Ahebro 10:36 - Mbeti ti Nzapa - Tënë so amu fini

³⁶ Alingbi ala kanga be ti ala tongana ala ye ti sara ye so be ti Nzapa aye, ti wara ye so Nzapa amu zendo ni.

Ahebro 10:36 ပူးပေါင်းရင်းမြစ်များ

Abia (Psaumes) 37:7

Duti kpoo na tere ti KOTA GBIA, mo zia be ti mo ti ku lo. Zo so ayeke sara ye na lege ti mayere si ye ti lo aga nzoni, mo sara ngonzo na tere ti lo pepe.

Abia (Psaumes) 40:1

Bia ti David; bia so ayeke ndali ti makonzi-bia.

Matthieu 10:22

Fade azo kue ayeke ke ala ndali ti mbi. Me zo so ayeke gbu ngangu ngbii asi na ndani, fade lo yeke soo kuâ.

Matthieu 12:50

Zo so asara ye so be ti Babâ ti mbi so ayeke na yayu aye, andaa lo yeke ita ti mbi ti koli, wala ita ti mbi ti wali, wala mama ti mbi.”

Matthieu 21:31

Jésus ahunda ala: “Zo wa na popo ti amolenge use so si asara ye so babâ ti lo aye?” Ala kiri tënë na lo: “Ayeke kozo molenge ni.” Jésus atene na ala: “Mbi tene na ala taa-tënë: azo ti rongo nginza ti lapo na awali-ndumba ayeke si ande kozo na ala na ya ti *Kodro-gbia ti Nzapa.

Matthieu 24:13

Me zo so ayeke gbu ngangu ngbii asi na ndani, fade lo yeke soo kuâ.

Matthieu 7:21

“Azo so kue ayeke iri mbi, atene: ‘*Kota Gbia, Kota Gbia’, ala kue laa ayeke li ande na ya ti *Kodro-gbia ti yayu pepe; me gi ala so asara ye so be ti Babâ ti mbi so ayeke na yayu aye.

Marc 3:35

Biani, zo so asara ye so be ti Nzapa aye ayeke ita ti mbi ti koli, wala ti wali, wala mama ti mbi.”

Nzoni Tënë so Luc asu na mbeti 21:19

Ala gbu ngangu si fade ala soo kuâ!”

Nzoni Tënë so Luc asu na mbeti 8:15

Ambeni zo ayeke tongana nzoni sese so ale ti kobe atuku daa; ala ma tënë ni na be so ayeke mbirimbiri si ayeke nzoni. Ala bata tënë ni si ala kanga be ti ala ti le lakue.”

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.

Awatokua 13:22

So Nzapa azi lo awe, lo mu David, lo zia lo gbia na ndö ti ala. Nzapa atene tënë ti lo, atene: ‘Mbi wara David, molenge ti Yese, zo so be ti mbi aye lo, fade lo yeke sara aye so kue be ti mbi aye.’

Awatokua 13:36

Na ngoi so David angba na fini, lo sara ye so kue Nzapa aye lo ti sara. Na pekoni lo kui, a lu lo na tere ti akotara ti lo si lo fun.

Rome 12:12

Ala duti na ngia ngbanga ti ye so ala zia be ti ala ti ku; ala kanga be ti ala na ya ti aye ti pasi; ala zia lege ti sambela pepe.

Rome 12:2

Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

Rome 2:7

Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

Rome 8:25

Me tongana e zia be ti e ti ku ye so le ti e ade ti baa pepe, fade e yeke kanga be ti e ti ku ni.

1 Korente 13:7

Ndoye ayeke kanga be ti lo na ndö ti asioni kue, lo yeke bata mabe ti lo na ya ti aye kue, lo yeke zia be ti lo kue ti ku na ya ti aye kue, lo yeke kanga be ti lo na ya ti aye kue.

Galasii 6:9

Be ti e awoko pepe na sarango nzoni ye, ndali ti so tongana ndembe ni alingbi si e ngba na lege ni, fade e yeke ko lengo ni.

Efeze 6:6

Ala sara kua ni gi ndali ti le ti awa ti ala pepe, mo baa mo tene, ala yeke gi ti ga nzoni na le ti azo; me ala sara kua ni tongana angbaa ti Christ so amu be ti ala kue ti sara ye so be ti Nzapa aye.

Kolose 1:11

Fade Nzapa ayeke sara titene ala kpengba mingi na lege ti ngangu ti lo so ayeke fa gonda ti lo. Tongaso, na ya ti aye ti ngangu kue, ala lingbi ti gbu ngangu, ala kanga be ti ala ti ku.

Kolose 3:24

Ayeke nzoni ala hinga atene, Kota Gbia ayeke futa ande ala; so ti tene ala yeke wara anzoni ye so Kota Gbia ayeke bata ni ndali ti azo ti lo. Taa Gbia so ala yeke sara kua na lo ayeke Christ.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

1 Tesalonike 1:3

Na le ti Nzapa Babâ ti e, e yeke dabe ti e lakue na kua so ala yeke sara na lege ti mabe; e yeke dabe ti e na ndoye so ayeke sara titene ala sara kua ngangu nga na be ti ala so ala zia ti ku *Kota Gbia ti e Jésus Christ.

Ahebro 11:39

Nzapa atene nzoni tënë ti ala kue ndali ti mabe ti ala; me anzoni ye so Nzapa amu zendo ni, ala wara ni pepe.

Ahebro 12:1

So gba ti azo so asara ando ye na lege ti mabe ti ala ayeke ngoro e, ayeke nzoni e nga, e zi na ndö ti e akungba so kue ayeke sara si e tambula gbaa so, e zia nga lege ti siokpari so ayeke gbu e hio hio na ya ti gbanda ti lo. E kpe loro ti mandako so e yeke na ya ni so ngangu, e zia lege ni pepe.

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

Ahebro 6:12

Ala woko na lege ti sarango kua pepe, me ala sara ye tongana ti azo so ama na be, azo so akiri na peko pepe. Azo ni ayeke wara aye so Nzapa amu zendo ni na ala.

Ahebro 6:15

Abraham akanga be ti lo aku si lo wara ye so Nzapa amu zendo ni na lo.

Ahebro 6:17

Andaa, azo so Nzapa amu zendo ti mu aye na ala, lo ye ti fa biani na ala so be ti lo angba lakue na ndö ti zendo ni. Ndani laa lo deba yanga ti lo na ndö ti zendo ni.

Ahebro 9:15

Ndani laa, Christ ayeke zo ti lekengo songo na popo ti azo na Nzapa na lege ti mbeni fini mbuki. Azo so Nzapa airi ala alingbi ti wara anzoni ye so ayeke ngba ande lakue lakue, aye so Nzapa amu zendo ni. Azo ni so alingbi ti wara aye ni, ngbanga ti so Christ akui awe si na lege ti kuâ ti lo, azo so asara siokpari na ndembe so ala ngba na gbe ti kozo mbuki, lo lingbi ti zi ala na ya ti siokpari.

1 Pierre 1:9

Ala yeke na ngia ni so, ngbanga ti so a soo ala awe. Ye so ala yeke wara ndali ti mabe ti ala laa.

1 Jean 2:17

Dunia so ayeke hon, aye so zo ayeke sara nzara ni nga ayeke hon; me zo so asara ye so be ti Nzapa aye, fade lo yeke ngba na fini kpu na kpu.

Aye so Nzapa afa 13:10

Zo so a diko lo ndali ti kanga, fade lo yeke gue na kanga; zo so a diko lo titene a fâ lo na yongoro zeme, lo yeke kui kuâ ti yongoro zeme. So ayeke ngoi titene azo ti Nzapa akanga be ti ala si ala ngba na lege ti mabe laa.”

Aye so Nzapa afa 14:12

So ngoi titene azo ti Nzapa akanga be ti ala laa, ala so asara ye alingbi na andia ti Nzapa si ala ngba ti zia be ti ala na ndö ti Jésus.