Ahebro 10:22 - Mbeti ti Nzapa - Tënë so amu fini

²² Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Ahebro 10:22 ပူးပေါင်းရင်းမြစ်များ

1 Agbia 15:3

Abiam asara gi amara ti siokpari so kue babâ ti lo asara kozoni na lo. David, kotara ti lo amu ando be ti lo kue na *KOTA GBIA, Nzapa ti lo. Me ti Abiam, lo sara tongaso pepe.

1 Mbai 12:33

Na popo ti azo ti mara ti Isakar, amakonzi 200 ti aturugu ayeke daa, ala na a-ita ti ala so ayeke na gbe ti komandema ti ala; ala yeke na ndara ti hinga ngoi wa na kode wa laa azo ti Israel alingbi ti sara mbeni ye.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

1 Mbai 29:17

Nzapa ti mbi, mbi hinga so mo laa mo yeke baa ya ti be ti zo si mo yeda na ye so ayeke mbirimbiri. Ti mbi, na be so ayeke mbirimbiri laa mbi mu aye so kue na mo na be ti mbi wani. Fadeso, mbi yeke na ngia ti baa azo ti mo so abongbi ge ti mu ye na mo na be ti ala wani.

Abia (Psaumes) 111:1

Aleluya! Mbi ye ti sepela *KOTA GBIA na be ti mbi kue! Mbi ye ti sepela lo na ya ti bongbi ti azo ti mbirimbiri nga na ya ti bongbi ti azo ti lo kue.

Abia (Psaumes) 119:10

Mbi gi mo na be ti mbi kue; sara si mbi hon nde na atënë ti ndia ti mo pepe.

Abia (Psaumes) 119:145

KOTA GBIA, mbi iri mo na be ti mbi kue, mo yeda, fade mbi yeke sara ye alingbi na ambela ti mo.

Abia (Psaumes) 119:2

Ti ala nzoni, azo so asara aye so lo hunda na ala si ala mu be ti ala kue ti gi lo!

Abia (Psaumes) 119:34

Sara si mbi hinga ndo si mbi sara ye alingbi na ndia ti mo; mbi mu be ti mbi kue ti sara ye alingbi na ni.

Abia (Psaumes) 119:58

Na be ti mbi kue, mbi hunda mo ti sara nzoni na mbi; baa mawa ti mbi alingbi na yanga so mo mu.

Abia (Psaumes) 119:69

Azo ti baba abuba iri ti mbi na atënë ti mvene ti ala; me ti mbi, na be ti mbi kue, mbi yeke sara ye alingbi na andia ti mo.

Abia (Psaumes) 119:7

Fade mbi yeke mu singila na mo na be ti mbi kue tongana mbi manda ti hinga fango ngbanga ti mo ti mbirimbiri.

Abia (Psaumes) 119:80

Na be ti mbi kue, ayeke nzoni mbi sara ye alingbi na ambela ti mo si kamene asara mbi pepe.

Abia (Psaumes) 32:11

Ala azo ti mbirimbiri, ala dodo na ngia ndali ti KOTA GBIA, ala duti na ngia. Ala azo ti vurungo be, ala dekongo na ngia!

Abia (Psaumes) 51:10

Sara si mbi ma atënë ti ngia si tere ti mbi anzere. Tongaso si mbi so mo kungbi mbi awe, mbi londo ti dodo.

Abia (Psaumes) 73:28

Ti mbi, dutingo nduru na mo Nzapa laa ayeke sara nzoni na mbi. Mbi kpe na mo Kota Gbia NZAPA ti bata tere ti mbi, ti fa aye so kue mo sara.

Abia (Psaumes) 84:11

Dutingo lango oko na ya ti gbagba ti kota da ti mo ayeke nzoni ahon dutingo lango saki oko na mbeni ndo nde. Ti mbi, mbi ye ti duti gi na yanga ti da ti Nzapa ahon ti sara kodro na da ti azo ti sioni.

Abia (Psaumes) 9:1

Bia ti David; bia so ayeke ndali ti makonzi-bia. A he ni na kundi.

Abia (Psaumes) 94:15

Fango ngbanga ayeke kiri ti ga mbirimbiri si azo ti vurungo be kue ayeke sara ye alingbi na ni.

Sigingo 29:4

“Fade mo yeke mu Aaron na amolenge ti lo, mo ga na ala na yanga ti da ti bongo so Nzapa na azo ti lo ayeke wara tere daa si mo yeke sukula ala na ngu.

Amato 23:26

Molenge ti mbi, mo zia be ti mo na ndö ti mbi; mo duti na ngia ti mu tapande ti mbi.

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Ésaïe 52:15

Me fadeso, li ti azo ti mara mingi akpe ndali ti lo, tënë ahunzi na yanga ti agbia. Biani, ye so a tene ando tënë ni na ala pepe, ni laa ala yeke baa ni; ye so ala ma ando tënë ni pepe, ni laa ala yeke baa ni.”

Jérémie 24:7

Mbi yeke mu na ala be ti hinga so mbi yeke KOTA GBIA. Na be ti ala kue, fade ala yeke kiri na mbage ti mbi. Ala yeke duti azo ti mbi si mbi yeke duti Nzapa ti ala.

Jérémie 3:10

Ataa ye so kue asi, ita ti lo ti wali Juda-wali-gbanambana akiri na mbi na be ti lo kue pepe, me na lege ti handango ndo”; so tënë ti yanga ti KOTA GBIA laa.

Jérémie 30:21

Mbeni oko ti ala ayeke duti makonzi ti ala; zo so ayeke sara komandema na ndö ti ala ayeke baa gigi na popo ti ala; fade mbi yeke sara si lo ga nduru na mbi. Biani, zo wa laa alingbi ti sara ye ti koli si lo ga nduru na mbi, zo wa? So tënë ti yanga ti KOTA GBIA laa.

Ezekiel 16:9

“Mbi sukula mo na ya ti ngu, mbi mbo mene so lani ayeke na tere ti mo, na pekoni mbi sara yombo na tere ti mo.

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Awayango-sandaga 14:7

Lo yeke fi mene ni fani mbarambara na tere ti zo so aga titene a sukula lo ndali ti kobela ti lo. Lo yeke fa atene, zo ni aga *nzoni awe. Na pekoni, lo yeke zi ndeke so angba na fini so ti huru ti hon na ngonda.

Awayango-sandaga 16:4

Alingbi lo yu yongoro bongo so a sara na *len, lo yu kilote so a sara na len, lo kanga kamba ti ndö ti bongo so a sara na len si lo kanga na li ti lo bongo so ayeke tongana kpoto. So ayeke abongo so a zia ni nde ndali ti Nzapa. Alingbi lo sukula ngu kozoni si lo yu ni.

Awayango-sandaga 8:6

Na pekoni, Moïse aga na Aaron na amolenge ti lo, lo sukula ala na ngu.

Zakarii 13:1

“Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Wungo ti azo 8:7

Lege so mo yeke sara titene ala ga *nzoni ayeke so: mo fi na ndö ti ala ngu ti zingo siokpari na li ti zo. Ayeke nzoni ala kio kua ti tere ti ala kue, ala sukula abongo ti ala, ala sara si ala ga *nzoni.

Matthieu 3:11

Ti mbi, mbi yeke batize ala na ngu ti fa na le ti azo so ala zia ngbene lege ti sarango ye ti ala awe; me lo so ayeke ga na peko ti mbi, fade lo yeke batize ala na Yingo-Vuru nga na wâ. Ngangu ti lo ahon ti mbi: mbi kpa zo ti zi poro ti gere ti lo pepe.

Nzoni Tënë so Luc asu na mbeti 1:1

Azo mingi agi lege ti su na mbeti tënë ti aye so asi na popo ti e;

Jean 3:5

Jésus akiri tënë na lo: “Biani, mbi tene na mo taa-tënë: tongana a du zo na ngu na Yingo pepe, zo ni alingbi ti li na Kodro-gbia ti Nzapa pepe.

Jean 8:9

So azo ni ama tënë so, ala londo oko na oko ti gue; azo so ahon kozoni ayeke ambakoro. Jésus angba gi lo oko, wali ni angba ti luti na dawa ti lo.

Awatokua 22:16

Nyen laa mo yeke ku fadeso? Londo, mo wara bateme, Nzapa azi siokpari ti mo na lege so mo di iri ti lo.’ ”

Awatokua 8:21

Kua so e yeke sara ge so, mbeni ye ti mo oko wala tënë ti mo ayeke daa pepe, ngbanga ti so be ti mo ayeke mbirimbiri na le ti Nzapa pepe.

1 Korente 6:11

Ambeni zo na popo ti ala ayeke ando tongaso. Me Nzapa *asukula asioni ti ala awe, lo sara si ala ga nzoni kue si lo zia ala nde; lo sara si ala ga mbirimbiri na le ti lo na iri ti *Kota Gbia Jésus Christ nga na lege ti Yingo ti Nzapa ti e.

2 Korente 7:1

A-ita ti mbi so mbi ye ala mingi, azendo so kue ayeke ndali ti e. Tongaso, e *sukula sioni so kue ayeke na tere ti e nga na be ti e. Na lege ti kpengo mbeto ti Nzapa, e gi lege ti mu tere ti e kue na lo.

Efeze 3:12

Na lege so e ga oko na Jésus Christ si e ma na be na lo, e lingbi ti ga nduru na Nzapa na mbeto pepe.

Efeze 5:26

Lo sara tongaso titene Eglize ni aga nde si aga nzoni kue. Titene Eglize ni avuru tarara, lo sukula ni na ngu nga na lege ti tënë ti lo,

Efeze 6:5

Angbaa, ala ma yanga ti awa ti ala ti ndö ti sese so tongana ti so ala yeke ma yanga ti Christ so. Ala kpe awa ti ala, ala sara mbeto ti awa ti ala si ala sara kua ti awa ti ala ni na be ti ala oko.

1 Timothée 4:2

Ala yeke girisa lege ndali ti azo ti tenengo mvene so tënë ti yanga ti ala ayeke nde na sarango ye ti ala, be ti ala ayeke na nzoroko ti sioni ye so a su ni na wen so a yoro na ya ti wâ si abe.

Tite 3:5

lo soo e na kuâ. Mbeni ye ti nzoni so e wani, e sara na lege ti mbirimbiri ti e titene lo soo e ndali ni ayeke daa pepe, me lo soo e, ngbanga ti so lo baa mawa ti e. Lo soo e, lo sukula e na lege ti Yingo-Vuru so asara si e ga fini zo si e wara fini kode ti dutingo ni.

Ahebro 10:1

Aye so ayeke daa, *Ndia ti Moïse ayeke fa ni mbirimbiri kue pepe; Ndia ni ayeke gi limo ti anzoni ye so ayeke ga. Ngu na ngu, azo ayeke mu *sandaga ndali ti asiokpari ti ala, ala yeke mu gi oko sandaga ni lakue lakue; ala yeke zia ni pepe. Ataa so ala yeke sara tongaso, Ndia alingbi ti sara si azo so aye ti ga nduru na Nzapa, aga nzoni kue pepe.

Ahebro 10:19

Tongaso a-ita, ndali ti mene ti Jésus, lege azi na e polele ti li na ndo ti nzoni kue ti Nzapa.

Ahebro 11:28

Na lege ti mabe, Moïse azia na sese *matanga ti Pake. Lo mu yanga titene azo azia mene na tere ti keke ti yanga ti da ti ala si kpale ti bubango ndo andu akozo molenge-koli ti azo ti Israel pepe.

Ahebro 12:24

Ala ga nduru na Jésus awe, lo so lo leke tënë ti fini *mbuki; ala ga nduru awe na mene ti Jésus so atuku ndali ti azo si ayeke tene nzoni tënë ahon mene ti Abel.

Ahebro 4:16

Tongaso, e gue nduru na tere ti mbata ti Gbia Nzapa na mbeto pepe, titene lo baa mawa ti e, lo sara nzoni be na e si lo mu na e maboko na ndembe so alingbi.

Ahebro 6:11

Me e ye mingi titene ala oko oko kue angba na nzara ti sarango nzoni ye tongana ti kozoni; ala ngba daa ngbii asi na ndani, tongaso si fade ala yeke wara aye so ala zia be ti ala ti ku ni.

Ahebro 7:19

Biani, titene mbeni ye ti nzoni kue aduti daa, *Ndia ti Moïse asara ni oko pepe. Me mbeni ye so ayeke nzoni ahon ti kozoni asi awe; ye ni so laa e zia be ti e ti ku ni si na lege ni, e yeke ga nduru na Nzapa.

Ahebro 9:10

Aye so kue ayeke gi asenge ndia ti azo, andia so ayeke na ndö ti tengo akobe, na nyongo ye, na tënë ti *sukulango asioni nde nde. Ndia so ayeke ngba ngbii asi na ndembe so Nzapa asara titene ye oko oko kue akiri aga fini ni.

Ahebro 9:19

Moïse ato mbela ando na azo ti Israel na atënë ti ambela oko oko kue alingbi na ndia. Na pekoni, lo mu mene ti akete bagara na ti akoli-ngasa, lo mu nga ngu, kete keke ti *izope nga na ambeni bengba kua ti tere ti taba, lo yoro aye ni na ya ti mene ni si lo wani, lo fi na tere ti mbeti ti *Ndia nga na tere ti azo kue.

Jacques 1:6

Me alingbi zo ni ahunda ye ni na mabe, lo dekite pepe, ngbanga ti so zo so adekite akpa gi *mapo ti kota ngu-ingo so pupu ayeke mu ni na nduzu si ayeke yingi ni kirikiri.

Jacques 4:8

Ala ga nduru na Nzapa si fade lo yeke ga nduru na ala. Azo ti siokpari, ala *sukula sioni ti ala! Azo ti be use use, ala zi aye ti sioni na be ti ala!

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!

1 Pierre 3:21

So ayeke limo ti bateme so ayeke soo ala fadeso. Bateme ni ayeke ye ti sukulango zende na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jésus Christ azingo na kuâ awe.

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.