Ahebro 10:26 - Mbeti ti Nzapa - Tënë so amu fini

²⁶ So e hinga taa-tënë nzoni kue awe so, tongana e ngba ti sara siokpari na be ti e wani, mbeni *sandaga nde ndali ti asiokpari ayeke daa pepe.

Ahebro 10:26 ပူးပေါင်းရင်းမြစ်များ

Awayango-sandaga 4:13

“Tongana bongbi ti azo ti Israel kue laa asara siokpari si azo ni ahinga tënë ni pepe, me ala sara ni na mbana ti be ti ala pepe, tongana ala sara ye so ndia ti KOTA GBIA ake ni, tënë ayeke ga na li ti ala.

Awayango-sandaga 4:2

ti tene na azo ti Israel, atene: “Tongana mbeni zo asara siokpari na mbana ti be ti lo pepe, tongana lo sara ye so ndia ti KOTA GBIA ake ni, ye so a lingbi ti sara ndali ti zo ni ayeke so:

Nzoni Tënë so Luc asu na mbeti 12:47

Zo ti kua so ahinga ye so makonzi ti lo aye, me lo leke ye oko pepe, wala lo sara ye alingbi na yanga ti makonzi ti lo ni pepe, fade a yeke pika lo mingi.

Jean 13:17

Fadeso ala hinga ye ni awe. Ti ala nzoni tongana ala sara ye alingbi na ni!

Jean 9:41

Jésus akiri tënë na ala: “Tongana ala yeke fade awaziba, ka siokpari ayeke na li ti ala pepe. Me so ala yeke tene: ‘Le ti ala ayeke baa ndo’, andaa siokpari angba na li ti ala.”

Ndia ti fani use ni 17:12

Tongana mbeni zo na ya ti baba ti lo, ake ti ma tënë ti wayango-sandaga so aluti kâ na dawa ti KOTA GBIA Nzapa ti ala, wala wafango-ngbanga ni, fade a yeke fâ zo ni. Lege so fade ala yeke zi sioni ye na sese ti Israel laa.

2 Tesalonike 2:10

Fade lo yeke sara aye ti sioni nde nde ti handa na azo so ayeke mu lege ti kuâ. Ala yeke na lege ti kuâ, ngbanga ti so ala ke ti yamba taa-tënë so alingbi fade ti soo ala na kuâ, ala ke nga ti ye taa-tënë ni.

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.

1 Timothée 2:4

Lo ye titene azo kue asoo kuâ si ala hinga taa-tënë.

Jacques 4:17

Tongaso, zo so ahinga ti sara nzoni ye si lo sara ni pepe, andaa lo sara siokpari awe.

1 Jean 5:16

Tongana mbeni zo abaa ita ti lo na sarango siokpari, mbeni siokpari so ague na lo na kuâ pepe, alingbi lo sambela si fade Nzapa amu fini na ita ti lo so. Tënë so ayeke ndali ti azo so ayeke sara siokpari so ague na zo na kuâ pepe. Mbeni siokpari ayeke daa so ayeke gue na zo na kuâ, mara ti siokpari so laa mbi hunda na ala ti sambela ndali ni pepe.

1 Samuel 2:25

Tongana zo asara sioni na mba ti lo, fade Nzapa ayeke gbu koko ti lo. Me tongana zo asara sioni na KOTA GBIA, zo wa laa ayeke gbu ande koko ti lo, zo wa?” Me amolenge ni ama tënë ti babâ ti ala pepe, ngbanga ti so KOTA GBIA aleke na be ti lo ti sara si ala kui.