Ahebro 11:8 - Mbeti ti Nzapa - Tënë so amu fini

⁸ Na lege ti mabe, Abraham ayeda na iringo so Nzapa airi lo, lo ma yanga ti Nzapa si lo zia kodro ti lo ti gue na mbeni kodro so Nzapa aye ti mu na lo titene aga ti lo. Abraham amu lege ague, ataa so lo hinga ndo so lo yeke gue daa pepe.

Ahebro 11:8 ပူးပေါင်းရင်းမြစ်များ

Tongo nda ti aye 11:31

Tera amu molenge ti lo Abram, na ata ti lo Lot, molenge ti Haran, na kogara ti lo Sarai, wali ti molenge ti lo Abram si lo na ala alondo na sese ti Babilonii, na gbata ti Ur ti gue na kodro ti Kanaan. Ala gue, asi na gbata ti Haran si ala sara kodro kâ.

Tongo nda ti aye 12:5

Lo mu wali ti lo Sarai, Lot, molenge ti ita ti lo, aye so kue ala wara na Haran na angbaa so ala vo ala. Ala mu lege ti gue na kodro ti Kanaan. Ala gue, asi na sese ti Kanaan.

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Tongo nda ti aye 15:5

Na pekoni, KOTA GBIA amu Abram, asigigi na lo si atene na lo: “Baa ndo na le ti nduzu, mo diko atongoro tongana mo lingbi ti diko ni.” Lo kiri lo tene na Abram: “Fade *Ahale ti mo ayeke ga mingi mingi tongaso.”

Tongo nda ti aye 17:8

Fade mbi yeke mu ndo so kue mo hon daa, so ti tene kodro ti Kanaan, ti mu ni biani biani na mo, na ahale ti mo. Mbi yeke duti Nzapa ti ala.”

Tongo nda ti aye 20:13

Na ndembe so Nzapa asara titene mbi zia da ti babâ ti mbi, mbi hon, mbi tene na Sara, mbi tene: ‘Fade mo sara nzoni na mbi: na ndo so kue e yeke si ande daa, mo tene na azo, mo tene, mbi yeke ita ti mo.’ ”

Tongo nda ti aye 22:18

A yeke sara tufa na ndö ti azo ti amara ti ndö ti sese kue na lege ti ahale ti mo, ngbanga ti so mo ma yanga ti mbi.”

Tongo nda ti aye 26:3

Mo duti na kodro ni; mbi yeke ande na mo si mbi yeke sara tufa na ndö ti mo, ngbanga ti so mbi yeke mu asese so kue na mo na *ahale ti mo. Mbi yeke sara ye alingbi na tënë ti yanga ti mbi so mbi deba na babâ ti mo Abraham so.

Ésaïe 41:2

Mbeni zo alondo na mbage ti To si lo yeke ga; lo so benda na ndo so kue lo yeke hon daa. Zo wa laa azia lo na lege si lo ga so, zo wa? Zo wa laa azia amara nde na maboko ti lo, zo wa? Zo wa laa azia agbia na gbe ti komandema ti lo, zo wa? Yongoro zeme ti lo asara si ala ga tongana fuku ti sese, kokora ti lo asara si ala kangbi kirikiri tongana holengo pere so pupu amu ahon na ni.

Ésaïe 51:2

Ala baa Abraham, babâ ti ala, ala baa Sara so adu ala. Biani, Abraham ayeke lani gi lo oko si mbi iri lo. Mbi sara tufa na ndö ti lo si lo ga kotara ti gba ti azo.”

Ezekiel 36:24

“Fade mbi yeke zi ala na popo ti amara nde, mbi yeke mu ala na sese nde nde, mbi yeke bongbi ala si mbi yeke kiri na ala na sese ti ala.

Wungo ti azo 10:30

Hobab akiri tënë na lo: “Mbi yeke gue pepe; mbi yeke kiri na kodro ti mbi, na ya ti sewa ti mbi.”

Matthieu 2:21

Joseph alondo amu molenge ni, lo na mama ti lo si lo kiri na sese ti Israel.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

Rome 10:16

Me azo kue laa ayeda na Nzoni Tënë ni pepe, nilaa Ésaïe atene: “Kota Gbia, zo wa laa ayeda na tënë so e fa?”

Rome 6:17

E mu singila na Nzapa: ando, ala yeke angbaa ti siokpari, me fadeso, ala yeda na be ti ala kue na taa-tënë so a fa na azo kue si ala, azo ti Rome, ala yeda nga na ni.

2 Korente 10:5

E yeke buba nga aye so kue azo ti baba ayeke mu ti kanga lege na amba ti ala ti hinga Nzapa. E yeke kanga lege na atënë ti be ti azo kue ti sara si atënë ti be ti ala aga ngbaa si ala ma yanga ti Christ.

Ndia ti fani use ni 9:5

Ala azo ti Israel, tongana ala wara lege ti mu sese ti azo ti mara ni titene aga ti ala, ayeke ngbanga ti mbirimbiri ti ala pepe wala ayeke ngbanga ti so be ti ala ayeke mbirimbiri. Me KOTA GBIA ayeke tumba azo ni, ngbanga ti so sarango ye ti ala ayeke sioni. Lo yeke tumba nga azo ni ti sara si zendo so lo mu ando na akotara ti ala Abraham, Isaac na Jacob aga taa-tënë.

Ahebro 11:33

Na lege ti mabe, ala tiri bira na ambeni gbia si ala mu kodro ti ala. Ala sara aye ti mbirimbiri, ala wara aye so Nzapa amu zendo ni, ala kanga yanga ti abamara;

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

Josué 24:3

Mbi zi Abraham, kotara ti ala na kodro so ayeke na mbage ti ngu ti Efrate, mbi sara si lo tambula na sese ti Kanaan kue. Mbi sara si asewa ti lo awu mingi. Mbi mu na lo Isaac.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

1 Pierre 3:1

Awali, ala nga, ala ma yanga ti akoli ti ala. Tongaso, fade ambeni koli so ake ti ma na be na tënë ti Nzapa alingbi ti ma na be ndali ti sarango ye ti ala. Ataa so ala, awali ni, ala tene tënë ti Nzapa na akoli ti ala pepe,

1 Pierre 4:17

Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?