Ahebro 1:7 - Mbeti ti Nzapa - Tënë so amu fini

⁷ Tënë so Nzapa atene na ndö ti a-ange ayeke so: “Lo sara si a-ange ti lo aga tongana kota pupu; lo sara si azo ti kua ti lo aga tongana amenga ti wâ.”

Ahebro 1:7 ပူးပေါင်းရင်းမြစ်များ

Tongo nda ti aye 3:24

So KOTA GBIA Nzapa atumba zo na ya ti yaka ni awe, lo zia *asheruben na mbage ti To ti yaka ni. Asheruben ni ayeke na yongoro zeme so le ni ayeke za zango si ayeke turne mbage na mbage ti kanga lege na zo ti gue na tere ti keke so ayeke mu fini na zo.

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

2 Agbia 2:11

So ala ngba na lege ti guengo ni si ala yeke tene tënë, mo ye ti baa, mbeni pusu ti mbarata so aza wâ aga; ambarata so aza wâ laa ayeke gboto ni. Pusu ti mbarata ni aga akangbi popo ti Élie na Élisée. Tongaso Élie ama na yayu na ya ti mbeni kota pupu.

2 Agbia 6:17

Na pekoni, Élisée asambela, atene: “*KOTA GBIA, zi le ti zo ti kua ti mbi si lo lingbi ti baa ndo!” KOTA GBIA azi le ti zo ti kua ni si lo baa ambarata na apusu ti mbarata so aza wâ; ala si singo na li ti hoto si ala ngoro tere ti Élisée kue.

Abia (Psaumes) 104:4

Mo sara si apupu aga awatokua ti mo si amenga ti wâ aga azo ti kua ti mo.

Ésaïe 6:2

Ambeni serafen aluti na nduzu na ndö ti lo. Serafen oko oko ayeke na *kpangi omene: akpangi use ayeke titene ala kanga na le ti ala, ambeni use ayeke titene ala kanga na agere ti ala si ambeni use ayeke titene ala huru na ni.

Daniel 7:10

Mbeni wâ asigigi na dawa ti mbakoro ni si ayeke sua tongana ngu. Azo saki saki ayeke sara na lo si ambeni kutu mingi aluti na dawa ti lo. Awafango-ngbanga aduti si ala zi abuku.

Zakarii 6:5

Ange ni akiri tënë na mbi: “Ala yeke andangoro osio ti le ti nduzu. Ala yeke luti ando na dawa ti *KOTA GBIA so ayeke Makonzi ti sese kue; fadeso ala londo ti hon.”

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.