Ahebro 11:6 - Mbeti ti Nzapa - Tënë so amu fini

⁶ Andaa, tongana zo ayeke na mabe pepe, lo lingbi ti ga nzoni na le ti Nzapa pepe, ngbanga ti so zo so aga nduru na Nzapa, alingbi lo hinga so, Nzapa ayeke daa biani si lo yeke mu anzoni ye na azo so ayeke gi lo.

Ahebro 11:6 ပူးပေါင်းရင်းမြစ်များ

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

Mbeti ti Job 21:14

Andaa ala tene na Nzapa, atene: “Zia e kpoo! E ye ti hinga lege ti mo pepe.

Abia (Psaumes) 106:24

Na pekoni, azo ni abaa pendere kodro ni tongana senge ye, ala ma na be na tënë ti Nzapa pepe.

Abia (Psaumes) 119:10

Mbi gi mo na be ti mbi kue; sara si mbi hon nde na atënë ti ndia ti mo pepe.

Abia (Psaumes) 58:11

Fade tere ti zo ti mbirimbiri ayeke nzere tongana lo baa a kiri na azo ti sioni peko ti sioni ti ala; fade lo yeke tambula na ya ti mene ti ala.

Abia (Psaumes) 73:28

Ti mbi, dutingo nduru na mo Nzapa laa ayeke sara nzoni na mbi. Mbi kpe na mo Kota Gbia NZAPA ti bata tere ti mbi, ti fa aye so kue mo sara.

Abia (Psaumes) 78:22

ngbanga ti so ala zia be ti ala na ndö ti Nzapa pepe, ala ke ti ma na be so lo lingbi ti soo ala na kuâ.

Abia (Psaumes) 78:32

Ataa so kue, azo ti Israel angba lakue ti sara siokpari, akota ye so Nzapa asara, ala ma na be na ni pepe.

Amato 11:18

Futa so zo ti sioni awara ayeke senge ye; me zo so asara ye ti mbirimbiri, lo yeke wara nzoni ye na peko ni biani.

Amato 8:17

Mbi, mbi ye azo so aye mbi. Azo so ayeke gi mbi, fade ala yeke wara mbi.

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Ésaïe 7:9

Samarii ayeke li-kodro ti Efraim, Peka ayeke gbia gi na Samarii. Tongana ala ma na be pepe, fade ala yeke gbu le ni pepe.”

Jérémie 2:31

– Ala, azo ti fadeso, ala ma tënë ti KOTA GBIA mbirimbiri! – Ala, azo ti Israel, mbi ga tongana benyama ndali ti ala? Wala kodro so ndo avuko daa pitipiti? Ala, azo ti mbi, ndani nyen si ala yeke tene: ‘E yeke gue na ndo so be ti e aye, e yeke kiri na mo mbeni pepe’ so?

Wungo ti azo 14:11

*KOTA GBIA atene na Moïse: “Azo so ayeke ngba ti ke mbi ngbii asi lawa? Ala yeke ke ti zia be ti ala na ndö ti mbi ngbii asi lawa, ataa aye ti kpene so kue mbi sara na popo ti ala?

Wungo ti azo 20:12

Me KOTA GBIA atene na Moïse na Aaron: “Na sarango ye tongaso, ala zia be ti ala na ndö ti mbi KOTA GBIA pepe, ala fa na azo ti Israel pepe so mbi yeke nde si mbi yeke nzoni kue. Ndali ni, ala yeke gue na bongbi ti azo ni pepe na kodro so mbi mu na ala.”

Matthieu 11:26

Biani Babâ, ye ni ayeke tongaso, ngbanga ti so mo yeda.

Matthieu 5:12

Ayeke nzoni be ti ala anzere, ala duti na ngia, ngbanga ti so futa ti ala ayeke ande kota na yayu. Biani, gi tongaso laa azo asara ando ngangu na awayanga-Nzapa so ayeke kozoni na ala.”

Matthieu 6:16

“Tongana ala yeke ke kobe ti sambela, ala duti na vundu pepe tongana ti azo so tënë ti yanga ti ala ayeke nde na sarango ye ti ala: azo ni ayeke sara le ti ala kirikiri ti fa na azo atene, ala yeke ke kobe ti sambela. Mbi tene na ala taa-tënë: azo ni awara ti ala futa ni awe.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Matthieu 6:5

“Tongana ala yeke sambela, ala sara tongana azo so tënë ti yanga ti ala ayeke nde na sarango ye ti ala so pepe: azo ni aye ti luti na nduzu ti sambela na ya ti ada ti sambelango Nzapa nga na asangbi-lege titene azo abaa ala. Mbi tene na ala taa-tënë: azo ni awara futa ti ala awe.

Marc 16:17

Azo so ama na be, aye ti kpene so ala yeke sara ande ayeke so: na iri ti mbi, ala yeke tumba asioni yingo, ala yeke tene tënë na ayanga nde so ala hinga ni pepe;

Nzoni Tënë so Luc asu na mbeti 12:31

Ala gi *Kodro-gbia ti Nzapa kozoni si fade a yeke mu na ala aye so kue na ndö ni.”

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 8:24

Ndani laa mbi tene na ala, mbi tene, ala yeke kui ande na ya ti siokpari ti ala. Biani, tongana ala ma na be pepe so ‘Mbi Yeke’, fade ala yeke kui na ya ti siokpari ti ala.”

Rome 10:14

Me fade azo ayeke iri lo titene lo mu maboko na ala tongana nyen so ala ma na be na lo pepe so? Fade ala yeke ma na be na lo tongana nyen so ala ma tënë ti lo pepe so? Fade ala yeke ma tënë ti lo tongana nyen so zo ti fango tënë ti lo na ala ayeke daa pepe so?

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Ahebro 11:26

Moïse atene na be ti lo atene, titene azo abaa ni tongana buba zo, tongana ti so ala sara na *Mesii, so ayeke kota ye mingi ahon amosoro ti kodro ti Ezipte. Moïse asara tongaso ndali ti so le ti lo angba na ndö ti futa so lo yeke wara ande.

Ahebro 3:12

A-ita, le ti ala akpengba! Mbeni zo oko na popo ti ala asara sioni be wala adekite pepe, tongaso si lo zia lege ti Nzapa pepe, lo so lo yeke na fini.

Ahebro 4:2

Biani, e nga, e ma Nzoni Tënë tongana ti so akotara ti e ama ni ando so. Me Nzoni Tënë ni asara ye oko na ala pepe, ngbanga ti so azo so ama tënë ni, ala ma na be na ni pepe.

Ahebro 4:6

Akozo zo so ama ando Nzoni Tënë ni, ala li na ndo ti wungo tere ni so pepe, ngbanga ti so ala ke ti yeda na tënë ni. Me lege angba na zingo ni titene ambeni zo ali na ndo ti wungo tere ni.

Ahebro 7:19

Biani, titene mbeni ye ti nzoni kue aduti daa, *Ndia ti Moïse asara ni oko pepe. Me mbeni ye so ayeke nzoni ahon ti kozoni asi awe; ye ni so laa e zia be ti e ti ku ni si na lege ni, e yeke ga nduru na Nzapa.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

2 Pierre 1:10

Ndani laa, a-ita, ayeke nzoni ala kiri asara ngangu ahon ti kozoni ti ngba na lege ti iringo so Nzapa airi ala, nga na lege ti sorongo so lo soro ala. Tongana ala sara tongaso, mbeni ye ti sara si ala ti ande ayeke daa oko pepe.

2 Pierre 1:5

Ndani laa, ala sara kue titene ala zia na ndö ti mabe ti ala, sarango nzoni ye; na ndö ti sarango nzoni ye, ala zia hingango ndo;

2 Pierre 3:14

Ndani laa, a-ita ti mbi so mbi ye ala mingi, na ngoi so ala yeke ku lango ni so, ala sara kue titene lo ga lo wara ala na mbeni sioni ye na be ti ala pepe, mbeni tënë ayeke na li ti ala pepe, ala duti nga na siriri na Nzapa.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Ruth 2:12

Mbi sambela titene anzoni ye so mo sara so, KOTA GBIA akiri peko ni na mo. Ayeke nzoni KOTA GBIA, Nzapa ti Israel, so mo ga ti duti na gbe ti lo akiri peko ni kue na mo.”