Ahebro 11:19 - Mbeti ti Nzapa - Tënë so amu fini

¹⁹ Abraham atene na be ti lo, atene: ataa zo akui awe, Nzapa ayeke na ngangu ti zingo lo na kuâ. Biani, Abraham akiri awara molenge ti lo, mo baa mo tene, molenge ni alondo na ndo ti akuâ si akiri na fini.

Ahebro 11:19 ပူးပေါင်းရင်းမြစ်များ

Tongo nda ti aye 22:13

Abraham ayo le ti lo na nduzu si lo baa mbeni koli-taba na peko ti lo; akete keke agbu koli-taba ni na didi ti lo. Lo gue, lo mu koli-taba ni si lo mu lo na sandaga so a yeke gbi ni kue na wâ na plase ti molenge ti lo.

Matthieu 12:36

Mbi tene na ala: na lango ti fango ngbanga, fade azo ayeke kiri tënë na ndö ti asenge senge tënë so kue ala tene ando.

Matthieu 9:28

So Jésus ali na ya ti da awe, awaziba so aga nduru na tere ti lo; lo hunda ala, lo tene: “Ala ma na be biani so mbi lingbi ti sara ye so?” Ala kiri tënë na lo: “*Kota Gbia, mo lingbi ti sara ni.”

Rome 5:14

Andaa, ti londo na Adam ngbii asi na Moïse, kuâ ayeke na ngangu na ndö ti azo kue, ataa siokpari so ala sara ayeke legeoko na siokpari ti Adam pepe. Adam ayeke limo ti zo so ayeke ga ande.

Efeze 3:20

Nzapa alingbi ti sara na e ye ahon ye so kue e yeke hunda na lo wala ye so kue e yeke gbu li ti e daa! Lo yeke sara ni na lege ti ngangu ti lo wani so ayeke na ya ti e.

Ahebro 9:24

Da ti Nzapa so azo aleke ni lani na maboko ti ala so, ayeke gi limo ti taa ndo ti nzoni kue. Da so azo aleke ni, ni laa Christ ali lani na ya ni pepe, me lo li na yayu si lo luti na le ti Nzapa ndali ti nzoni ti e.

Ahebro 9:9

Aye so kue ayeke fa na e ye na ndö ti ngoi so e yeke daa so: aye ni afa na e atene, aye so azo ayeke mu na Nzapa, wala asandaga ti anyama so ala yeke mu na lo, alingbi ti sara si be ti azo aga nzoni kue pepe, so ti tene be ti azo so ayeke voro Nzapa.