Ahebro 11:21 - Mbeti ti Nzapa - Tënë so amu fini

²¹ Na lege ti mabe, Jacob asara tufa na ndö ti amolenge ti Joseph ti koli na ndembe so lo ga nduru ti kui. Na pekoni, Jacob akpo li ti lo na ndö ti keke so lo yeke tambula ka na ni si lo voro Nzapa.

Ahebro 11:21 ပူးပေါင်းရင်းမြစ်များ

Tongo nda ti aye 47:31

Jacob atene na lo: “Deba yanga ti mo na mbi si.” Joseph adeba yanga ti lo. Tongaso Jacob akuku na mbage ti li ti gbogbo ti lo.

Tongo nda ti aye 48:1

Na peko ti aye so, azo atene na Joseph: “Baa, babâ ti mo ayeke na kobela.” Tongaso Joseph amu amolenge ti lo ti koli Manase na Efraim na tere ti lo si lo gue ti baa babâ ti lo.

1 Agbia 1:47

Azo ti yangbo ti gbia aga ti gonda gbia ti e David, ala tene: ‘Ayeke nzoni Nzapa ti mo amu iri ti Salomon na nduzu ahon ti mo! Ayeke nzoni lo sara titene azo agonda lengo-gbia ti lo ahon ti mo!’ Na pekoni, gbia akuku akpo li ti lo na ndö ti gbogbo ti lo