Ahebro 1:14 - Mbeti ti Nzapa - Tënë so amu fini

¹⁴ A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

Ahebro 1:14 ပူးပေါင်းရင်းမြစ်များ

Tongo nda ti aye 32:24

Lo mu ala, lo sara si ala fâ ngu ni, na aye so kue lo yeke na ni.

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

Mbeti ti Job 1:6

Mbeni lâ, ala so ayeke lango na yayu aga aluti na dawa ti *KOTA GBIA. Satan, lo so ayeke bi tënë na li ti zo, lo nga lo ga na popo ti ala.

Abia (Psaumes) 104:4

Mo sara si apupu aga awatokua ti mo si amenga ti wâ aga azo ti kua ti mo.

Abia (Psaumes) 34:7

Zo ti mawa adekongo, KOTA GBIA ama lo si lo zi lo na ya ti aye ti ngangu kue.

Daniel 3:28

Nabukodonosor amu tënë si atene: “E mu singila na Nzapa ti Shadrak, ti Meshak na ti Abed-Nego! Lo tokua *ange ti lo ti soo azo ti kua ti lo na kuâ. Ala zia be ti ala kue gi na ndö ti lo si ala ke ti ma yanga ti mbi so mbi yeke gbia. Ala yeda ti mu tere ti ala na kuâ, ahon titene ala sara na mbeni nzapa nde si ala voro mbeni nzapa so ayeke Nzapa ti ala pepe.

Daniel 6:22

Daniel akiri tënë na gbia, atene: “Gbia na nduzu!

Daniel 7:10

Mbeni wâ asigigi na dawa ti mbakoro ni si ayeke sua tongana ngu. Azo saki saki ayeke sara na lo si ambeni kutu mingi aluti na dawa ti lo. Awafango-ngbanga aduti si ala zi abuku.

Matthieu 1:20

Na ndembe so lo ngba ti gbu li ti lo, mbeni *ange ti *Kota Gbia asi na lo na ya ti bango-li si atene na lo: “Joseph, molenge ti David, mo sara mbeto ti mu wali ti mo Marie pepe, ngbanga ti so molenge so ayeke na ya ti lo aga na lege ti Yingo-Vuru.

Matthieu 13:41

fade Molenge ti Zo ayeke tokua a-ange ti lo, ala yeke mu azo so ayeke sara si amba ti ala ayeke ti na ya ti siokpari nga na azo so ayeke sara aye ti sioni, ti sigigi na ala na ya ti *Kodro-gbia ti yayu,

Matthieu 18:10

“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Matthieu 2:13

Na peko ti so azo ti gingo nda ti atongoro ni amu lege ague awe, mbeni *ange ti *Kota Gbia asi na Joseph na ya ti bango-li. Lo tene na Joseph: “Londo, mu molenge ni, lo na mama ti lo, ala kpe ague na Ezipte, aduti kâ! Tongana mbi mu yanga na mo ti kiri si mo kiri, ngbanga ti so Herode ayeke gi lege ti fâ molenge ni.”

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Matthieu 4:11

Tongaso Zabolo azia Jésus si a-ange aga na tere ti lo, asara na lo.

Marc 10:17

So Jésus amu lege ti gue, mbeni koli aga gi na loro, akuku na gbe ti lo si ahunda lo, atene: “Nzoni wafango-ye, nyen laa mbi lingbi ti sara ti wara fini so angba lakue lakue?”

Nzoni Tënë so Luc asu na mbeti 1:19

Ange ni akiri tënë na lo: “Mbi yeke Gabriel, mbi yeke luti na le ti Nzapa ti sara na lo. Lo tokua mbi ti tene tënë na mo, ti tene nzoni tënë so na mo.

Nzoni Tënë so Luc asu na mbeti 1:23

So ngoi ti sarango kua ti Zakarii ahunzi awe, lo kiri na ndo ti lo.

Nzoni Tënë so Luc asu na mbeti 16:22

Mbeni lâ, zo ti mawa so akui si *a-ange ayo lo, ague na lo na tere ti Abraham. Zo ti mosoro ni akui nga si a lu lo.

Nzoni Tënë so Luc asu na mbeti 2:13

Mo ye ti baa, a-ange mingi mingi ti yayu aga na tere ti kozo ange ni si ala bongbi, ahe bia ti gonda Nzapa, ala tene:

Nzoni Tënë so Luc asu na mbeti 2:9

Mbeni *ange ti *Kota Gbia asi na ala; gonda ti Kota Gbia aza na ndö ti ala si mbeto agbu ala mingi.

Awatokua 11:22

Azo ti *Eglize ti Jérusalem ama tënë ti ye so asi, nilaa ala tokua Barnabas na Antioshe.

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.

Awatokua 12:7

Mo ye ti baa, *ange ti *Kota Gbia asi, mbeni ye tongana wâ aza na ya ti kubu so Pierre ayeke daa. Ange ni andu Pierre na kate ti lo, Pierre azingo si ange ni atene na lo: “Londo hio!” Tongaso azingiri ni azi na maboko ti Pierre, ati.

Awatokua 13:2

Mbeni lâ, so ala bongbi ti voro *Kota Gbia si ala ke kobe ti sambela, Yingo-Vuru atene na ala: “Ala zia Barnabas na Saul nde ndali ti mbi titene ala sara kua so mbi iri ala ndali ni.”

Awatokua 16:26

Mo ye ti baa, sese ayingi ngangu si ayingi gere ti da ti kanga ni. Gi na ndembe ni, ayanga ti da ni azi si azingiri so a kanga na azo ni kue azi ati na sese.

Awatokua 27:23

Na bi so, mbeni *ange ti Nzapa ti mbi, so mbi yeke sara na lo, asi na mbi

Awatokua 5:19

Me na bi ni, mbeni *ange ti *Kota Gbia azi yanga ti da ti kanga ni, lo mu awatokua ni, lo sigigi na ala si lo tene na ala:

Rome 11:14

ti sara si, tongana lege ayeke daa, azo ti mara ti mbi asara kota be si mbi soo ambeni na popo ti ala.

Rome 13:6

Ndani so ala yeke futa nga lapo laa. Biani, azo ti rongo nginza ti lapo ayeke sara kua na Nzapa na ndembe so ala yeke sara kua ti ala.

Rome 15:16

si lo mu mbi ti ga zo ti kua ti Jésus Christ na popo ti azo ti amara nde. Lo zia mbi nde ti fa Nzoni Tënë ti Nzapa. Tongaso, azo ti amara nde alingbi ti ga nzoni *sandaga na le ti Nzapa na lege ti Yingo-Vuru, lo so lo sara si ala ga nzoni kue.

Rome 15:27

Ala wani aleke na be ti ala ti sara ye ni, ye so alingbi titene ala sara ni fade laa. So azo ti amara nde awara nzoni ye ti Nzapa na lege ti azuife, ayeke nzoni titene azo ti amara nde amu nga mbage ti ye so ala yeke na ni na azuife so ayeke na ya ti mawa.

Rome 8:17

So e yeke amolenge ti Nzapa, e yeke wara nga anzoni ye ti lo so lo mu zendo ni na azo ti lo; e na Christ laa e yeke wara anzoni ye ni. Biani, so e na Christ e yeke baa pasi legeoko so, fade e na lo nga, e yeke duti na ya ti gonda ti lo.

1 Korente 1:21

Biani, azo ti dunia so, na ndara ti ala wani alingbi ti hinga Nzapa pepe, ataa na ndo so lo fa ndara ti lo daa. Ndani laa, lo leke na be ti lo ti soo azo so ama na be gi na lege ti tënë so e yeke fa si akpa buba tënë so.

2 Korente 9:12

Ye so ala bongbi so ayeke gi ndali ti mungo maboko na azo ti Nzapa so ye atia ala so pepe, me ayeke nga ti sara si azo mingi amu singila na Nzapa ndali ni.

Galasii 3:29

Tongana ala yeke azo ti Christ, andaa ala yeke *ahale ti Abraham, ala yeke wara ande ye so Nzapa amu zendo ni.

Galasii 3:7

Tongaso, alingbi ala hinga, atene: azo so aduti na fini na lege ti mabe, ala laa ayeke taa *ahale ti Abraham.

Galasii 3:9

Tongaso, azo so kue ama na be, Nzapa ayeke sara tufa na ndö ti ala tongana ti so lo sara tufa na ndö ti Abraham so ama na be.

Efeze 3:6

Tënë ni ayeke so: na lege ti Nzoni Tënë, azo ti amara nde awara anzoni ye ti Nzapa legeoko na azuife; ala na azuife ayeke na ya ti tere oko. Na lege ti gango so ala ga oko na Jésus Christ, ala kue ayeke ku oko ye so Nzapa amu zendo ni.

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Filipe 2:25

Me mbi baa so, ayeke nzoni titene mbi kiri mbi tokua na ala ita ti e Epafrodite, lo so lo yeke mba ti mbi zo ti kua; e na lo, e yeke tiri bira ndali ti Nzapa. Ala laa atokua lo titene lo mu maboko na mbi, ngbanga ti so aye atia mbi lani.

2 Tesalonike 1:7

Ala so ayeke baa pasi, fade lo yeke mu na ala lege ti wungo tere, e na ala kue. Lo yeke sara ye ni tongaso na ndembe so Kota Gbia Jésus ayeke londo na yayu ti si, lo na angangu *ange ti lo;

Tite 3:7

Tongaso, na lege ti nzoni be ti lo, e ga mbirimbiri na le ti Nzapa si e wara nga fini so angba lakue lakue so e zia be ti e ti ku ni.

Ahebro 10:11

Na ya ti lango oko oko, wayango-sandaga oko oko kue ayeke luti na nduzu ti sara kua ti lo. Gi oko mara ti asandaga si ala yeke mu, me asandaga so ala yeke mu so alingbi ti zi asiokpari ti azo pepe.

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

Ahebro 6:12

Ala woko na lege ti sarango kua pepe, me ala sara ye tongana ti azo so ama na be, azo so akiri na peko pepe. Azo ni ayeke wara aye so Nzapa amu zendo ni na ala.

Ahebro 6:17

Andaa, azo so Nzapa amu zendo ti mu aye na ala, lo ye ti fa biani na ala so be ti lo angba lakue na ndö ti zendo ni. Ndani laa lo deba yanga ti lo na ndö ti zendo ni.

Ahebro 8:6

Biani, Nzapa amu na Jésus kota kua so ahon ti ambeni wayango-sandaga kue, ngbanga ti so lo yeke zo ti lekengo tënë ti mbeni *mbuki so ayeke nzoni ahon ti kozo ni. Mbuki ni so ayeke na ndö ti aye so Nzapa amu zendo ni na azo, aye so ayeke nzoni ahon atanga ni kue.

Ahebro 9:28

Legeoko nga, Christ amu tere ti lo na sandaga fani oko titene lo zi siokpari ti azo mingi. Ti fani use ni, lo yeke kiri ti ga ti zi siokpari ti azo pepe, me ti soo azo so kue ayeke ku lo.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.

1 Pierre 1:4

E yeke ku nga ti wara aye so Nzapa ayeke mu na azo ti lo titene aga ti ala. Aye ni alingbi ti buba pepe, ye ti sioni alingbi ti si na tere ni pepe si pendere ni alingbi ti hon nga pepe. Nzapa ayeke bata aye ni ti ku na ala na yayu.

1 Pierre 3:7

Akoli, ala nga, na dutingo so ala na awali ti ala ayeke duti, ayeke nzoni ala hinga so, awali ti ala ayeke tongana ta so akpengba pepe. Ala ne ala, ngbanga ti so ala, na awali ti ala kue laa ayeke wara nzoni ye so Nzapa ayeke mu na zo; nzoni ye ni ayeke dutingo na fini. Ala sara tongaso si mbeni ye akanga lege na sambela ti ala pepe.

Jude 1:14

Henok, lo so lo yeke na molongo mbarambara ti *ahale ti Adam, atene tënë na ndö ti azo so ando, lo tene: “Ala ma tënë so: ‘Kota Gbia ayeke ga na a-ange gbani gbani so ayeke nde si ayeke nzoni kue.

Aye so Nzapa afa 5:6

Na pekoni, mbi baa mbeni Molenge ti Taba, lo yeke luti na tere ti mbata ti gbia so ayeke na popo ti aye osio so ayeke na fini na akangba. Molenge ti Taba ni akpa taba so azo afâ lo awe. Adidi ti lo ayeke mbarambara. Ale ti lo ti bango na ndo ayeke mbarambara; ale ni ayeke ayingo mbarambara so Nzapa atokua ala na ndö ti sese mobimba.