Ahebro 12:19 - Mbeti ti Nzapa - Tënë so amu fini

¹⁹ Ala ma nga toto ti tatalita na mbeni go so ayeke tene tënë. Azo ti Israel so ama ni, ala yeda ti ngba ti ma ni pepe.

Ahebro 12:19 ပူးပေါင်းရင်းမြစ်များ

Ndia ti fani use ni 18:16

Ye so ala hunda lani na KOTA GBIA Nzapa ti ala, na lango so ala bongbi na gbe ti hoto ti Horeb laa. Ala tene lani: “E wani, e ye ti ma go ti KOTA GBIA Nzapa ti e mbeni pepe! E ye ti baa kota wâ so mbeni pepe! E ye ti kui pepe!”

1 Korente 15:52

gi hio tongaso, tongana ti so zo ayeke ko le ti lo na ndembe so tanga ti tatalita ayeke toto. Biani, na ndembe so tatalita ni ayeke toto, akuâ ayeke zingo na mbeni tere so ayeke kiri ti buba pepe; ti e, tere ti e ayeke ga nde.

Ndia ti fani use ni 4:12

KOTA GBIA atene tënë na ala na ya ti wâ ni. Ala ma atënë ti lo, me ala baa lo pepe; ala ma gi go ti lo.

Ndia ti fani use ni 4:33

Mbeni mara ama go ti mbeni nzapa so atene tënë na ya ti wâ si mara ni angba na fini, tongana ti so asi na ala so?

Sigingo 20:22

KOTA GBIA atene na Moïse: “Tënë so mo yeke tene ande na azo ti Israel ayeke so: ‘Ala wani abaa na le ti ala: mbi ngba na yayu kâ laa mbi tene tënë na ala.

1 Tesalonike 4:16

Fade Nzapa ayeke mu yanga na kota go, azo ayeke ma go ti makonzi ti *a-ange nga na tatalita ti Nzapa. Tongaso, Kota Gbia wani ayeke londo na yayu ti zu. Azo so ama na be na Christ si akui so, ala laa ayeke zingo na kuâ kozo.

Ndia ti fani use ni 4:11

Na lango ni so, ala ga nduru, ala luti na gbe ti hoto ni; hoto ni kue ayeke gi wâ: menga ti wâ ni alondo ngbii asi na le ti nduzu, taa na ya ti guru so avuko pitipiti nga na ngbongboro mbinda.

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?