Ahebro 11:4 - Mbeti ti Nzapa - Tënë so amu fini

⁴ Na lege ti mabe, Abel amu na Nzapa *sandaga so ayeke nzoni ahon ti Kain. Ndali ti mabe ti Abel, Nzapa atene, lo yeke zo ti mbirimbiri si lo yeda na aye so Abel amu. Na lege ti mabe si Abel angba ti tene tënë laso na e, ataa so lo kui awe.

Ahebro 11:4 ပူးပေါင်းရင်းမြစ်များ

Tongo nda ti aye 4:10

Tongaso KOTA GBIA atene: “Nyen laa mo sara tongaso? Dekongo ti mene ti ita ti mo so mo tuku so, alondo na sese kâ, aga ngbii asi na mbi ge.

Tongo nda ti aye 4:15

KOTA GBIA atene na lo: “Oko pepe! Tongana mbeni zo afâ mo Kain, fade a fâ azo mbarambara si alingbi na kuâ ti mo.” KOTA GBIA asara mbeni nzoroko na tere ti Kain titene zo so awara lo afâ lo pepe.

Tongo nda ti aye 4:25

Adam akiri aduti na wali ti lo. Lo du mbeni molenge-koli si lo di iri ti lo Set. Lo tene na be ti lo, lo tene: “Nzapa amu na mbi mbeni molenge na plase ti Abel so Kain afâ lo awe.”

Tongo nda ti aye 4:8

Tongaso Kain atene na ita ti lo Abel: “E gue na yaka.” Kâ na yaka ni, lo ti na ndö ti ita ti lo Abel si lo fâ lo.

1 Agbia 18:38

Tongaso wâ ti KOTA GBIA alondo na nduzu ati; wâ ni agbi sandaga ni, akeke ni, atêne ni na fuku ti sese ni. Wâ ni asara si ngu so ayeke na ya ti du ni ahole.

Mbeti ti Job 8:10

Me azo so ayeke kozo ti e ayeke fa ye na mo, ala yeke tene na mo *amato so be ti ala agirisa na ni pepe:

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 21:27

Sandaga ti azo ti sioni ayeke ye ti sioni mingi. Sandaga so ayeke sioni ahon ndoni ayeke ti so ala mu na sioni be.

Awayango-sandaga 9:24

Mbeni wâ asigigi na dawa ti KOTA GBIA si agbi sandaga so a yeke gbi ni kue na wâ nga na akasa ti mafuta so ayeke na ndö ti gbalaka ni. Azo kue abaa ni, ala dekongo na ngia si ala ti akpo li ti ala na sese.

Matthieu 23:35

Tongaso, fade ngbanga ti mene ti azo ti mbirimbiri so kue ala fâ ala so ayeke kiri na li ti ala. Kozo zo so a fâ lo ayeke Abel, zo ti mbirimbiri. Tanga ti zo ni ayeke Zakarii, molenge ti Barashii; a fâ ando lo na popo ti ndo so ayeke nzoni kue na ti gbalaka ti *sandaga, na kota da ti Nzapa.

Nzoni Tënë so Luc asu na mbeti 11:51

ti londo na kuâ ti Abel ngbii asi na kuâ ti Zakarii, so akui na popo ti gbalaka ti da ti Nzapa na ti ndo so ayeke nzoni kue so. Mbi tene na ala taa-tënë: fade Nzapa ayeke hunda na azo ti fadeso ti kiri tënë na lo na ndö ti kuâ ti awayanga-Nzapa so!

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

Ahebro 11:2

Ndali ti mabe ti akotara ti e, Nzapa atene nzoni tënë ti ala.

Ahebro 12:1

So gba ti azo so asara ando ye na lege ti mabe ti ala ayeke ngoro e, ayeke nzoni e nga, e zi na ndö ti e akungba so kue ayeke sara si e tambula gbaa so, e zia nga lege ti siokpari so ayeke gbu e hio hio na ya ti gbanda ti lo. E kpe loro ti mandako so e yeke na ya ni so ngangu, e zia lege ni pepe.

Ahebro 12:24

Ala ga nduru na Jésus awe, lo so lo leke tënë ti fini *mbuki; ala ga nduru awe na mene ti Jésus so atuku ndali ti azo si ayeke tene nzoni tënë ahon mene ti Abel.

Ahebro 5:1

A yeke soro kota wayango-sandaga na popo ti azo si a yeke zia lo titene lo sara kua ti Nzapa ndali ti azo, ti leke tënë na popo ti azo na Nzapa. Kua ti kota wayango-sandaga ayeke ti ya aye so azo aga na ni na Nzapa, ti ya nga *sandaga na Nzapa ndali ti asiokpari ti azo.

Ahebro 9:22

Na lege ti ye so ndia afa, aye so a lingbi ti sukula asioni ni na mene pepe ayeke mingi pepe. Tongana mene atuku pepe, a lingbi ti zi siokpari na li ti azo pepe.

2 Pierre 2:8

Biani, koli ti mbirimbiri so asara kodro na popo ti azo ni. Lakue lo yeke ma ala si lo yeke baa aye so ala yeke sara. Lakue lakue, aye ti sioni so azo ni ayeke sara, tënë ni ayeke te ya ti be ti zo ti mbirimbiri so;

Jude 1:11

Mawa na azo ni so! Ala mu peko ti Kain. Ndali ti nginza, ala girisa lege tongana Balaam; ala kui, ngbanga ti so ala sara ngangu li tongana azo ti Kore.