Ahebro 11:7 - Mbeti ti Nzapa - Tënë so amu fini

⁷ Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

Ahebro 11:7 ပူးပေါင်းရင်းမြစ်များ

Tongo nda ti aye 19:14

Lot asigigi, atene na akogara ti lo so aye ti mu amolenge ti lo ti wali so, atene: “Ala londo na gbata so, ala sigigi, ngbanga ti so KOTA GBIA ayeke buba gbata ni.” Me akogara ti lo abaa ti ala atene, so tënë ti ngia laa.

Tongo nda ti aye 6:13

Nzapa atene na Noe: “Ti mbi, ngoi titene mbi hunzi azo ti sese kue alingbi awe. Ndali ti ala, sarango ngangu na azo asi singo na ndö ti sese. Mbi yeke hunzi azo ni kue si mbi yeke buba nga sese ni kue.

Tongo nda ti aye 6:22

Noe asara ye ni tongaso. Lo sara ye ni alingbi gi na yanga so Nzapa amu na lo.

Tongo nda ti aye 6:9

Tënë ti sewa ti Noe ayeke tongaso: Na popo ti azo ti ngoi ti Noe, lo yeke mbeni zo ti mbirimbiri, tënë ayeke na li ti lo pepe, lo tambula na Nzapa.

Tongo nda ti aye 7:23

Lege so KOTA GBIA ahunzi aye so kue ayeke na fini na ndö ti sese laa: azo, anyama ti kodro, anyama so ayeke hara harango, na andeke kue. Ala kue ahunzi. Gi Noe na ala so ayeke na tere ti lo na ya ti mangboko ni laa angba.

Tongo nda ti aye 7:5

Noe asara ye alingbi na aye so kue KOTA GBIA amu yanga na lo ti sara ni.

Tongo nda ti aye 8:16

“Sigigi na ya ti mangboko ni, mo na wali ti mo, amolenge ti mo, na awali ti amolenge ti mo.

2 Agbia 4:5

Wali ni azia Élisée, lo gue, lo kanga yanga ti da na li ti lo nga na amolenge ti lo. Amolenge ni ayeke ga na lo ata ni si lo yeke tuku mafuta na ya ni.

Mbeti ti Job 35:8

Ataa mo sara sioni-oo, ataa mo sara nzoni-oo, sioni ni na nzoni ni kue mo sara ni gi na amba ti mo zo.

Amato 22:3

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Amato 27:12

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Ezekiel 14:14

Ataa akoli ota so, Noe, Daniel na Job ayeke fade na popo ti azo ti kodro ni, mbirimbiri ti ala ayeke soo gi fini ti ala wani. So tënë ti yanga ti Kota Gbia NZAPA laa.

Ezekiel 14:20

ataa Noe, Daniel na Job ayeke fade na ya ti kodro ni, fini ti mbi, ala lingbi ti soo amolenge ti ala wani pepe. Gi ala oko laa ayeke soo fini ti ala na lege ti mbirimbiri ti ala. So tënë ti yanga ti Kota Gbia NZAPA laa.”

Ezekiel 33:5

Lo ma toto ti tatalita ni, me lo baa tënë ni tongana senge ye. Tongaso mene ti lo ayeke na li ti lo wani. Me zo so abaa tënë ni tongana senge ye pepe, fade lo yeke soo fini ti lo.

Matthieu 2:12

Na pekoni, Nzapa atene tënë na ala na ya ti bango-li titene ala kiri na ndo ti Herode pepe. Tongaso, ala mu mbeni lege nde, ala kiri na kodro ti ala.

Matthieu 24:15

“Ndani laa, fade ala yeke baa ye so iri ni ‘Sioni-kpale-ti-bubango-ndo-kue’ so Daniel, wayanga-Nzapa, atene tënë ni ando so. Sioni kpale ni ayeke duti na ndo so ayeke nde si ayeke nzoni kue. – Mo so mo yeke diko mbeti so, mo gi nda ti ye so nzoni! –

Matthieu 24:25

Mbi tene tënë ni na ala, ala ma awe!

Matthieu 24:38

Ando, kozo titene kota ngu apika, asuku si amu ndo kue, azo ayeke te, ala yeke nyon; akoli na awali ayeke mu tere ngbii asi na lango so Noe ali na ya ti kota mangboko.

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Nzoni Tënë so Luc asu na mbeti 17:26

Ye so ayeke si ande na lango ti gango ti Molenge ti Zo ayeke duti tongana ye so asi ando na ngoi ti Noe.

Rome 1:17

Biani, Nzoni Tënë ni afa na le ti azo lege so Nzapa asara titene azo aga mbirimbiri na le ti lo: gi na lege ti mabe, na tongo ndani ngbii asi na ndani, tongana ti so Mbeti ti Nzapa atene: “Zo so aga mbirimbiri na lege ti mabe, fade lo yeke duti na fini.”

Rome 10:6

Me tënë ti gango mbirimbiri na lege ti mabe, a tene tongaso: “Ayeke nzoni mo tene na be ti mo pepe, mo tene: ‘Zo wa laa ayeke gue ande na yayu?’ Tongana mo tene tongaso, andaa mo ye ti mu Christ ti zu na lo na sese.

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

Rome 4:11

Na ngoi so Abraham ade ti fâ ganza pepe, lo wara mbeni nzoroko so afa atene, Nzapa abaa lo tongana zo ti mbirimbiri na lege ti mabe. Nilaa Abraham aga babâ ti azo so kue ama na be, ataa so lo de ti fâ ganza pepe si Nzapa abaa ala nga tongana azo ti mbirimbiri.

Rome 4:13

Nzapa amu zendo na Abraham na *ahale ti lo so fade dunia so ayeke ga ye ti ala. Nzapa amu zendo ni na Abraham, ngbanga ti so lo sara ye na lege ti *Ndia pepe, me ngbanga ti so Nzapa abaa lo tongana zo ti mbirimbiri na lege ti mabe ti lo.

Rome 9:30

Tongaso, fade e yeke tene nyen? Fadeso azo ti amara nde aga mbirimbiri na le ti Nzapa awe ndali ti so ala ma na be. Andaa titene ala ga mbirimbiri, ala gi ando lege ni pepe.

Galasii 5:5

Ti e, e yeke zia be ti e ti ku titene Nzapa wani asara si e ga mbirimbiri na le ti lo. Yingo ti Nzapa laa ayeke sara titene e yeke ku ye ni na lege ti mabe.

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.

Ahebro 11:1

Mabe ayeke sara titene ye so zo azia be ti lo ti ku ni, lo hinga lo tene, lo wara ni awe. Mabe ayeke sara nga titene ye so le ti zo abaa pepe, lo hinga lo tene, ye ni ayeke daa biani.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Ahebro 5:7

Na ngoi so Jésus ayeke na sese so, lo hinga so Nzapa alingbi ti soo lo na kuâ. Lo sambela, lo voro tere ti lo na Nzapa, lo dekongo, lo toto na ngu ti le. Nzapa ama lo, ngbanga ti so lo sara tere ti lo kete si lo ma yanga ti Nzapa.

Ahebro 8:5

Kua so ala yeke sara ayeke gi tongana limo ti aye so ayeke na yayu. Ye ni ayeke legeoko tongana ye so asi na Moïse na ngoi so lo ye ti leke da ti bongo. Nzapa atene na lo: “Fade mo yeke sara kue ti sara ye ni alingbi gi na kode so mbi fa na mo na li ti hoto so.”

1 Pierre 3:20

so ti tene lo gue, lo fa tënë na ayingo ti azo so ake ando yanga ti Nzapa na ngoi so Noe aleke mangboko. Na ndembe so Nzapa akanga be ti lo ti ku titene ala kiri na be ti ala na lo, gi azo miombe senge laa ali na ya ti mangboko si na lege ti ngu, Nzapa asoo ala.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

2 Pierre 2:5

Nzapa azia nga ando dunia ti kozoni senge tongaso pepe. Ndali ti sioni sarango ye ti azo ti dunia ni, lo sara si kota ngu apika, asuku amu ndo kue; lo bata gi Noe, zo ti fango lege ti mbirimbiri na azo, lo na ambeni zo mbarambara.

2 Pierre 3:6

Na lege ti ngu nga, so ti tene ngu so asuku amu ndo kue laa, dunia ti giriri abuba biani.