Ahebro 11:9 - Mbeti ti Nzapa - Tënë so amu fini

⁹ Na lege ti mabe, lo gue, lo duti tongana wande na kodro so Nzapa amu zendo ni na lo. Lo lango na ya ti da ti bongo, lo na Isaac na Jacob, ala so Nzapa amu zendo na ala titene kodro ni aga ti ala.

Ahebro 11:9 ပူးပေါင်းရင်းမြစ်များ

Tongo nda ti aye 12:8

Lo londo na ndo so, lo gue, lo si na hoto so ayeke na mbage ti To ti gbata ti Betel; Betel ayeke na Do si Ai ayeke na To. Lo zia da ti lo ti bongo na popo ti agbata use so. Lo leke mbeni gbalaka ndali ti KOTA GBIA. Kâ, lo iri KOTA GBIA na iri ti lo si lo voro lo.

Tongo nda ti aye 13:18

Abram amu ada ti lo ti bongo si lo gue ti duti na ndo so akeke ti shene ti Mamre ayeke daa na Hebron. Lo leke mbeni gbalaka ndali ti KOTA GBIA kâ.

Tongo nda ti aye 13:3

Lo londo na sese ti mbage ti Mbongo, lo si na mbeni ndo, lo kiri lo londo na ndo so lo si na mbeni ndo; lo sara tongaso ngbii lo si na Betel, na ndo so lo duti daa kozoni, na popo ti Betel na Ai;

Tongo nda ti aye 17:8

Fade mbi yeke mu ndo so kue mo hon daa, so ti tene kodro ti Kanaan, ti mu ni biani biani na mo, na ahale ti mo. Mbi yeke duti Nzapa ti ala.”

Tongo nda ti aye 18:6

Abraham ague hio na ya ti da ti bongo ni si lo tene na Sara, lo tene: “Londo hio! Mo mu ye ti hakango na farini, mo haka nzoni farini fani ota, mo sara na gatoo.”

Tongo nda ti aye 18:9

si na pekoni, ala hunda lo, atene: “Wali ti mo Sara ayeke na ndo wa?” Lo kiri tënë, lo tene: “Lo yeke kâ na ya ti da ti bongo.”

Tongo nda ti aye 21:34

Abraham alango aninga na sese ti azo ti Filistii.

Tongo nda ti aye 23:4

“Mbi yeke wande so aduti na popo ti ala, mbi yeke wande so aga ndali ti mbeni kete ngoi. Ayeke nzoni ala mu na mbi mbeni sese ti ala titene mbi lu kuâ ti wali ti mbi daa, wali ti mbi so ahon na tere ti mbi so.”

Tongo nda ti aye 25:27

Amolenge-koli ni akono. Ezau aga mbeni kpengba zo ti gingo nyama so ayeke tambula na ya ti ngonda. Jacob ayeke ti lo zo so ayeke kpoo; lo yeke duti na ya ti ada ti bongo.

Tongo nda ti aye 28:4

Ayeke nzoni tufa so lo sara na ndö ti Abraham so, lo sara ni na ndö ti mo, na *ahale ti mo. Tongaso kodro so Nzapa amu ando na Abraham si mo yeke duti daa tongana wande so, kodro ni ayeke ga ti mo.”

Tongo nda ti aye 31:25

Laban awara Jacob; andaa Jacob aleke da ti lo ti bongo na ndö ti hoto. Laban na a-ita ti lo aleke nga da ti ala ti bongo na ndö ti ahoto ti Galaad.

Tongo nda ti aye 35:27

Jacob asi na ndo ti babâ ti lo Isaac na Mamre, na Kiriat-Arba, so ti tene Hebron. Ndo so laa Abraham na Isaac ague ando aduti daa.

Tongo nda ti aye 36:7

Biani, aye ti ala awu ahon ndoni, lege titene ala duti na ndo oko ayeke daa pepe. Sese so ala yeke daa so alingbi pepe titene ala duti daa ti bata anyama ti ala.

Tongo nda ti aye 47:9

Jacob akiri tënë, atene: “Ngu so kue mbi sara na tambulango ti mbi na dunia so ayeke ngbangbo oko na baleota. Ngu ni ayeke mingi pepe, me aye ti sioni asi singo daa. Ngu ti mbi ni alingbi na ngu so akotara ti mbi asara na tambulango ti ala na dunia so pepe.”

Abia (Psaumes) 105:12

Na ngoi ni so, ala wu mingi pepe, a lingbi ti diko wungo ti ala, ala yeke lani awande na sese ni.

Jérémie 35:7

Ala yeke sara ada pepe, ala yeke lu ale ti kobe pepe, ala yeke fâ yaka ti *vinye pepe, ala yeke mu yaka ti vinye pepe ti ga ti ala. Me fade ala yeke lango na ya ti ada ti bongo na lango ti fini ti ala kue; tongaso si fade ala yeke lango aninga na ndö ti sese so ala yeke duti daa.’

Ahebro 6:17

Andaa, azo so Nzapa amu zendo ti mu aye na ala, lo ye ti fa biani na ala so be ti lo angba lakue na ndö ti zendo ni. Ndani laa lo deba yanga ti lo na ndö ti zendo ni.