Ahebro 10:29 - Mbeti ti Nzapa - Tënë so amu fini

²⁹ Ti zo so abaa Molenge ti Nzapa buba na le ti lo, fade pasi ti zo ni ayeke hon ndoni. Andaa lo baa mene ti *mbuki so asukula asioni ti lo tongana senge ye na le ti lo si lo kiri lo tene sioni tënë na tere ti Yingo so ayeke sara nzoni be na zo.

Ahebro 10:29 ပူးပေါင်းရင်းမြစ်များ

2 Agbia 9:33

Yehu atene na ala: “Ala bi lo na sese!” Tongaso ala bi Yezabel na sese. Mene ti lo amu tere ti da nga na tere ti ambarata. Yehu atambula na ndö ti Yezabel na pusu ti lo.

Abia (Psaumes) 143:10

Fa na mbi lege ti sara ye so be ti mo aye, ngbanga ti so mo yeke Nzapa ti mbi. Ayeke nzoni yingo ti mo so ayeke nzoni afa na mbi lege so ague na sese so a leke ni nzoni.

Abia (Psaumes) 91:13

Mo yeke tambula na ndö ti bamara nga na ndö ti sioni ngbo, mo yeke do sioni nyama nga na angbo na gbe ti gere ti mo.

Sigingo 24:8

Moïse amu mene ni, lo fi na tere ti azo ni si lo tene: “So ayeke mene ti mbuki so Nzapa asara ndali ti ala laa; lo sara ni alingbi na atënë ti ndia so kue.”

Ésaïe 14:19

Me ti mo, a bi mo na gigi yongoro na du ti kuâ ti mo tongana molenge so a du lo na kuâ ni si azo abaa lo tongana fungo ye. Mo yeke tongana kuâ so azo ado na gbe ti gere ti ala; mo yeke na popo ti azo so a fâ ala, azo so a kpo ala na yongoro zeme si a bi ala na ndö ti têne so ayeke na ngbonda ti du kâ.

Ésaïe 28:3

Gbata so ayeke tongana kpoto ti gbia si azo ti Efraim, angbaa ti samba so ayeke pika kate ti ala ndali ni, fade a yeke do ni na gbe ti gere.

Ésaïe 63:10

Me ala tomboka na tere ti lo, ala sara si yingo ti lo so ayeke nde si ayeke nzoni kue awara vundu. Tongaso lo kiri lo ga wato ti ala si lo wani, lo tiri bira na ala.

Jérémie 1:5

“Kozo titene mbi sara mo na ya ti mama ti mo, mbi hinga mo. Kozo titene mo sigigi na ya ti mama ti mo, mbi zia mo nde ndali ti mbi. Mbi zia mo nde titene mo duti zo ti tenengo peko ti atënë ti yanga ti mbi na amara nde.”

Abia ti demango tere 1:15

Kota Gbia atumba ala kue awe, angangu turugu so ayeke na tere ti mbi so; Kota Gbia airi gba ti aturugu ti tiri bira, lo iri ala ti ga ti nika aturugu ti mbi, ala so ade maseka so. Ae azo! Kota Gbia ado mbi na sese awe; mbi, maseka-wali ti mara ti Juda. Lo pete mbi tongana ale ti *vinye so ayeke na ya ti du ti sarango na vin.

Ezekiel 16:6

Mbi hon nduru na tere ti mo si mbi baa mo na ndembe so mo yeke tirika tere ti mo na ya ti mene ti mo. Ataa so mene amu tere ti mo kue, mbi tene na mo: ‘Ngba na fini!’ Biani, mbi tene na mo: ‘Ngba na fini!’

Daniel 8:13

“Tongaso, mbi ma mbeni ange so ayeke tene tënë. Mbeni ange nde ahunda lo ti kozoni so, atene: ‘Aye so azo abaa na ya ti mbeni ye tongana bango-li so ayeke ninga ngbii asi lawa? A yeke zia lege ti mungo sandaga so a yeke mu na ya ti lango oko oko so ngbii asi lawa? Sioni sarango ye ti bubango ndo so ayeke ninga ngbii asi lawa? A yeke ngba ti do na gere ndo so a zia ni nde ndali ti Nzapa ngbii asi lawa? A yeke ngba ti do na gere aturugu ti yayu ngbii asi lawa?’

Mishe 7:10

Fade wato ti mbi ayeke baa ye ni na le ti lo si kamene ayeke gbu le ti lo; wato ti mbi so ayeke hunda lani mbi, atene: “KOTA GBIA, Nzapa ti mo ni ayeke na ndo wa?” Fade mbi yeke baa lo na le na ndembe so a yeke do lo na gere, tongana ti so a yeke do potopoto na lege.

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Matthieu 26:28

ngbanga ti so ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo titene azi siokpari ti ala.

Matthieu 7:6

“Ye so a zia ni nde ndali ti Nzapa, ala bi ni na ambo pepe, ngbanga ti fade ambo ni ayeke kiri na tere ti ala ti te ala. Ala tuku alenge ti ala na anguru pepe, ngbanga ti fade anguru ni ayeke do ni na gere ti ala.”

Marc 7:2

Ala baa so ambeni disiple ti lo ayeke mu *asioni maboko ti ala gi tongaso si ayeke te na kobe; ala sukula ni pepe.

Nzoni Tënë so Luc asu na mbeti 12:10

Zo so kue atene sioni tënë na tere ti Molenge ti Zo, fade Nzapa ayeke zi tënë na li ti lo; me zo so azonga Yingo-Vuru, fade Nzapa ayeke zi tënë na li ti lo pepe.

Jean 10:36

Me ti mbi, Babâ ti mbi azia mbi nde si lo tokua mbi na ndö ti dunia so. Ngbanga ti nyen laa ala tene: ‘Mo yeke zonga Nzapa!’ Ngbanga ti so mbi tene: ‘Mbi yeke Molenge ti Nzapa’ so?

Jean 17:19

Ndali ti nzoni ti ala, mbi bata tere ti mbi nde ndali ti mo titene ala nga, ala bata tere ti ala nde ndali ti mo na lege ti taa-tënë.

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Rome 16:20

Nzapa so ayeke mu siriri na zo aga nduru ti nika Satan na gbe ti gere ti ala awe. Ayeke nzoni Kota Gbia ti e Jésus asara nzoni be na ala!

1 Korente 11:27

Ndani laa, zo so ate mapa so si anyon kopo ti Kota Gbia na lege so ane lo pepe, fade tënë ayeke na li ti lo ndali ti tere na mene ti Kota Gbia.

1 Korente 11:29

ngbanga ti so zo so ate mapa ni si anyon kopo ni, lo baa na le ti lo tongana tere ti Kota Gbia pepe, andaa lo yeke te, lo yeke nyon ti fâ ngbanga na li ti lo wani.

1 Korente 15:25

Biani, alingbi Christ ale-gbia ngbii Nzapa azia awato ti lo kue na gbe ti gere ti lo.

1 Korente 15:27

Biani, Mbeti ti Nzapa atene: “Nzapa azia ye kue na gbe ti gere ti lo.” Me so aye ti tene, Nzapa so azia ye kue na gbe ti Christ so, lo wani, lo yeke na gbe ti Christ pepe.

1 Korente 6:11

Ambeni zo na popo ti ala ayeke ando tongaso. Me Nzapa *asukula asioni ti ala awe, lo sara si ala ga nzoni kue si lo zia ala nde; lo sara si ala ga mbirimbiri na le ti lo na iri ti *Kota Gbia Jésus Christ nga na lege ti Yingo ti Nzapa ti e.

Efeze 4:30

Ala mu vundu na Yingo-Vuru pepe. Yingo-Vuru ayeke tongana nzoroko so Nzapa azia na tere ti ala ti fa so ala yeke ti lo. Na lege ti Yingo-Vuru, Nzapa akiri afa so mbeni lâ, fade lo yeke zi ala na ya ti siokpari biani biani.

Efeze 5:26

Lo sara tongaso titene Eglize ni aga nde si aga nzoni kue. Titene Eglize ni avuru tarara, lo sukula ni na ngu nga na lege ti tënë ti lo,

Ahebro 10:10

Jésus Christ asara ye alingbi na ye so be ti Nzapa aye. Lo mu tere ti lo na sandaga gi fani oko biani biani, nilaa a sukula asioni ti e.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

Ahebro 2:11

Lo so ayeke zia azo nde ndali ti Nzapa, lo na azo ni ayeke gi na Babâ oko. Ndani laa, lo yeke na kamene ti iri ala a-ita ti ni pepe.

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.

Ahebro 4:14

E yeke na kota wayango-sandaga so ahon atanga ni kue, lo gue ngbii lo si na le ti Nzapa kâ na yayu: ayeke Jésus, Molenge ti Nzapa. Nilaa, ayeke nzoni e gbu mabe ti e ngangu, mabe so e yeke fa tënë ni.

Ahebro 6:4

E mu tapande ti azo so akiri na sioni lege ti sarango ye ti ala: lumiere ti Nzapa azi le ti ala awe, ala ndu nzoni ye ti yayu, ala wara Yingo-Vuru,

Ahebro 6:6

Ataa so kue gbaa, ala kiri na sioni lege ti sarango ye ti ala ti kozoni. Lege titene a sara si ala kiri azia ngbene lege ti sarango ye ti ala ayeke daa oko pepe. Biani, ala kiri akanga Molenge ti Nzapa na ndö ti keke ti kroa si ala sara titene azo azonga lo.

Ahebro 9:13

Azo ayeke mu ando mene ti akoli-ngasa na ti akoli-bagara nga na mburu ti wâ ti wali-bagara so agbi lo, ala yeke tuku ni na tere ti azo so aga *sioni, ndali ti so azo ni asara mbeni ye so alingbi na tënë ti ndia pepe. Ala sara aye so kue ti sukula asioni ti azo ni, tongaso si azo ni akiri aga azo so alingbi ti voro Nzapa.

Ahebro 9:20

Lo tene: “Mene so afa atene, ala na Nzapa asara mbuki awe; lo mu yanga na ala ti bata lege ti mbuki ni.”

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.