Ahebro 10:13 - Mbeti ti Nzapa - Tënë so amu fini

¹³ Fadeso, Christ ayeke ku titene Nzapa azia awato ti lo tongana mbata ti gbe ti gere ti lo.

Ahebro 10:13 ပူးပေါင်းရင်းမြစ်များ

Abia (Psaumes) 110:1

Bia ti David. So tënë ti yanga ti *KOTA GBIA so lo tene na Kota Gbia ti mbi laa: “Duti na mbage ti maboko ti mbi ti koli, mbi yeke sara titene awato ti mo aga tongana mbata ti gbe ti gere ti mo si.”

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Matthieu 22:44

‘Kota Gbia atene na Kota Gbia ti mbi, atene: Mo duti na mbage ti maboko ti mbi ti koli ngbii mbi sara titene awato ti mo aduti na gbe ti gere ti mo si.’

Marc 12:36

So Yingo-Vuru amu na David tënë ti tenengo ni si lo tene: ‘*Kota Gbia Nzapa atene na Kota Gbia ti mbi, atene: Mo duti na mbage ti maboko ti mbi ti koli ngbii mbi sara titene awato ti mo aduti na gbe ti gere ti mo si.’

Nzoni Tënë so Luc asu na mbeti 20:43

ngbii mbi sara titene awato ti mo aga tongana mbata na gbe ti gere ti mo si.’

Awatokua 2:35

ngbii mbi sara titene awato ti mo aga tongana mbata ti gbe ti gere ti mo si.’

1 Korente 15:25

Biani, alingbi Christ ale-gbia ngbii Nzapa azia awato ti lo kue na gbe ti gere ti lo.

Ahebro 1:13

Laoko Nzapa atene nga na mbeni ange pepe, atene: “Ga mo duti na mbage ti maboko ti mbi ti koli, ngbii asi na ndembe so mbi yeke sara titene awato ti mo aga tongana mbata ti gbe ti gere ti mo si!”