti ala awe na ya ti mbeti na yayu.”

Jean 5:27

Tongaso lo mu ngangu ti fango ngbanga na Molenge ni, ngbanga ti so Molenge ni ayeke *Molenge ti Zo.

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

1 Korente 13:12

Ti fadeso, ye so e yeke baa ayeke tongana ye so zo ayeke baa na ya ti tatara; e yeke baa ye ni nzoni kue pepe. Me gbanda, e yeke baa Nzapa le na le. Ti fadeso, mbage ti hingango ye ti mbi atia; me gbanda, mbi yeke hinga ye kue tongana ti so Nzapa ahinga na mbi so.

1 Korente 15:49

Tongana ti so e kpa tere na lo so Nzapa amu sese asara na lo, fade e yeke kpa tere na lo so alondo na yayu si aga.

1 Korente 15:54

Tongana tere so ayeke buba aga tere so akiri ti buba pepe si tere so ayeke kui aga tere so alingbi ti kui pepe, fade tënë so Mbeti ti Nzapa atene ayeke ga taa-tënë. Mbeti ni atene: “A buba kuâ biani biani awe, a so benda na ndö ti lo biani awe!”

2 Korente 5:8

Be ti e awoko oko pepe, e ye mingi ti zia tere so e yeke na ni so ti gue ti duti na tere ti Kota Gbia.

Efeze 1:22

Nzapa azia ye kue na gbe ti Christ; lo so lo yeke na ndö ti aye kue, lo zia lo kota makonzi na li ti *Eglize.

Ndia ti fani use ni 21:17

Me alingbi koli ni ayeda, atene: kozo molenge-koli ni ayeke molenge ti wali so lo ye lo pepe so. Fade lo yeke mu aye so kue lo yeke na ni na kozo molenge ni fani use, ngbanga ti so lo yeke kozo molenge so lo ngba ngangu si lo du lo.

Filipe 4:3

Ti mo, so mo yeke taa mba ti mbi zo ti kua, mbi hunda na mo titene mo mu maboko na awali use so, ngbanga ti so ala sara kua ngangu na tere ti mbi ti fa Nzoni Tënë na azo, ala na Clément nga na ambeni mba ti mbi, azo ti kua so kue iri ti ala ayeke na ya ti mbeti so a su iri ti azo so ayeke na taa fini daa.

Kolose 1:12

Na ngia na be, ala mu singila na Nzapa Babâ so asara si ala lingbi ti wara anzoni ye so lo leke ndali ti azo ti lo na ya ti lumiere.

Kolose 1:24

A-ita, fadeso, mbi yeke na ngia ndali ti pasi so mbi yeke baa ndali ti ala, ngbanga ti so na lege ti pasi ni, mbi yeke hunzi tanga ti pasi ti Christ so lo baa ndali ti *Eglize so ayeke tere ti lo.

1 Timothée 3:5

Zo so ahinga ti duti makonzi ti sewa ti lo wani pepe, fade lo yeke hinga ti bata Eglize ti Nzapa tongana nyen?

Ahebro 11:4

Na lege ti mabe, Abel amu na Nzapa *sandaga so ayeke nzoni ahon ti Kain. Ndali ti mabe ti Abel, Nzapa atene, lo yeke zo ti mbirimbiri si lo yeda na aye so Abel amu. Na lege ti mabe si Abel angba ti tene tënë laso na e, ataa so lo kui awe.

Ahebro 11:40

Biani, Nzapa aleke ndali ti e mbeni nzoni ye so ahon atanga ni. Ndani laa, lo ye titene ala ku si e na ala, e ga nzoni kue legeoko.

Ahebro 2:12

Biani, lo tene: “Fade mbi yeke tene tënë ti mo na a-ita ti mbi si mbi yeke gonda mo na ya ti bongbi ti azo ti mo.”

Ahebro 9:27

A diko na zo kue ti kui gi fani oko, na pekoni, Nzapa ayeke fâ ngbanga na li ti lo.

Jacques 1:18

Tongana ti so be ti lo wani aye, lo mu na e fini na lege ti tënë ti lo so ayeke taa-tënë, tongaso si e ga tongana akozo zo ti lo na popo ti aye so kue lo sara.

1 Pierre 2:23

Azo azonga lo, me lo kiri na zonga ni pepe; azo asara pasi na lo, me lo be le na ala pepe, lo zia be ti lo kue na ndö ti Nzapa so ayeke fâ ngbanga na legeni.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.

Aye so Nzapa afa 14:4

Azo ni so abuba tere ti ala pepe na lege ti bongbingo na awali. Ala yeke mu peko ti Molenge ti Taba na ndo so kue lo yeke gue daa. Nzapa asoo ala na popo ti amba ti ala, azo si ala ga tongana akozo nzoni ye so a mu na lo nga na Molenge ti Taba.

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.

Aye so Nzapa afa 6:11

Na pekoni, a mu yongoro vuru bongo na ala oko oko kue si a hunda na ala ti ku kete, ngbii azo ni afâ tanga ti amba ti ala, azo ti kua ti Nzapa na a-ita ti ala, tongana ti so a fâ ala so si; me wungo ti ala ade ti lingbi pepe.

Aye so Nzapa afa 6:9

So Molenge ti Taba azi oku nzoroko ni, mbi baa na gbe ti gbalaka ayingo ti azo so a fâ ala ndali ti tënë ti Nzapa, wala ndali ti tënë so ala hinga na ndö ti Nzapa.