Ahebro 1:5 - Mbeti ti Nzapa - Tënë so amu fini

⁵ Biani, laoko Nzapa atene mbeni tënë tongaso na mbeni ange pepe: “Mo yeke molenge ti mbi, laso mbi ga Babâ ti mo awe.” Laoko lo tene nga mbeni tënë tongaso na ndö ti mbeni ange pepe: “Fade mbi yeke duti Babâ ti lo si lo yeke duti molenge ti mbi.”

Ahebro 1:5 ပူးပေါင်းရင်းမြစ်များ

2 Samuel 7:14

Fade mbi yeke duti babâ ti lo si lo yeke duti molenge ti mbi. Tongana lo sara sioni, mbi yeke pika lo na zaza tongana ti so babâ ayeke pika molenge ti lo.

1 Mbai 17:13

Fade mbi yeke duti babâ ti lo si lo yeke duti molenge ti mbi. Mbi yeke zi nzoni be ti mbi na lo pepe, tongana ti so mbi zi nzoni be ti mbi na lo so ayeke kozoni na mo.

1 Mbai 22:10

Lo laa lo yeke sara ande kota da ndali ti mbi; lo yeke duti molenge ti mbi si mbi yeke duti babâ ti lo. Mbi yeke sara titene lengo-gbia ti lo akpengba lakue na kodro ti Israel.’

1 Mbai 28:6

Na pekoni, KOTA GBIA atene na mbi: ‘Molenge ti mo Salomon laa ayeke sara da nga na gbagba na mbi. Biani, mbi soro lo titene lo ga molenge ti mbi si mbi, mbi yeke duti babâ ti lo.

Abia (Psaumes) 2:7

“Mbi ye ti fa peko ti mbela ti KOTA GBIA: lo tene na mbi, lo tene: ‘Mo yeke molenge ti mbi; laso mbi ga babâ ti mo awe.

Awatokua 13:33

Nzapa asara ye ni biani na e, *ahale ti ala, na ndembe so lo zingo Jésus na kuâ. Lo sara ye ni alingbi na tënë so a su na ya ti mbeti ti Abia, na ya ti use bia ni, atene: ‘Mo yeke Molenge ti mbi, laso mbi ga Babâ ti mo awe.’

Ahebro 5:5

Ti Christ ayeke nga tongaso: lo mu tere ti lo wani ti si na kota ndo pepe ti ga kota wayango-sandaga; me Nzapa laa amu lo ti ga kota wayango-sandaga, Nzapa so atene na lo: “Mo yeke Molenge ti mbi, laso mbi ga Babâ ti mo awe.”