Ahebro 12:2 - Mbeti ti Nzapa - Tënë so amu fini

² Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

Ahebro 12:2 ပူးပေါင်းရင်းမြစ်များ

Abia (Psaumes) 110:1

Bia ti David. So tënë ti yanga ti *KOTA GBIA so lo tene na Kota Gbia ti mbi laa: “Duti na mbage ti maboko ti mbi ti koli, mbi yeke sara titene awato ti mo aga tongana mbata ti gbe ti gere ti mo si.”

Abia (Psaumes) 138:8

Fade KOTA GBIA ayeke sara ye kue ndali ti mbi. KOTA GBIA, nzoni be ti mo angba kpu na kpu! Aye so maboko ti mo asara, mo zia ni pepe.

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Ésaïe 45:22

Ala azo so kue ayeke lango na nda ti sese, ala kiri na mbage ti mbi si fade mbi soo ala. Biani, mbi yeke Nzapa, mbeni nde ayeke daa pepe.

Ésaïe 53:3

Azo abaa lo tongana mbumbuse zo, azo ado lo azia. Lo yeke zo so ye aso lo, lo hinga ye so iri ni pasi. Lo kpa zo so mbeni zo alingbi ti baa lo na le fani use pepe. E baa lo tongana mbumbuse zo, e ne lo oko pepe.

Ésaïe 8:17

Mbi yeke ku *KOTA GBIA, lo so lo bi le ti lo yongoro na *ahale ti Jacob; mbi zia be ti mbi ti ku lo.

Mishe 7:7

Me ti mbi, mbi yeke baa ndo na mbage ti *KOTA GBIA, mbi yeke ku Nzapa, wasongo mbi; fade Nzapa ti mbi ayeke ma mbi.

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Wungo ti azo 21:9

Moïse aleke ngbo ni na bengba wen, lo kanga ni na ndö ti keke na nduzu. Tongana ngbo ate mbeni zo si zo ni abaa ndo na mbage ti ngbo ti bengba wen ni, lo yeke kui pepe.

Matthieu 16:21

Ti londo na ndembe ni so, Jésus ato nda ti tene tënë polele na adisiple ti lo, atene: “Alingbi mbi gue na Jérusalem ti baa pasi mingi na maboko ti *akangba na akota wayango-sandaga na awafango-ndia. Ala yeke fâ mbi, me na lango ota ni, mbi yeke zingo na kuâ.”

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Marc 14:36

Lo sambela, lo tene: “Babâ ti mbi, mo lingbi ti sara ye kue; mo zi kopo ti pasi so na tere ti mbi. Mbi ye pepe titene mo sara ye so be ti mbi aye, me mo sara gi ye so be ti mo aye.”

Marc 15:28

Tongaso si tënë ti Mbeti ti Nzapa aga taa-tënë: “A diko lo na popo ti azo ti sioni.”]

Marc 16:19

Na peko ti so *Kota Gbia Jésus atene tënë so na ala awe, a mu lo, a gue na lo na yayu si lo duti na tere ti Nzapa na mbage ti maboko ti lo ti koli.

Marc 9:12

Lo kiri tënë na ala: “Taa-tënë, alingbi Élie aga kozoni ti leke ye kue na legeni. Me ngbanga ti nyen laa Mbeti ti Nzapa atene nga atene: ‘Fade Molenge ti Zo ayeke baa pasi si azo ayeke baa lo tongana senge zo so?’

Marc 9:24

Gi hio tongaso, babâ ti molenge ni adekongo, atene: “Mbi ma na be! Me mu na mbi maboko, ngbanga ti so mabe atia mbi!”

Nzoni Tënë so Luc asu na mbeti 17:5

*Awatokua atene na *Kota Gbia: “Sara si mabe ti e akono.”

Nzoni Tënë so Luc asu na mbeti 23:11

Herode na aturugu ti lo ahe Jésus na ngia si ala sara lo tongana buba zo. Ala yu na lo mbeni bongo so aza zango si ala kiri atokua lo na Pilate.

Nzoni Tënë so Luc asu na mbeti 24:26

Alingbi fade titene *Mesii abaa pasi kozoni si lo li na ya ti gonda ti lo pepe?”

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Jean 12:24

Biani, mbi tene na ala taa-tënë: tongana le ti *ble ati na sese si akui pepe, lo yeke ngba gi lo oko. Me tongana akui, fade ayeke du ambeni le ni mingi.

Jean 12:32

Ti mbi, tongana a mu mbi na sese, a kanga mbi na nduzu, fade mbi yeke sara si azo kue aga na tere ti mbi.”

Jean 13:3

Jésus ahinga so Babâ azia aye kue na maboko ti lo. Lo hinga nga so lo londo na Nzapa, lo ga si lo yeke kiri ande na Nzapa.

Jean 6:40

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”

Jean 8:56

Abraham, babâ ti ala, awara ngia ando mingi, ngbanga ti so lo ku ti baa lango ti gango ti mbi. Lo baa ni si be ti lo asi na ngia.”

Awatokua 2:36

“Ayeke nzoni azo ti Israel kue ahinga tënë so mbirimbiri: Jésus so ala fâ lo na ndö ti keke ti kroa so, Nzapa asara si lo ga Kota Gbia na Mesii!”

Awatokua 3:15

Ala fâ Makonzi so ayeke mu fini na zo, me Nzapa azingo lo na kuâ; e wani, e baa ni na le ti e.

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Awatokua 5:41

So awatokua ni asigigi na ya ti Kota Bongbi ti Fango Ngbanga ni, be ti ala asi na ngia, ngbanga ti so Nzapa abaa so ala lingbi na bango pasi ndali ti iri ti Jésus.

1 Korente 1:18

Biani, tënë ti keke ti kroa so e yeke fa ayeke buba tënë na le ti azo so ayeke mu lege ti kuâ; me ti e so e yeke soo kuâ, tënë ni ayeke ngangu ti Nzapa.

1 Korente 1:23

Me ti e, e yeke fa tënë ti Christ so a fâ lo na ndö ti keke ti kroa. Na le ti azuife, tënë ni ayeke tongana mbeni ye so azo ayeke pika gere ti ala daa ti ti, na le ti agreke, tënë ni ayeke buba tënë.

Efeze 2:16

Na lege ti kuâ so Christ akui na ndö ti keke ti kroa, lo sara si songo akiri na popo ti ala na Nzapa, amara use so aga tere oko. Na lege ti keke ti kroa, lo sara si kengo tere ahunzi.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

Filipe 1:6

Mbi hinga biani mbi tene, Nzapa so ato nda ti sara nzoni kua na ya ti fini ti ala, fade lo yeke sara ni ngbii ahunzi na lango ti kiringo ti Jésus Christ.

Filipe 3:20

Ti e, kodro ti e ayeke na yayu. E yeke ku titene *Kota Gbia ti e Jésus Christ, lo so lo yeke Wasongo e alondo na yayu, aga.

2 Timothée 4:8

Ti fadeso, Nzapa abata na mbi nzoni ye so a yeke mu na zo so aso benda. Lo leke nzoni ye ni ndali ti azo ti mbirimbiri, fade *Kota Gbia so ayeke wafango-ngbanga ti mbirimbiri ayeke mu ni na mbi na lango ti ndani; lo yeke mu nzoni ye ni gi na mbi oko pepe, me lo yeke mu ni nga na azo so kue aye tënë ti gango ti lo.

Ahebro 1:13

Laoko Nzapa atene nga na mbeni ange pepe, atene: “Ga mo duti na mbage ti maboko ti mbi ti koli, ngbii asi na ndembe so mbi yeke sara titene awato ti mo aga tongana mbata ti gbe ti gere ti mo si!”

Ahebro 1:3

Gonda ti Nzapa ayeke za na lege ti Molenge ni. Lo yeke taa tongana ti so Nzapa ayeke, lo yeke bata dunia so na ngangu ti tënë ti yanga ti lo. So lo sukula asiokpari ti azo awe, lo gue, lo duti na yayu, na tere ti Nzapa so ngangu ti lo ahon ndoni, na mbage ti maboko ti lo ti koli.

Ahebro 10:14

Na lege ti oko sandaga so lo mu, Christ asara si azo so lo *sukula sioni ti ala, ala ga nzoni kue kpu na kpu.

Ahebro 10:33

Mbeni lâ, azo azonga ala si asara pasi mingi na ala na le ti azo kue. Mbeni lâ, ala sara beoko na azo so abaa nga pasi tongana ala.

Ahebro 11:36

A zonga ambeni, a pika ala na fimbo, a kanga ala na zingiri si a bi ala na da ti kanga.

Ahebro 12:3

Ala dabe ti ala na Jésus, na pasi so lo baa na maboko ti azo ti siokpari so ake lo, tongaso si be ti ala awoko pepe si ala zia lege ni pepe.

Ahebro 13:13

Tongaso, e nga, e sigigi na ya ti gbagba ni, e gue na peko ti lo titene azo abongbi e na lo kue abaa e tongana azo ti buba.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

Ahebro 7:19

Biani, titene mbeni ye ti nzoni kue aduti daa, *Ndia ti Moïse asara ni oko pepe. Me mbeni ye so ayeke nzoni ahon ti kozoni asi awe; ye ni so laa e zia be ti e ti ku ni si na lege ni, e yeke ga nduru na Nzapa.

Ahebro 8:1

Kota tënë so e ye ti luti na ndö ni ayeke so: e yeke na mara ti kota wayango-sandaga so, lo yeke duti na yayu na tere ti mbata ti Gbia Nzapa na mbage ti maboko ti lo ti koli, Nzapa so ngangu ti lo ahon ndoni.

Ahebro 9:28

Legeoko nga, Christ amu tere ti lo na sandaga fani oko titene lo zi siokpari ti azo mingi. Ti fani use ni, lo yeke kiri ti ga ti zi siokpari ti azo pepe, me ti soo azo so kue ayeke ku lo.

Jacques 2:1

A-ita ti mbi, ala ma na be awe na *Kota Gbia ti e Jésus Christ so e yeke gonda lo. Tongaso, ala ne ambeni zo ahon ambeni pepe.

1 Pierre 1:11

Yingo ti Christ ayeke na ya ti awayanga-Nzapa si ayeke fa na ala kozoni tënë ti pasi so fade Christ ayeke baa, nga na tënë ti gondango so a yeke gonda lo na peko ti pasi ni. Nilaa, ala gi lege ngangu ti hinga ngoi ti singo ti aye so Yingo ti Christ afa tënë ni na ala; ala gi nga ti hinga aye ni ayeke si ande tongana nyen?

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

1 Pierre 3:22

Lo gue na yayu, lo duti na tere ti Nzapa na mbage ti maboko ti lo ti koli si *a-ange, ayingo so ayeke na komandema na ala so ayeke na ngangu ayeke na gbe ti lo.

Jude 1:21

Ala ngba na lege ti ndoye ti Nzapa. Ala ku titene Kota Gbia ti e Jésus Christ amu na ala fini so angba lakue lakue na lege ti nzoni be ti lo.

Aye so Nzapa afa 1:11

Go ni atene: “Ye so mo yeke baa so, mo su tënë ni na ya ti buku, mo tokua ni na *a-Eglize mbarambara so: Eglize ti Efeze, ti Simirne, ti Pergame, ti Tiatire, ti Sarde, ti Filadelfii na ti Laodise.”

Aye so Nzapa afa 1:17

So mbi baa lo, mbi ti na gbe ti lo tongana zo so akui awe. Me lo zia maboko ti lo ti koli na ndö ti mbi si lo tene: “Sara mbeto pepe! Mbi yeke lo so lo yeke kozo ni na lo so lo yeke ndangba ni,

Aye so Nzapa afa 1:8

*Kota Gbia Nzapa, lo so ngangu ti lo ahon angangu kue, lo so lo yeke laso, lo so lo yeke ando si lo yeke ga, atene: “Mbi yeke *Alfa na *Omega.”

Aye so Nzapa afa 2:8

“Su mbeti so, mo tokua na *ange so ayeke na li ti *Eglize ti gbata ti Simirne: “Baa, lo so lo yeke kozo ni si lo yeke ndangba ni, lo so akui si lo kiri na fini, atene: