Ahebro 11:36 - Mbeti ti Nzapa - Tënë so amu fini

³⁶ A zonga ambeni, a pika ala na fimbo, a kanga ala na zingiri si a bi ala na da ti kanga.

Ahebro 11:36 ပူးပေါင်းရင်းမြစ်များ

Tongo nda ti aye 39:20

Lo mu yanga titene a gbu Joseph, a bi lo na da ti kanga, na ndo so a yeke bi ka azo ti kanga ti gbia daa so. Joseph aduti na da ti kanga ni.

1 Agbia 22:24

Tongaso Sidekia, molenge ti Kenaana aga nduru na tere ti Mishe, lo pika ngbangba ti Mishe si lo tene: “Yingo ti KOTA GBIA asigigi na ya ti mbi tongana nyen ti gue ti tene tënë na mo so?”

1 Agbia 22:27

Mo tene na ala, mo tene: Tënë so gbia atene ayeke so: ‘Ala bi ye so na da ti kanga! Ala mu na lo gi kete fuku ti mapa na kete kete ngu ngbii asi na lango so mbi yeke kiri na kodro na nzoni tere si.’ ”

2 Agbia 2:23

Élisée alondo na Jéricho ti gue na Betel. So lo ngba na lege ti guengo ni, ambeni maseka-koli alondo na ya ti gbata ni asigigi si ala yeke he lo, atene: “Li-mbombo, mo gue ma! Li-mbombo, mo gue ma!”

2 Mbai 16:10

Asa asara ngonzo na tere ti zo ti bango nda ti aye si lo mu yanga titene a bi lo na da ti kanga, ngbanga ti so be ti Asa aso na tere ti lo ndali ti tënë so lo tene. Gi na ndembe ni so, Asa ato nda ti nika ambeni zo ti kodro.

2 Mbai 18:26

Ala tene na amakonzi ni, atene: Tënë so gbia atene ayeke so: ‘Ala bi ye so na da ti kanga! Ala mu na lo gi kete fuku ti mapa na kete kete ngu ngbii asi na lango so mbi yeke kiri na kodro na nzoni tere si.’ ”

2 Mbai 30:10

Awatokua ni atambula na ya ti agbata oko na oko ti sese ti Efraim na ti Manase, ngbii ala si na sese ti Zabulon. Me azo ayeke he ala na ngia si ayeke dekongo na li ti ala.

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Jérémie 20:2

Tongaso, lo pika mê ti wayanga-Nzapa Jérémie si lo mu yanga titene a kanga lo na ya ti olongbo so ayeke na yanga ti kota da ti Nzapa, ti mbage ti nduzu so iri ni ti Benjamin, ndo so azo ayeke hon daa ti li na ya ti kota da ti KOTA GBIA.

Jérémie 20:7

*KOTA GBIA, mo handa mbi si mbi ti na ya ti handa ni. Mo gbu mbi na ngangu, mo hon ndö ti mbi awe. Lakue mbi ga buba na le ti azo; azo kue ayeke he mbi.

Jérémie 29:26

“KOTA GBIA amu mo ti ga wayango-sandaga na peko ti Yoyada awe. Alingbi mo baa ndo na ndö ti azo ti gbogbolinda so atene, ala yeke awayanga-Nzapa si ala yeke sara kua na ya ti kota da ti Nzapa so. Alingbi mo kanga ala na ya ti olongbo, mo zia zingiri na go ti ala.

Jérémie 32:8

“Tongana ti so KOTA GBIA atene lani na mbi, ita ti mbi Hanameel, molenge ti ita ti babâ ti mbi aga si awara mbi na ya ti gbagba ti aturugu ti batango gbia; lo tene na mbi: ‘Vo yaka ti mbi so ayeke na Anatot, na sese ti Benjamin. Biani, tënë ti vongo yaka ni titene aga ti mo abaa mo kozoni.’ “Tongaso mbi hinga, mbi tene, KOTA GBIA laa atene tënë na mbi so.

Jérémie 36:6

Me ti mo, mo yeke gue ande kâ na mbeni lango ti kengo kobe. Fade mo yeke diko na mê ti azo so kue ayeke na ya ti kota da ti Nzapa, atënë ti KOTA GBIA so asigigi na yanga ti mbi si mo su na le ti rulo so. Mo yeke diko nga ni na mê ti azo ti Juda so kue alondo na ya ti agbata ti Juda si aga.

Jérémie 38:28

Jérémie angba na ya ti gbagba ti aturugu ti batango gbia ngbii asi na lango so a mu Jérusalem. Baa, ye so asi na ndembe so a mu Jérusalem laa:

Jérémie 39:15

Na ndembe so Jérémie angba na kanga na ya ti gbagba ti aturugu ti batango gbia, tënë ti *KOTA GBIA asi na lo, atene:

Daniel 11:33

Azo so le ti ala ahan na popo ti azo ti kodro ayeke sara si ambeni zo mingi ahinga ye. Me na ya ti mbeni ngoi, a yeke fâ ambeni, a yeke gbi ambeni na wâ; ti ambeni, a yeke nzi aye ti ala kue si a yeke gbu ala na ya ti bira.

Matthieu 20:19

ala yeke zia lo na maboko ti azo ti mbeni mara nde titene ala he lo, ala pika lo na fimbo si ala fâ lo na ndö ti keke ti kroa. Na lango ota ni, fade lo yeke zingo na kuâ.”

Matthieu 21:35

Me azo ti fango yaka ni agbu azo ti kua ti lo ni, ala pika mbeni oko, ala fâ mbeni si ala bo mbeni na têne.

Matthieu 23:34

Ndani laa, mbi yeke tokua na ala awayanga-Nzapa, azo ti ndara na awafango-ndia. Ala, afarizien na awafango-ndia, ala yeke fâ ande ambeni si ala yeke fâ ambeni na ndö ti keke ti kroa. Ala yeke pika ambeni na fimbo na ya ti ada ti sambelango Nzapa ti ala si ala yeke tumba peko ti ala na ya ti agbata oko oko kue.

Matthieu 27:26

Tongaso, Pilate azi Barabas na ala si lo mu yanga titene a pika Jésus na fimbo. Na pekoni, lo mu lo na ala titene a fâ lo na ndö ti keke ti kroa.

Marc 10:34

Ala yeke he lo, ala yeke tuku ngu ti yanga ti ala na tere ti lo, ala yeke pika lo na fimbo si ala yeke fâ lo. Lango ota na pekoni, fade lo yeke zingo na kuâ.”

Nzoni Tënë so Luc asu na mbeti 18:32

Biani, fade a yeke zia lo na maboko ti azo ti mara nde, ala yeke he lo na ngia, ala yeke zonga lo, ala yeke tuku ngu ti yanga ti ala na tere ti lo.

Nzoni Tënë so Luc asu na mbeti 23:11

Herode na aturugu ti lo ahe Jésus na ngia si ala sara lo tongana buba zo. Ala yu na lo mbeni bongo so aza zango si ala kiri atokua lo na Pilate.

Nzoni Tënë so Luc asu na mbeti 23:36

Aturugu nga ayeke he lo; ala ga nduru, ala mu na lo kpingo vin si ala tene:

Awatokua 21:33

Tongaso kota komanda ti aturugu ni ague nduru na tere ti Paul, lo mu yanga titene ala gbu lo, akanga lo na zingiri use. Na pekoni, lo hunda azo ni, lo tene: “Lo yeke zo wa? Nyen laa lo sara?”

Awatokua 24:27

Na peko ti ngu use, Porsius Festus amu mbata ti govoronere na peko ti Félix. So Félix aye ti ga nzoni na le ti azuife, lo zia Paul angba na da ti kanga.

Awatokua 4:3

Azo ni agbu ala, azia ala na da ti kanga ti ku na ndaperere, ngbanga ti so lâ akui awe.

Awatokua 5:18

Ala gbu awatokua ni si abi ala na da ti kanga.

Awatokua 5:40

Ala iri awatokua ni, apika ala na fimbo si amu yanga na ala ti kiri ti tene tënë na iri ti Jésus pepe. Na pekoni, ala zi awatokua ni.

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

Efeze 3:1

Ndani laa mbi Paul, mbi yeke sambela Nzapa ngbanga ti ala. Mbi yeke na da ti kanga ndali ti Jésus Christ ngbanga ti ala, azo ti amara nde.

Efeze 4:1

Tongaso, mbi so mbi yeke na da ti kanga ndali ti kua ti *Kota Gbia, mbi hunda na ala mingi titene sarango ye ti ala alingbi na iringo so lani Nzapa airi ala.

2 Timothée 1:16

Ayeke nzoni *Kota Gbia asara nzoni be ti lo na azo ti sewa ti Onezifore, ngbanga ti so fani mingi, lo mu ngangu na be ti mbi. Kamene ti so mbi yeke na da ti kanga asara lo pepe;

2 Timothée 2:9

Ndali ti Nzoni Tënë ni, a kanga mbi na zingiri si mbi yeke baa pasi tongana sioni zo. Me a kanga tënë ti Nzapa pepe.

Ahebro 10:34

Biani, ala kangbi mawa ti azo so abaa pasi na da ti kanga, ala yeda na nzoni be titene azo amu aye ti ala na ngangu. Ala sara tongaso, ngbanga ti so ala hinga atene, ala yeke na mosoro so ayeke nzoni ahon ndoni si ayeke ngba lakue lakue.

Aye so Nzapa afa 2:10

Mo yeke baa ande pasi, me ayeke nzoni mbeto ti pasi ni asara mo pepe. Baa, fade Zabolo ayeke bi ambeni zo na popo ti ala na da ti kanga, ti tara be ti ala, azo ti Nzapa; na ya ti lango baleoko kue, a yeke sara ngangu na ala. Ayeke nzoni mo bata tënë ti mbi ngbii asi na kuâ, fade mbi yeke mu na mo nzoni ye so a yeke mu na zo so aso benda, so ti tene fini so angba lakue lakue.

Awafango-ngbanga 16:25

Ndali ti so be ti ala asi singo na kota ngia, ala tene: “Ala ga na Samson ge titene lo sara ye ti ngia, e baa!” A gue, asigigi na Samson na da ti kanga si lo sara ye ti ngia na le ti ala. A zia lo na popo ti angbongboro yongoro gere ti da ti nzapa ti ala.