Ahebro 11:23 - Mbeti ti Nzapa - Tënë so amu fini

²³ Na lege ti mabe, babâ na mama ti Moïse ahonde lo nze ota na peko ti so ala du lo. Ala baa so, lo yeke pendere mingi, ala ke mbela ti gbia; mbeto asara ala pepe.

Ahebro 11:23 ပူးပေါင်းရင်းမြစ်များ

Abia (Psaumes) 118:6

KOTA GBIA ayeke na mbage ti mbi, mbeto ayeke sara mbi pepe. Nyen laa zo alingbi ti sara na mbi, nyen?

Abia (Psaumes) 56:4

Na lango so mbeto asara mbi, mbi yeke zia be ti mbi na ndö ti mo.

Sigingo 1:16

“Tongana ala yeke mu molenge na tere ti awali ti ahebro, ala baa molenge so wali ni ayeke du lo so nzoni: tongana molenge ni ayeke koli, ala fâ lo, tongana ayeke wali, ala zia lo, lo ngba na fini.”

Sigingo 1:22

Tongaso Faraon amu yanga na azo ti lo kue, atene: “Amolenge-koli so kue ahebro adu ala, ala bi ala na ya ti *bale ti Nil! Me ala zia amolenge-wali angba na fini.”

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 41:14

“Jacob, sara mbeto pepe, mo so mo yeke tongana ngusu, Israel, mo so mo yeke tongana makongo. Mbi yeke ga ti mu na mo maboko, so tënë ti yanga ti *KOTA GBIA laa. Mbi laa mbi yeke zi mo, mbi Nzapa ti Israel so mbi yeke nde si mbi yeke nzoni kue.

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Ésaïe 51:7

Ala so ahinga ye so ayeke mbirimbiri, ala so ndia ti mbi ayeke na be ti ala, ala ma mbi! Tongana azo ahe ala, ala sara mbeto ni pepe, be ti ala ado ndali ti zonga ti ala pepe.

Daniel 6:10

Tongaso, gbia Darius asu maboko ti lo na gbe ti kota mbela ni.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Awatokua 7:20

Na ngoi so laa a du Moïse, lo yeke pendere na le ti Nzapa. A bata lo na ya ti da nze ota.

Ahebro 13:6

Ndani laa e lingbi ti tene na mbeto pepe, e tene: “*Kota Gbia laa ayeke mu na mbi maboko, fade mbeto ayeke sara mbi pepe. Nyen laa zo alingbi ti sara na mbi, nyen?”