Ahebro 10:11 - Mbeti ti Nzapa - Tënë so amu fini

¹¹ Na ya ti lango oko oko, wayango-sandaga oko oko kue ayeke luti na nduzu ti sara kua ti lo. Gi oko mara ti asandaga si ala yeke mu, me asandaga so ala yeke mu so alingbi ti zi asiokpari ti azo pepe.

Ahebro 10:11 ပူးပေါင်းရင်းမြစ်များ

Sigingo 29:36

“Na ya ti lango oko oko, fade mo yeke ya mbeni koli-bagara na sandaga ndali ti zingo siokpari na li ti azo. Na lege so laa mo yeke zi siokpari na tere ti gbalaka ni. Na pekoni, mo yeke tuku mafuta na ndö ni ti zia ni nde.

Ésaïe 1:11

KOTA GBIA atene: “Gba ti *asandaga ti ala so, mbi yeke sara na ni nyen? Akoli-taba so ala mu na sandaga so a yeke gbi ni kue na wâ nga na mafuta ti akete bagara afun sen awe. Mene ti akoli-bagara, ti ataba na ti akoli-ngasa anzere na be ti mbi oko pepe.

Ezekiel 45:4

So ayeke mbage ti sese so ayeke nde si ayeke nzoni kue. A zia ni nde ndali ti awayango-sandaga so ayeke ga nduru na KOTA GBIA ti sara kua na lo na ya ti da so ayeke nde si ayeke nzoni kue. Na ndo so laa a yeke sara ada ti lango ti awayango-sandaga daa. Ndo ni so, a zia ni nde nga ndali ti da so ayeke nde si ayeke nzoni kue.

Daniel 11:31

Aturugu so lo tokua ala ayeke gue ti luti na tere ti ngangu gbagba so ayeke na tere ti ndo so a zia ni nde ndali ti Nzapa ti sara si ndo ni aga sioni. Asandaga so azo ayeke mu na Nzapa na ya ti lango oko oko, aturugu so ayeke kanga lege ni. Ala yeke zia na ndö ti gbalaka Sioni-kpale-ti-bubango-ndo-kue

Daniel 12:11

Ti londo na ngoi so a yeke kanga lege ti mungo asandaga ti lango oko oko na Nzapa nga na ngoi so ala yeke zia na ndö ti gbalaka Sioni-kpale-ti-bubango-ndo-kue, lango saki oko ngbangbo use na balegumbaya ayeke hon.

Daniel 8:11

Didi ni asara nga bira na makonzi ti aturugu ti yayu ni; didi ni akanga lege ti *sandaga so azo ayeke mu na ya ti lango oko oko na makonzi ni; lo sara si ndo so a zia ni nde ndali ti makonzi ni aga sioni.

Daniel 9:21

So mbi ngba ti sambela, Gabriel, koli so mbi baa lo na ya ti kozo ye tongana bango-li so, ahuru hio na le ti nduzu si asi nduru na tere ti mbi. Lo si na tere ti mbi na ndembe so a yeke mu *sandaga ti peko ti bekombite.

Daniel 9:27

Na ya ti tanga ti ngoi ti ngu mbarambara so, makonzi ni ayeke gbu gba ti azo na ngangu titene ala sara ye so ala ye pepe. Na peko ti ngu ota na ndambo, lo yeke sara si asandaga ti nyama na asandaga ti ale ti kobe so azo ayeke mu ka na Nzapa akai. Zo ti bubango ndo so ayeke sara ande aye ti sioni mingi gi na loro, lo yeke sara ni ngbii tënë ti bubango lo so a diko ndali ti lo ati na ndö ti lo.’ ”

Mishe 6:6

“Fade mbi yeke gue na nyen na *KOTA GBIA, Nzapa ti nduzu tongana mbi kuku na gbe ti lo ti voro lo? Mbi mu *sandaga so agbi ni kue na wâ si mbi gue na ni na gbe ti lo? Mbi mu bagara ti ngu oko si mbi gue na ni?

Wungo ti azo 28:24

Na ya ti lango mbarambara ti matanga ni, fade ala yeke mu asandaga ti akobe ni so lakue lakue. So ayeke sandaga so a yeke gbi ni kue na wâ si fion ni anzere na KOTA GBIA; ala yeke bongbi ni na sandaga ti samba.

Wungo ti azo 28:3

“Mo yeke tene na ala: Baa, aye so ala lingbi ti mu na KOTA GBIA laa: akete taba use ti ngu oko so mbeni mbage ti tere ti ala abuba pepe; ala yeke mu ataba ni na ya ti lango oko oko. So ayeke sandaga so a yeke gbi ni kue na wâ ndali ti KOTA GBIA lakue lakue.

Wungo ti azo 29:6

Na ndö ti asandaga so kue, ala yeke mu asandaga so a yeke gbi ni kue na wâ na ya ti lango oko oko nga na sandaga so a yeke mu na kozo lango ti nze. Ala yeke bongbi ni na sandaga ti farini nga na ti samba, tongana ti so ala yeke sara ka lakue. So ayeke sandaga so fion ni anzere na KOTA GBIA.”

Ahebro 10:1

Aye so ayeke daa, *Ndia ti Moïse ayeke fa ni mbirimbiri kue pepe; Ndia ni ayeke gi limo ti anzoni ye so ayeke ga. Ngu na ngu, azo ayeke mu *sandaga ndali ti asiokpari ti ala, ala yeke mu gi oko sandaga ni lakue lakue; ala yeke zia ni pepe. Ataa so ala yeke sara tongaso, Ndia alingbi ti sara si azo so aye ti ga nduru na Nzapa, aga nzoni kue pepe.

Ahebro 10:4

ngbanga ti so mene ti akoli-bagara na ti akoli-ngasa alingbi ti zi siokpari oko pepe.

Ahebro 5:1

A yeke soro kota wayango-sandaga na popo ti azo si a yeke zia lo titene lo sara kua ti Nzapa ndali ti azo, ti leke tënë na popo ti azo na Nzapa. Kua ti kota wayango-sandaga ayeke ti ya aye so azo aga na ni na Nzapa, ti ya nga *sandaga na Nzapa ndali ti asiokpari ti azo.

Ahebro 7:27

Jésus ayeke tongana tanga ti akota wayango-sandaga pepe: lo baa nzoni na le ti lo pepe ti ya *sandaga na ya ti lango oko oko ndali ti asiokpari ti lo wani kozoni si na pekoni, lo ya sandaga ndali ti asiokpari ti azo. Lo mu ti lo sandaga ni fani oko biani biani na ndembe so lo ka tere ti lo na kuâ.

Ahebro 8:2

Lo yeke sara kua ti lo ti kota wayango-sandaga ni na ndo so ayeke nde si ayeke nzoni kue, so ti tene, na ya ti taa da ti bongo so *Kota Gbia Nzapa asara ni; maboko ti zo laa asara ni pepe.

Ahebro 8:4

Tongana lo yeke fade na sese so, ka lo duti wayango-sandaga oko pepe, ngbanga ti so awayango-sandaga ayeke daa awe, ala so ayeke ya aye na Nzapa alingbi na *Ndia ti Moïse.