Ahebro 10:19 - Mbeti ti Nzapa - Tënë so amu fini

¹⁹ Tongaso a-ita, ndali ti mene ti Jésus, lege azi na e polele ti li na ndo ti nzoni kue ti Nzapa.

Ahebro 10:19 ပူးပေါင်းရင်းမြစ်များ

Rome 5:2

E ma na be si na lege ti Jésus Christ, Nzapa asara nzoni be na e; e ngba na lege ti nzoni be ti lo ni fadeso. Nilaa be ti e ayeke na ngia ndali ti gonda ti Nzapa so e zia be ti e ti ku ni.

Rome 8:15

Yingo so ala wara ayeke Yingo ti sarango ala na ngbaa pepe, Yingo ti ziango mbeto na be ti ala pepe, me Yingo so ayeke sara titene ala ga amolenge ti Nzapa. Na lege ti lo, e yeke dekongo na Nzapa, e tene: “Abba!”, so ti tene “Babâ!”

Efeze 2:18

Biani, ndali ti lo si e, azuife, na ala azo ti amara nde, e ga nduru na Nzapa Babâ, na lege ti oko Yingo-Vuru.

Efeze 3:12

Na lege so e ga oko na Jésus Christ si e ma na be na lo, e lingbi ti ga nduru na Nzapa na mbeto pepe.

2 Timothée 1:7

Biani, Yingo so Nzapa amu na e ayeke Yingo ti mbeto pepe, me ayeke Yingo ti ngangu, ti mabe na ti kangango nzara ti tere.

Ahebro 10:18

E hinga so, tongana Nzapa azi tënë na li ti zo awe, zo ni ayeke kiri ti mu sandaga ndali ti asiokpari ti lo pepe.

Ahebro 10:35

Tongaso, be ti ala so ala zia na ndö ti Nzapa, ala girisa ni pepe, fade ala yeke wara kota ye na peko ni.

Ahebro 12:28

Ndali ti so e wara lege ti li na *Kodro-gbia ti Nzapa, kodro so ayeke yingi pepe, ayeke nzoni e mu singila na lo na lege ti sarango kua so anzere na be ti lo, e ma yanga ti lo si e kpe mbeto ti lo.

Ahebro 3:1

Tongaso, a-ita azo ti Nzapa, ala so lo iri ala ti ga azo ti lo, ayeke nzoni ala baa ndo na Jésus, lo so Nzapa atokua lo titene lo ga kota wayango-sandaga ti mabe so e yeke fa tënë ni.

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Ahebro 4:16

Tongaso, e gue nduru na tere ti mbata ti Gbia Nzapa na mbeto pepe, titene lo baa mawa ti e, lo sara nzoni be na e si lo mu na e maboko na ndembe so alingbi.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

Ahebro 9:12

So Christ ali na ya ti da ti bongo ni, lo li fani oko biani biani na ndo so ayeke nde si ayeke nzoni kue ahon atanga ni. So lo li, lo ya mene ti angasa wala mene ti akete bagara pepe, me lo ya mene ti lo wani si lo zi e biani biani na ya ti asiokpari awe.

Ahebro 9:3

Na peko ti use ridoo ni, mbeni ndo ayeke daa so a iri ni “ndo so ayeke nde si ayeke nzoni kue ahon atanga ni”.

1 Jean 4:17

Tongana ndoye so ayeke na be ti e alingbi kue, na lango ti kota ngbanga, be ti e ayeke do pepe, ngbanga ti so dutingo ti e na dunia so ayeke tongana ti Jésus Christ.