Ahebro 11:17 - Mbeti ti Nzapa - Tënë so amu fini

¹⁷ Na lege ti mabe, Abraham amu Isaac na *sandaga na Nzapa na ndembe so Nzapa atara be ti lo. Lo mu oko molenge ti lo na sandaga na Nzapa, ataa so Nzapa amu zendo na lo,

Ahebro 11:17 ပူးပေါင်းရင်းမြစ်များ

Tongo nda ti aye 22:16

lo tene na lo: “So tënë ti yanga ti KOTA GBIA laa: Ndali ti so mo sara tongaso si mo gbanzi oko molenge ti mo na mbi pepe, mbi deba na iri ti mbi wani,

2 Mbai 32:31

Me tongana amakonzi ti Babilone atokua azo na Ezekias titene ala hunda tënë ti ye ti dongo be so asi na ya ti kodro ti lo, Nzapa ado Ezekias azia lo ti tara be ti lo, tongaso si lo hinga ye so kue ayeke na be ti Ezekias.

Amato 17:3

A yeke tara lôro nga na wen ti nginza na ya ti wâ; me KOTA GBIA laa ayeke tara be ti zo.

Daniel 11:35

Fade azo mingi na popo ti azo so le ti ala ahan ayeke kui. Kuâ ti ala ayeke sara si a *sukula sioni ti azo ti kodro, ala ga nzoni si ala vuru nzoni ti ku na lango ti ndani. Lango ti ndani ayeke si gi na ngoi so a diko awe.

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.

Ndia ti fani use ni 8:2

Ayeke nzoni ala dabe ti ala na yongoro lege so KOTA GBIA Nzapa ti ala asara si ala tambula daa na ya ti ngu baleosio na ya ti benyama so. Lo sara tongaso titene aye ti ngangu asi na ala, tongaso si lo lingbi ti tara be ti ala ti hinga ye so ayeke na ya ti be ti ala; lo lingbi ti baa, wala ala ye ti sara ye alingbi na atënë ti ndia ti lo, wala ala ye pepe.

Ahebro 11:13

Azo so kue angba na lege ti mabe si ala kui. Aye so Nzapa amu zendo ni, ala wara ni pepe, me ala ngba yongoro, ala baa ni bango si ala bara ni. Ala hinga biani atene, ala yeke awande, azo ti lege senge na ndö ti sese so.

Ahebro 7:6

Melkisedeke ayeke zo ti mara ti Lévi pepe, me Abraham amu na lo dime ti aye so lo wara. Na ndoni, Melkisedeke asara tufa na ndö ti Abraham, lo so Nzapa amu zendo na lo so.

Jacques 5:11

Ala baa, azo so akanga be ti ala na ya ti aye ti pasi so, e tene: ti ala nzoni! Ala ma tënë ti kangango be ti Job awe, ala baa ye so Kota Gbia amu na lo na pekoni, ngbanga ti so Kota Gbia ayeke na nzoni be mingi si lo yeke baa mawa ti azo.

1 Pierre 4:12

A-ita ti mbi so mbi ye ala mingi, li ti ala akpe pepe na wâ ti pasi so ala yeke na ya ni so! Ala baa ni tongana mbeni fini ye pepe.

Aye so Nzapa afa 3:10

Mo bata tënë ti mbi, mo zia lege ni oko pepe. Ndani laa mbi nga, mbi yeke bata mo na ngoi ti aye ti tarango be so ayeke si ande na azo ti sese kue.