Ahebro 11:13 - Mbeti ti Nzapa - Tënë so amu fini

¹³ Azo so kue angba na lege ti mabe si ala kui. Aye so Nzapa amu zendo ni, ala wara ni pepe, me ala ngba yongoro, ala baa ni bango si ala bara ni. Ala hinga biani atene, ala yeke awande, azo ti lege senge na ndö ti sese so.

Ahebro 11:13 ပူးပေါင်းရင်းမြစ်များ

Tongo nda ti aye 21:34

Abraham alango aninga na sese ti azo ti Filistii.

Tongo nda ti aye 23:4

“Mbi yeke wande so aduti na popo ti ala, mbi yeke wande so aga ndali ti mbeni kete ngoi. Ayeke nzoni ala mu na mbi mbeni sese ti ala titene mbi lu kuâ ti wali ti mbi daa, wali ti mbi so ahon na tere ti mbi so.”

Tongo nda ti aye 25:8

Na pekoni, lango ti Abraham ahunzi. Lo te gigi alingbi na lo; lo ga mbakoro, lo duti nzoni na ya ti mbakoro ti lo ni. Lo kui si lo gue na peko ti akotara ti lo.

Tongo nda ti aye 47:9

Jacob akiri tënë, atene: “Ngu so kue mbi sara na tambulango ti mbi na dunia so ayeke ngbangbo oko na baleota. Ngu ni ayeke mingi pepe, me aye ti sioni asi singo daa. Ngu ti mbi ni alingbi na ngu so akotara ti mbi asara na tambulango ti ala na dunia so pepe.”

Tongo nda ti aye 48:21

Na pekoni, Jacob atene na Joseph: “Baa, mbi ga nduru ti kui awe. Me fade Nzapa ayeke na ala si lo yeke kiri na ala na sese ti akotara ti ala.

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Tongo nda ti aye 49:18

*KOTA GBIA, mbi yeke ku songo so mo yeke soo azo na kuâ.

Tongo nda ti aye 49:28

Mara baleoko na use ti azo ti Israel kue laa. Tënë so babâ ti ala atene ti sara tufa na ndö ti ala laa. Lo sara tufa na ndö ti ala si tufa ti zo oko oko ayeke nde na ti mba ti lo.

Tongo nda ti aye 49:33

So Jacob ahunzi ti mu yanga na amolenge ti lo ti koli awe, lo bongbi agere ti lo daa na ndö ti gbogbo, lo kui si lo gue na peko ti akotara ti lo so akui so.

Tongo nda ti aye 50:24

Joseph atene na a-ita ti lo: “Mbi ga nduru ti kui awe. Me fade Nzapa ayeke ga ti mu maboko na ala, ti mu ala ti sigigi na ala na ya ti kodro so ti gue na ala na sese so lo deba yanga ti lo ti mu na Abraham, Isaac na Jacob.”

Mbeti ti Job 19:25

Ti mbi, mbi hinga so zo ti zingo mbi ayeke na fini; na ndani, lo yeke luti na ndö ti sese.

Abia (Psaumes) 119:19

Mbi yeke wande na sese so, honde atënë ti ndia ti mo na mbi pepe.

Abia (Psaumes) 39:12

Tongana mo ye ti kiri zo na nzoni lege, mo yeke pika lo ndali ti sioni ti lo. Mo yeke buba ye so lo ye mingi tongana ti so ngusu ayeke buba ye. Biani, zo ayeke gi pupu senge! Luti kete

Sigingo 2:22

Sefora adu molenge-koli si Moïse adi iri ti lo Gershom, so ti tene ‘Gene na ndo so’. Biani, Moïse atene lani, atene: “Mbi yeke gene na sese ti awande.”

Awayango-sandaga 25:23

“Fade zo ayeke ka sese biani biani pepe, ngbanga ti so sese ayeke ti mbi KOTA GBIA. Ti ala, fade ala yeke duti tongana awande wala agene na kodro ti mbi.

Wungo ti azo 10:30

Hobab akiri tënë na lo: “Mbi yeke gue pepe; mbi yeke kiri na kodro ti mbi, na ya ti sewa ti mbi.”

Wungo ti azo 24:17

Mbi baa ye so ayeke si gbanda, ye ni ayeke si fadeso pepe. Mbi baa mbeni ye so ayeke si ande, ye ni ayeke si fafadeso pepe. Mbeni tongoro ayeke sigigi na popo ti *ahale ti Jacob, mbeni gbia ayeke baa gigi na popo ti azo ti Israel. Lo yeke pika azo ti mara ti Moab na keke ti lo ti gbia, lo yeke pika abio ti li ti azo ti mara ti Set.

Matthieu 13:17

Mbi tene na ala taa-tënë: awayanga-Nzapa mingi na azo mingi ti Nzapa aye ando ti baa ye so ala, azo ti mbi, ayeke baa ni laso so, me ala baa ni pepe; ala ye ando ti ma atënë so ala yeke ma ni laso so, me ala ma ni pepe.”

Jean 12:41

Ésaïe atene ando tënë so, ngbanga ti so lo baa gonda ti Jésus si lo tene tënë ti lo.

Jean 8:56

Abraham, babâ ti ala, awara ngia ando mingi, ngbanga ti so lo ku ti baa lango ti gango ti mbi. Lo baa ni si be ti lo asi na ngia.”

Rome 4:21

Lo hinga biani na be ti lo so Nzapa ayeke na ngangu ti sara ye alingbi na zendo ti lo.

Rome 8:24

Andaa Nzapa asoo e na kuâ awe gi na lege so e zia be ti e ti ku ye so lo mu na e. Me ye so zo azia be ti lo ti ku ni, tongana lo baa ni awe, lo lingbi ti kiri ti zia be ti lo ti ku ni pepe. Tongana zo abaa ye awe, fade lo yeke kiri ti zia be ti lo ti ku ni?

2 Korente 4:18

Ye so le ti zo ayeke baa, ni laa e yeke gi pepe, me e yeke gi ye so le ti zo ayeke baa ni pepe. Ye so le ti zo ayeke baa ayeke gi ndali ti kete ngoi, me ye so le ti zo ayeke baa pepe, ni laa ayeke ngba lakue lakue.

2 Korente 5:6

Tongaso be ti e awoko laoko pepe. E hinga, e tene, na ngoi so kue e ngba na ya ti tere so, e yeke duti yongoro na *Kota Gbia.

Efeze 2:19

Tongaso, ala azo ti amara nde, ala yeke awande mbeni pepe, wala azo so aga gango pepe. Me fadeso, ala na azo ti Nzapa ayeke amolenge ti kodro oko, ala yeke azo ti sewa ti Nzapa.

Ahebro 11:14

Azo so ayeke tene tënë tongaso, ala ye ti fa na le ti azo polele so, ala yeke gi mbeni kodro titene aga ti ala.

Ahebro 11:17

Na lege ti mabe, Abraham amu Isaac na *sandaga na Nzapa na ndembe so Nzapa atara be ti lo. Lo mu oko molenge ti lo na sandaga na Nzapa, ataa so Nzapa amu zendo na lo,

Ahebro 11:27

Na lege ti mabe, Moïse alondo na kodro ti Ezipte ti hon; mbeto ti ngonzo ti gbia asara lo pepe. Lo ka yingo, mo baa mo tene, Nzapa so zo ayeke baa lo pepe so, lo yeke baa lo.

Ahebro 11:39

Nzapa atene nzoni tënë ti ala kue ndali ti mabe ti ala; me anzoni ye so Nzapa amu zendo ni, ala wara ni pepe.

1 Pierre 1:1

Mbi Pierre, *watokua ti Jésus Christ, mbi tokua mbeti so na azo so Nzapa asoro ala, ala so akpe kodro ti ala, ague, aduti na ya ti akodro nde nde na sese ti Pon, ti Galasii, ti Kapadose, ti Azii na ti Bitinii.

1 Pierre 1:17

Nzapa ayeke fâ ngbanga na li ti zo alingbi na ye so lo sara, lo yeke mu mbage ti mbeni zo pepe. Tongaso, a-ita, tongana ala yeke sambela si ala iri Nzapa atene “Babâ”, ala duti na mbeto ti lo na ngoi so ala yeke na dunia so.

1 Pierre 2:11

A-ita ti mbi so mbi ye ala mingi, ala yeke tongana agene, tongana awande na ndö ti sese so. Ndani laa mbi hunda na ala titene ala ke asioni nzara ti be so ayeke sara bira na ala.

1 Jean 3:19

Lege so e yeke hinga, e tene, e yeke azo ti taa-tënë laa; lege so be ti e ade na gbe ti Nzapa laa.