Ahebro 10:24 - Mbeti ti Nzapa - Tënë so amu fini

²⁴ E baa ndo na ndö ti amba ti e na popo ti e ti pusu e titene e ye azo si e sara anzoni ye.

Ahebro 10:24 ပူးပေါင်းရင်းမြစ်များ

Abia (Psaumes) 41:1

Bia ti David; bia so ayeke ndali ti makonzi-bia.

Amato 29:7

Zo ti mbirimbiri ayeke gbu koko ti awayere; me zo ti sioni ayeke na li pepe ti hinga tënë ni.

Awatokua 11:29

Tongaso adisiple aleke na be ti ala titene zo oko oko amu ye alingbi na ngangu ti lo ti mu maboko na a-ita, azo ti Christ, so ayeke na Judée.

Rome 11:4

Me tënë ti nyen laa Nzapa akiri na ni na lo? Nzapa atene: “Azo saki mbarambara ayeke daa, mbi bata ala ndali ti mbi wani, ala yeke azo so ake ti kuku na gbe ti nzapa *Baal.”

Rome 12:15

Ala sara ngia na azo so ayeke na ngia, ala toto na azo so ayeke toto.

1 Korente 10:33

Ala sara ye tongana mbi: mbi yeke gi lege ti sara kue titene mbi ga nzoni na le ti azo kue. Mbi yeke gi gi nzoni ti mbi wani pepe, me mbi yeke gi nzoni ti azo mingi si ala soo kuâ.

1 Korente 9:22

Tongana mbi yeke na popo ti azo so mabe ti ala akpengba pepe, mbi yeke sara ye tongana zo so mabe ti lo akpengba pepe. Mbi sara tongaso ti wara azo so mabe ti ala akpengba pepe. Tongana mbi yeke na popo ti azo kue, mbi yeke sara ye tongana azo kue titene mbi sara kue ti soo ambeni na popo ti ala.

2 Korente 8:8

Mbi yeke tene tënë so ti mu yanga na ala pepe; me mbi yeke tene na ala tënë ti azo ti ambeni Eglize so nzara ti kua ayeke na be ti ala. Mbi yeke sara so ti baa wala ala azo ti Korente, ala ye amba ti ala biani.

2 Korente 9:2

Mbi hinga nzara ti be ti ala si mbi gonda tere ti mbi ndali ti ala na le ti azo ti Masedoane, mbi tene: “Azo ti Akayi aleke ye ti ala kue na ngu so ahon so awe.” Nilaa nzara ti sarango nzoni ye ti ala azia nga nzara na be ti azo ti ambeni *Eglize mingi.

Galasii 5:13

Ala a-ita, Nzapa airi ala titene ala sigigi na gbe ti ngbaa. Gi ye oko, ayeke nzoni sigingo na gbe ti ngbaa ni aga mbeni ye titene ala luti na ndö ni ti sara aye alingbi na asioni nzara ti be ti ala pepe. Me na lege ti ndoye, ala sara kua na amba ti ala na popo ti ala.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Galasii 6:1

Ala, a-ita so Yingo ti Nzapa ayeke fa lege na fini ti ala, tongana ala baa mbeni zo na sarango ye ti sioni, ayeke nzoni na wokongo be, ala kiri na zo ni na nzoni lege. Ita ti mbi, sara hange si mo nga, mbeni ye atara be ti mo pepe!

Kolose 3:16

Ayeke nzoni tënë ti Christ so anzoni ye asi singo daa aduti na ya ti fini ti ala. Ala fa ye si ala mu wango na amba ti ala na popo ti ala na lege ti ndara kue. Ala he abia na Nzapa na be ti ala kue ti mu singila na lo, ala he abia ti Mbeti ti Nzapa, abia ti vorongo Nzapa na abia so Yingo ayeke mu na ala.

1 Tesalonike 1:3

Na le ti Nzapa Babâ ti e, e yeke dabe ti e lakue na kua so ala yeke sara na lege ti mabe; e yeke dabe ti e na ndoye so ayeke sara titene ala sara kua ngangu nga na be ti ala so ala zia ti ku *Kota Gbia ti e Jésus Christ.

1 Tesalonike 5:11

Tongaso, ala mu ngangu na be ti ala na popo ti ala, ala sara si amba ti ala akpengba tongana ti so ala yeke sara ni so.

2 Tesalonike 3:9

Biani, e lingbi fade ti hunda ye na maboko ti ala, me e hunda ni pepe; e sara kua titene e ga tapande si ala sara nga tongana e.

1 Timothée 6:18

Ayeke nzoni azo ti mosoro asara nzoni ye, ala ga azo ti mosoro na lege ti sarango anzoni ye, ala mu ye na azo, ala kanga maboko ti ala daa pepe, ala kangbi aye ti ala na amba ti ala.

Tite 2:4

ala fa na amaseka-wali so amu koli ti ye akoli ti ala na amolenge ti ala,

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.

Ahebro 13:1

Ala ngba lakue ti ye tere na popo ti ala tongana a-ita, azo ti Christ.

Ahebro 13:3

Ala dabe ti ala na azo so ayeke na da ti kanga, ala baa tere ti ala tongana azo so ayeke nga na da ti kanga oko na azo ni. Ala dabe ti ala na azo so a yeke sara sioni na ala, ngbanga ti so ala nga, a-ita, ala yeke na tere tongana ti azo so a yeke sara sioni na ala so.

Ahebro 3:13

Me so ngoi so Mbeti ti Nzapa airi ni “laso” angba, ala mu wango na popo ti ala lakue si siokpari ahanda mbeni zo pepe, tongaso si lo ga zo ti ngangu li pepe.

1 Jean 3:18

Amolenge ti mbi, e ye tere gi na lege ti tënë ti yanga pepe; me e ye tere na lege ti aye so e yeke sara nga na lege ti taa-tënë.