Ahebro 11:10 - Mbeti ti Nzapa - Tënë so amu fini

¹⁰ Abraham asara tongaso, ngbanga ti so lo yeke ku gbata so agere ni ayeke tongana agere ti da so akpengba. Nzapa wani laa ayeke wakode-kua ti gbata ni, lo laa lo leke ni.

Ahebro 11:10 ပူးပေါင်းရင်းမြစ်များ

Ésaïe 14:32

Azo so azo ti Filistii atokua ala so, tënë ti nyen laa a yeke kiri na ni na ala? Tënë ni ayeke so: *KOTA GBIA wani laa alu gere ti *Sion. Na ndo so laa asenge zo ti lo ayeke duti daa, mbeni ye ti sioni ti sara ala ayeke daa pepe.

Jean 14:2

Ndo ti duti ayeke mingi na ya ti da ti Babâ ti mbi. Ndani laa, mbi tene na ala kozoni, mbi tene: ‘Mbi yeke gue ti leke ndo na ala.’ Tongana ye ni ayeke tongaso pepe, ka mbi tene na ala kozoni pepe.

2 Korente 5:1

Biani, na ndö ti sese so, tere ti e ti zo akpa da ti bongo so ayeke buba mbeni lâ; me e hinga, e tene, na yayu, e yeke na da so ayeke ngba lakue lakue. Nzapa laa asara ni, maboko ti zo laa asara ni pepe.

Filipe 3:20

Ti e, kodro ti e ayeke na yayu. E yeke ku titene *Kota Gbia ti e Jésus Christ, lo so lo yeke Wasongo e alondo na yayu, aga.

Ahebro 11:16

Me kodro so nzara ni ayeke sara ala so ayeke kodro so ayeke nzoni ahon atanga ni kue, so ti tene kodro ti yayu. Ndani laa kamene asara Nzapa pepe titene ala iri lo Nzapa ti ala. Biani, lo leke mbeni gbata ndali ti ala.

Ahebro 12:22

Me ti ala a-ita, ala ga nduru na hoto ti *Sion awe, gbata ti Nzapa, lo so lo yeke na fini. Gbata ni ayeke Jérusalem ti yayu so *a-ange kutu kutu abongbi tere ti ala daa ti sara matanga.

Ahebro 12:28

Ndali ti so e wara lege ti li na *Kodro-gbia ti Nzapa, kodro so ayeke yingi pepe, ayeke nzoni e mu singila na lo na lege ti sarango kua so anzere na be ti lo, e ma yanga ti lo si e kpe mbeto ti lo.

Ahebro 13:14

Biani, ge na ndö ti sese so, mbeni kodro so ayeke ngba lakue lakue titene e duti daa ayeke pepe, me e yeke gi lege ti kodro so e yeke duti daa gbanda.

Ahebro 3:4

Da kue, zo laa asara ni, me lo so asara ye kue ayeke Nzapa.

Aye so Nzapa afa 21:2

Mbi baa gbata so ayeke nde si ayeke nzoni kue, fini Jérusalem, so alondo na yayu na tere ti Nzapa si ayeke zu ti ga. Gbata ni aleke tere ti lo tongana mbeni wali so aye ti mu koli na fini ni si ayu aye ti pendere ti yamba na koli ti lo.