Ahebro 11:34 - Mbeti ti Nzapa - Tënë so amu fini

³⁴ ala mingo angangu wâ, ala kpe na maboko ti azo so aye ti fâ ala na yongoro zeme, ala kiri awara ngangu na peko ti kobela so asara ala; ala ga akpengba zo ti sarango bira, ala tumba aturugu ti akodro wande.

Ahebro 11:34 ပူးပေါင်းရင်းမြစ်များ

1 Agbia 19:1

Akab afa na wali ti lo Yezabel peko ti aye so kue Élie asara; lo fa nga na Yezabel lege so Élie afâ na awayanga ti nzapa *Baal kue.

1 Agbia 19:3

Mbeto agbu Élie si lo kpe, lo gue na mbeni ndo titene lo soo fini ti lo. Lo si na Bersheba, na sese ti Juda si lo zia zo ti kua ti lo kâ.

2 Agbia 6:1

Mbeni lâ, azo ti ya ti bongbi ti awayanga-Nzapa atene na Élisée: “Ndo so e yeke duti daa na tere ti mo so ayeke kete mingi; ndo ni alingbi na e pepe.

2 Agbia 6:32

Andaa Élisée aduti na ya ti da ti lo; *akangba aduti na tere ti lo. Gbia atokua mbeni zo ti kua ti lo oko na Élisée. Me kozoni si watokua ni asi, Élisée atene na akangba ni, atene: “Ala baa awe! Zo ti fango azo so atokua mbeni zo titene lo fâ go ti mbi. Ala sara hange! Tongana watokua ni asi, fade ala kanga yanga ti da ni, ala zia lo, lo li pepe. Baa, wa ti lo amu peko ti lo si ayeke ga; lo laa e ma toto ti gere ti lo so!”

Mbeti ti Job 42:10

Na ngoi so Job ayeke sambela ndali ti amba ti lo, KOTA GBIA akiri na Job na kozo ndo ti lo. Aye so kue lo yeke na ni kozo, KOTA GBIA akiri amu na lo fani use.

Mbeti ti Job 5:20

Na ngoi ti nzara, lo yeke soo mo na kuâ; na ngoi ti bira, lo yeke zi mo na yanga ti yongoro zeme.

Abia (Psaumes) 124:7

E sigigi na ya ti gbanda ti azo ni tongana ndeke so asigigi na ya ti gbanda so agbu lo. Ya ti gbanda ni asuru si e kpe, e hon.

Abia (Psaumes) 144:10

Mo laa mo sara si agbia aso benda; mo laa mo zi David, zo ti kua ti mo, na yanga ti sioni yongoro zeme.

Abia (Psaumes) 6:8

Le ti mbi akanga ndali ti ye ti vundu; le ti mbi abaa ndo tuuu ndali ti gba ti awato ti mbi.

Abia (Psaumes) 66:12

Mo yeda si azo ti kpengo na mbarata atambula na ndö ti li ti e. E hon na ya ti wâ, e hon na ya ti ngu, me mo zi e na ya ni ti mu na e kodro so gba ti aye asi singo daa.

Sigingo 18:4

Iri ti mbeni ayeke Eliezer, so ti tene “Nzapa amu maboko na mbi”. Biani, Moïse atene lani, atene: “Nzapa ti babâ ti mbi amu maboko na mbi; lo zi mbi na yanga ti yongoro zeme ti Faraon.”

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Jérémie 26:24

Me ti Jérémie, Ahikam, molenge ti Shafan abata lo; lo sara si Jérémie ati pepe na maboko ti azo so aye fade gi kuâ ti lo so.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

1 Pierre 4:12

A-ita ti mbi so mbi ye ala mingi, li ti ala akpe pepe na wâ ti pasi so ala yeke na ya ni so! Ala baa ni tongana mbeni fini ye pepe.

Awafango-ngbanga 15:8

Lo tiri bira na ala si lo fâ ala sioni sioni. Na pekoni, lo gue, lo duti na ya ti du ti têne ti Etam.

1 Samuel 18:11

Saul ayo likongo ni na nduzu si lo tene na be ti lo, lo tene: “Fade mbi yeke kpo David, mbi pete lo na tere ti dere ti da.” Me fani use, David akpe na le ti likongo ni.

1 Samuel 19:10

Saul abi likongo ti kpo na David, ti pete lo na tere ti dere ti da. Me David adingi tere ti lo si likongo ni akpo dere ti da. David akpe na bi ni so, lo hon.

1 Samuel 20:1

David alondo na kodro ti Nayot so ayeke nduru na Rama, lo kpe, lo hon. Lo gue, lo wara Jonatan si lo tene na lo: “Nyen laa mbi sara na babâ ti mo, nyen? Sioni ti nyen wala siokpari ti nyen laa mbi sara na lo si lo yeke gi lege ti fâ mbi so?”